مواقف وطرائف طابور محطه البنزين ٠٠٠٠!
ايه شعورك لما تبقى واقف بقالك ٣ ساعات فى محطه البنزين عشان تمون ويجى شخص ( ثقيل٠٠ خنيق)
يرروح واقف قصادك ( غلاسه ٠٠ وتناحه) وبعدين يضحكلك ضحكه صفره ويقولك كلمه (( معلش))
اصل الموقف ده حصل معايا امبارح بليل
طيب المفروض الواحد يتصرف ازاى مع الاشكال دى
ماهو اللى بيعمل موقف زى ده اكيد انسان بارد مش هياثر فيه تهزيئ
وخصوصا لما تحس انه بيكسر عليك ومش همه عربيته تتخبط لانها حديديه طبعا من ايام ١٩٨٠
وعارف ومتاكد انك هتخاف على عربيتك ومش هتحاول تيجى جنبه (( فعلا فى ناس كتير بيفكره بالمنطق ده))
كان نفسى فى الوقت ده ابقى راجل عشان انزل اجيبه من قفاه ٠٠٠ واديله فى وشه ٠٠٠ على كام شنكل حراميه
يحرم يعمل موقف زى ده٠:untitled 1:
اسفه طبعا على كميه الضرب دى ههههه بس فعلا موقف يغيظ اى حد
