الموضوع: Sensor

المشاركة الأصلية كتبت بواسطة Karim Ibiza

السلام عليكم

دلوقتى انا عايز اعرف اذا كان ال knock sensor هو نفس ال crank sensor؟؟؟

دى صورة حساس انا خلعته من الموتور القديم بتاع عربيتى ابيزا 98 ولما دخلت ال part number على النت لقيت اسمه knock sensor

مش هو ده حساس الكرنك ولا ده حاجة تانية؟؟؟؟

http://www.nileup.com/uploads/13502535141.jpg

http://www.nileup.com/uploads/13502535142.jpg

شوف يا حبي ده فعلاً حساس الكرنك و مكانه لازم يكون رخم زي ما الاستاذ ايهاب قال لكن لازم ليه ؟؟؟

تعالى نعرف يعني ايه knock sensor
وظيفة هذا الحساس هو اخبار و اعلام الكنترول ماهو بالضبط وضع عمود التاكيهات الى وضع السلندرات... ياترا هو متوقف على اي وضع ؟؟ وضع ادخال التغذية (الوقود) او على وضع الاحتراق او وضع اخراج العادم ؟؟؟
الكمبيوتر عن طريق السنسور ده هيحسب هيدخل الهواء و الوقود في اي غرفة و كمان هيبتدي يقفل الصمامات التي لن تلعب اي دول في الثواني الاولى في الحرق (عملية معقدة جدا) شرحها يجي 5 ساعات
زي ما قلتلك مكانه دائما مش لطيف لانه عادة بيكون بين السلندر رقم 3 و السلندر رقم 4 و في العربيات ال 6 سلندر الوضع مختلف و بيكون فيه اكتر من سنسور و خصوصا في المحركات V6 او محركات V عموما و بردوا عاوزه شرح مطول . لكن اديك عرفت وظيفته مبدأيا


اما وظيفة camshaft sensor
الحساس ده مهم جداً .. ده وظيفته مراقبة اي اهتزاز غير صحيح و غير سليم في المحرك ، و الاهتزاز ده بيكون ناتج عن عطل او عطب في احدى شمعات الاحتراق او خلل في دائرة توصيل او الدعم الكهربي (الموبينة او ويرات التوصيل) ، السينسور بيسجل ده على الكنترول علشان المفروض لو مافيش اي مشاكل او عدم وجود اهتزازات الكنترول يعطي افضل حرق للوقود و بالنسب المقترحة في عملية الحقن اما لو فيه اهتزازات و خطأ في احدى شمعات الحرق او في مشكله في الاحتراق نفسه يسبب هذا الاهتزاز ...... السنسور بدورة بيدي اشارة للكنترول عن وجود الخطا و بالاضافة الي انه بيحاول قدر المستطاع ضبط الاهتزازات الغير صحيحة بمساعدة الكنترول طبعاً.
و ده مكانه في الغالب بيكون على بكرة الكرنك الخارجية اللي بيكون عليها سير الدينامو

ارجو يكون الشرح واضح
و شكراً