تيريوس بعد الاضافات و الكماليات---- اتمني تعجبكو

السلام عليكم ورحمة الله و بركاته
الحمد لله ركبت معظم الكماليات والاضافات لعربيتي وهقولكو انا ركبت ايه و فين و بكام للفائده ان شاء الله.
ما تم تركيبه في التوكيل:
1- طقم دفندر كامل
2- غطاء فيبر للاستبن
3- فرش جلد اسود
4-جهاز انذار بالروافع والريموت
5- منفاخ كهربائي للعجل مع عدة اسعافات اولي و كشاف طوارئ
وبصراحه مش فاكر تفصيل سعر كل واحد بس كلهم كلفو حوالي 8300 جنيه وكان ممكن يكونو اقل بس انا ركبت اغلي طقم دفندر امامي و جانبي وخلفي لانه اجمل و امتن.
ماتركيبه خارج التوكيل:
1- شنطة سقف سوداء من معروف ب 825.
2- طقم نيكل لجميع المقابض و الفوانيس امامي و خلفي و اشارات ب 800
3- عراقه للكراسي الاماميه ب 100
4-غطاء للدركسيون جلد طبيعي اسود ب 100
5- تظليل للزجاج الجانبي الامامي يمين و يسار ب 120
6-طبقة حمايه من الخدش للفوانيس الاماميه ب 50 جنيه
طبعا الحاجات الاستيكر كلها من عند واحد اسمه مكتبة ابراهيم في شارع دمشق في مصر الجديده متخصص في الحاجات دي بس.
دلوقتي بقي مع صور العربيه و اتمني تعجبكو ان شاء الله
__________________________
بسم الله ما شاء الله
___________________
http://up.x333x.com/uploads/2254e2b8df.jpg

ماشاء الله ولا حول ولا قوة الا بالله

اشيك عربية تيريوس شوفتها لغاية دلوقتى

بس هيه اسعار الكماليات اللى غالية شوية وكنت ممكن تجيبها اقل من كده

شكرا اخي العزيز محمد الطويل وعلي فكره انا اول مكان رحته بعد ما ركبت الحاجات دي كان اسكندريه لاني بقت عاده عندي ان اول مشوار اروحه بعربيتي الجديده هيا اسكندريه واتكرر الموضوع ده في تلت عربيات.
اما موضوع السعر فانا لفيت حوالي اسبوع علي كل الاماكن اللي ممكن تكون بتبيع حاجه تخص العربيه و طبعا انا عارف ان في حاجات ارخص من كده بس بصراحه مش عايز اركب حاجه تبوظ بعد فتره بسيطه او ازهق منها و كمان الجوده و المواد ليهم دور كبير في فرق السعر.

بسم الله ما شاء الله
ربنا يباركلك فيها

يا باشا اسكندرية تنور بيك ولما تنزل اسكندرية تانى ابقى قولى علشان فيه عندنا محلات اكسسوار جامده جدا

مبارك عليك
ماشاء الله
ربنا يحفظك ويحفظالك ان شاء الله

بس ليا سؤال
هيا ايه الطبقة المانعة للخدوش بتاعت الفوانيس دي ومنين وبكام وو صورة لها او لعلبتها ؟؟
وشكرا لك

بسم الله ماشاء الله ربنا يباركلك فيها

بسم الله ماشاااء الله راااااائعة
الله يعطيك خيرها ويكفيك شرها يارب

شكرا ليكو جميعا يا اخواني الاعزاء جدا
وردا علي سؤال اخي ابو عبد الله عن الطبقه المانعه للخدش هي عباره عن نوع من انواع الاستيكر السميك و به طبقه خارجيه بتقاوم الخدش و انا عملتها زي ما قولت عند واحد اسمه ابراهيم في شارع دمشق بمصر الجديده مشهور جدا وكمان زحمه جداجدا.
انا بس كده ناقص عربيتي حاجه واحده هيا استيكر منتدي نايل موتورز.

ناقصك كمان حاجتين
الاستيكر الجانبي على الابواااااب الجانبية بطول العربية
السبويلر الخلفي على السقف ... وحتلاقيه عند على رضا ب 700 جنيه تقريبا ..
:)
آه ونسيت كمان اقوللك على واقيات المطر للعجل تحت الرفارف ( مش عارف اسمها ايه بالظبط )
والله يحميك من كل سوووء ..

والله انا شفت السبويلر الخلفي عند علي رضا بس اولا لم اقتنع بيه بدرجه كبيره وثانيا الماديات خرمت مني علي الاخر لان الحاجات التانيه اللي جبتها غاليه نار زي ما انت شايف.
اما موانع المطر مش موجوديه عند التوكيل ولما اسافر دبي او انجلترا قريب هجيبهم من هناك ان شاء الله.
علي فكره انا دورت علي محل مصطفي العدوي اللي انت قولت عليه و ملقتهوش بس لقيت الشبكه عند واحد اسمه الشرقاوي.

