-
الريداتير بيسرب ميه
السلام عليكم ورحمه الله وبركاته
عربيتي فكترا بي 1600 سي سي موديل 97
وانا ماشي بالعربية لقيت الريداتير بيسرب ميه من بين الفيبرا السودة والجسم الالموبيوم
مش عارف اعمل ايه هل اوديه بتارع ريداتير يشوفه
وانا سالت على ريداتير جديد صيني بضمان 350 جنيه فهل الريداتير الصيني ده كويس
ولا الاستيراد احسن والا اعمل ايه
علما بان الرديداتير متفكش قبل كده
-
و عليكم السلام و رحمة الله و بركاته
هي دي مشكله متكرره الى حد ما .. ان العلبه البلاستيك دي بتحمص من الحراره .. فبتتكسر و تسرب مياه.
انت ممكن تجيب علبه و تركبها عند أي حد بتاع رادياتيرات 125 جنيه تقريبا (بس مش هتعيش كتير .. سنه مثلا) .. أو تجيب رادياتير أصلي استيراد 400 جنية .. بس لازم تكشف عليه كويس .. عشان ممكن يكون مملح .. أو تجيب صيني جديد 350 جنية .. أو أصلي جديد 800 جنية تقريبا.
حسب الحاله الماديه.
-
وديه الاول لبتاع ريداتير يمكن يتلحم حاجة صغيرة ووفر الفلوس مؤقتا
ولو المشكله كبيره اشترى استيراد افضل
-
انا كان عندي نفس المشكله دي.. وغيرت العلبه بس ب 120 جنيه وانصحك بتغيير العلبه
-
انا حصل معايا قبل كده الموضوع ده ابتدى الاول ان الردياتير اتخرم اول مرة وسرب ميه كتير رحت لتاع رديداتيرات لحم الخرم وبقى كويس لكن دورة المية قلت كفائتها شوية ولما كنت اشغل التكييف الحرارة تزيد شوية ومشيت بيه شهرين تلاتة وبعدين بقى اتخرم تانى وفكرت ساعتها اشترى واحد جديد او استيراد والا واصلحة بينى وبينكم توفير للفلوس قلت اصلحة واهو هيمشى كمان كام شهر وكلها 30 او 40 جنيه مع ان فى ناس نصحتنى اغيره وبصراحة كان عندهم حق ..
لانى يا دوب شهر او شهرين كمان ولاقيته بقى خردة وبعدين كفاءة دورة المية بقت فى الارض وتسخن جدا مع التكيف وتسخن شوية من غيره .. فقلت اغيره بقى وامرى لله وكان ده اول الصيف ده سالت اللى بشترى منه قطع الغيار فى الحرفيين قالى خليك فى الجديد احسن لان القديم دائما بيبقى مملح فى الغالب ..
واشتريت واحد هندى على ما تذكر يعنى ب 550 جنيه ,وانا عربيتى على فكرة 2000 cc معرفش بردو تفرق والا لا لكن ركبته والحمد لله ماشى معايا كويس لحد دلوقتى
بس نصيحة مهمة وقعتن فيها اكتر من مرة ..... اوعى حد يعملك دورة مية او يفك الردياتير ويشتغل فيه وهو او العربية سخنة كده هيطيرلك السويتش على طول وهتبقى عملت حاجة وبوظت حاجة لانى وقعت فى الموضوع ده كذا مرة ..
وخالص تحياتى
-
ايه موضوع العلبة دي ومنين اشتريها
-
-
بلاش موضوع الصيني والهندي لأنهم مش مضمونين ..... أنا مركب واحد تايلاندي( الله أعلم) بقاله سنه ونص و العلبه الجانبيه بدأت تجيب ميه على خفيف.
خليك في الإستيراد أحسن بس شوف واحد كويس وخده على التجربه.
-
العلبة بتتغير
بس ميكونشى الريادتير مملح
انا مركب الصينى من سنة و 3 شهور
و الحمد لله كويس
-
اسمع بنصحيتي انا خد الراديتور ولف لفه حلوة علي بتوع قطع الغيار الا بتوع اوبل وحاول تعدل رايديتور استيراد يكون نفس الشكل في خراطيم الميه وكدة وشوف
تجربه شخصيه ماتور قربه المساحات ضرب مني الي بيطلع ميه رحت اسئل عليه لقيته ب 140 ج
خدت القديم وقعدت الف لغايه اما لقيت بتاع ميكروباص مرسيدس اخو بتاع الفيكترا وركب وفوق الممتاز وخدته من الرجل ب 25 جنيه اسيتراد bosch الماني اصلي وكان في القربه بتاعته
لو ملقتش حاجه تتعدل خلاص امرك لله
Content Relevant URLs by
vBSEO 3.6.0 PL2