محتاج حل في مشكلة خطيره جدا بتقابلني وانا سائق

**MIVEC.A92** · 14-10-2012 11:37 PM

انا كل يوم و انا راجع من الجامعه الطريق بالكامل 27 كيلو الشمس بتبقي ساعت الغروب الساعة 4-5 و ضاربه في عيني ببقي معمي تمـــاما و قريت عن النت ان الموضوع ده بيتسبب في حوادث طرق كتير جدا, دلوقتي انا لازم الاقي حل لأن الموضوع فعلا خطير و خطر جدا و لقيت في نظارات شمس بتنزل بعدسات اسمها Polarized و بتبقي عدسات غالية جدا بس مش هي دي المشكله, المشكله اني بلبس نظاره نظر و لو هجيب اي نظاره شمس لازم اشيل العدسات اللي فيها و مش هتبقي Polarized, انا بجد مش عارف اعمل ايه في الموضوع ده لأن الطريق بالكامل وانا رايح مفيش شارع واحد بس الشمس مبتبقاش في وشي, والله انا انهاردا اتأخرت بس نص ساعة و الشمس كانت نزلت تحت بكتير و عينيا لما روحت لقيت فيها بقع بني من كتر المعاناه الي كنت فيها و كنت خايف جدا و انا سايق.

**Ayman-Ahmed** · 14-10-2012 11:58 PM

طيب ولو ركبت عدستين بولارويود فوق النضارة النظر وتخلعهم فى اى وقت مش محتاجهم.هل ينفع ولا صعب برضه.؟

حاجة زى كدة مثلا :

**dede_dodo88** · 15-10-2012 12:02 AM

نزل الشماسة و أعمل نظارة شمس بعدسات طبية..
محستش قبل كده باللي بتقول عليه ده حتى لما الشمس بتبقى في وشي بنزل الشماسة قدامي و كده كده بلبس نظارة الشمس الصبح لما بسوق.. بس هي نظارة شمس و نظر مع بعض..

**Land_Cruiser** · 15-10-2012 12:04 AM

حضرتك محتاج كليبس بيتركب على نظاره النظر و فيه العدسات و ممكن تختار شكل العدسات اللى يناسب شكل عدسات نظارتك الطبيه و بكده تقدر تحل المشكله لما تبقى سايق و بعد كده يا أما تخلعه او حتى ترفع العدسات لفوق ٩٠ درجه . انا مش عارف هو موجود فى مصر و لا لأ بس ممكن تسأل عليه فى محلات النظارات الكبيره او تشتريه من على الانترنت و ده مثال له و سعره ٢٥ دولار . POLARIZED OLIVERI Clip On Glasses On Sunglass 100% UV | eBay

**Optiplex** · 15-10-2012 12:49 AM

طيب انت دلوقت بتحاول تحل الفرعى ما الاحسن نحل الاساس الا و هو شريط فامية عاكس بيتباع عن اى مل اكسسورات بخمسة جنية بيتلزق عالازاز و ترولواحد بتاع ازاز يتلزق و حل بسيط جدااا لسة عاملة و خلص الموضوع يا جدعان

**Mostafa.Mahran** · 15-10-2012 01:06 AM

شماسة كبيرة شوية على الازاز من فوق و الموضوع خلص و نزل شماسة العربية و حاول تخلى قعدتك عمودية على الكرسى و لو بيترفع لفوق يبقى تمام

**MIVEC.A92** · 15-10-2012 01:20 AM

المشكله في الشماسه ان انا معلي الكرسي علي الأخر و لما بنزل الشماسة الرؤية بتتحجب قدامي و كمان بتغطي المراية الخلفيه.

موضوع الأستيكر ده فكره كويسة ممكن صوره ليه و الاقيه في دمشق؟ و ممكن حد من المرور يكلمني عليه؟

**Amrgamal1** · 15-10-2012 01:21 AM

أعمل نضارة نظر وشمس في نفس الوقت سهله جدا ..
بتختار النضارة اللي انت عايزها وبيعملولها عدسات طبيه عادي وبعد كدا بتترش من برا بتبقي نضارة شمس
وخليها في العربيه لما تحتاجها استخدمها