اقتباس:

---

المشاركة الأصلية كتبت بواسطة msh2179

والله انا شفت السبويلر الخلفي عند علي رضا بس اولا لم اقتنع بيه بدرجه كبيره وثانيا الماديات خرمت مني علي الاخر لان الحاجات التانيه اللي جبتها غاليه نار زي ما انت شايف.
اما موانع المطر مش موجوديه عند التوكيل ولما اسافر دبي او انجلترا قريب هجيبهم من هناك ان شاء الله.
علي فكره انا دورت علي محل مصطفي العدوي اللي انت قولت عليه و ملقتهوش بس لقيت الشبكه عند واحد اسمه الشرقاوي.

---

هههههههه .. الله يرزقك وانا عارف ان الماديات لما تفتح بيكون شكلها ازاي
بالنسبه لموضوع الشبكه مادام فتحت الموضوع ..انت ليه جبتها ب 825 مع ان سعرها 430 في شارع شامبليون ومن الصور لاقيت ان الشكل واحد ..
المحل ده امام كشري ابو طارق الناحيه التانيه خطوتين على اليمين واخد ناصية حاره صغيره مقفوله .. وانا لما امر من هناك حجيب تليفونه او موبايله ان شااااء الله
السبويلر الخلفي شكله خليجي خالص ياراجل وبتلاقيه ف كل العريبات الخليجي زي الليكسس والباترول وحتى الكايين .. لكن انت صاحب القرار ودي مسألة ازوااااق
موانع المطر فعلا سالت في التوكيل مش لاقيها خالص .. و لو ممكن تجيبلي معاك بليز ونركبهم هنا في التوكيل تبقى خدمة العمر .. هما بكام تقريبا ..
معلش دوشتك والله يحفظك من كل سوووء ويرزقك ..

انا اسف انا كتبت السعر غلط هو فعلا 425 وبالنسبه للسبويلر ياباشا لازم الاقي حجه اقنع بيها نفسي ان مشترتهوش عشان مكونش متضايق بس اول ما انسي المبلغ الجامد اللي فات اوعدك اني اشتريه.

اقتباس:

---

المشاركة الأصلية كتبت بواسطة msh2179

انا اسف انا كتبت السعر غلط هو فعلا 425 وبالنسبه للسبويلر ياباشا لازم الاقي حجه اقنع بيها نفسي ان مشترتهوش عشان مكونش متضايق بس اول ما انسي المبلغ الجامد اللي فات اوعدك اني اشتريه.

---

الحمد لله.. و الله اني فرحت عشان قلت حرام يدفع ضعف المبلغ :)
تحيتي لك ..

علي فكرة الدلايات بتوع العجل الخلفي للمطر
جبتهم اصلي بنفس لون العربية من انجلترا
بالشحن للكويت ومنظرهم بجد تحفة
وكان تمنهم بحدود 300 جنية مصري
http://www.atkinmotorengineers.com/s...ory=Exterior-4
http://www.atkinmotorengineers.com/s...08412B4001.jpg
بالنسبة للأماميين اعتقد مبيركبوش مع الحلية
الأصلية الجانبية اللي تحت الأبواب

ربنا يبارك لك فيها و يحفظها لك

بالنسبة للاستيكر بتاع نايل موتورز, حضرتك راجع الموضوع ده, و شوف مين من الناس دى اقرب لك

http://www.nilemotors.net/Nile/showthread.php?t=6588

بسم الله ماشاء الله ربنا يحفظهالك ..
:):)

بسم الله ما شاء الله

بجد جميلة جدا

ربنا يباركلك فيها

ما شاءالله ربنا يبارك لك فيها ويبعد عنك شرها

مبروووووووووووك

حد شاف دى في السوق؟

up up up up up up

اقتباس:

---

المشاركة الأصلية كتبت بواسطة ushraf

حد شاف دى في السوق؟

---

الدفندر ده موجود دلوقتي في التوكيل و ارخص من بتاعي و اعتقد انه مش هيستفز بتوع المرور لانه صغير و اوطي من مكان النمر

لا ضرر و لا ضرار

المفروض ما تركبش دفندر امامي

لانك لو خبطت واحد ماشي على رجليه هتكسر له رجليه و توقعه تدوس عليه

انما من غير الديفيندر الامامي ..... جسمه هيزحف عالكبوت و يقع عالجنب و ده تصميم العربيات الجديدة كلها

الفكرة اصلا ان الدفندر مخالف لقانون المرور مش عشان بيخبى النمر بس ولكن عشان اطوال و بروز غير مصرح بيه
و التوكيل عارف انه مخالف و عشان كدا لو طلبت تركبه ابل ماترخص مش هايرضوا عشان الفحص الفنى و مع ذلك بيركبوه بعدين ويكسبوا هم و البس انت فى الحيط
دى غير طبعا ان كدا مواصفات الامان اتغيرت تماما عن مواصافات العربية الاصلية و اصبحت خطر على المشاه و العربيات التانية فى حالة الاصطدام لا قدر الله

الفكرة اصلا ان الدفندر مخالف لقانون المرور مش عشان بيخبى النمر بس ولكن عشان اطوال و بروز غير مصرح بيه
و التوكيل عارف انه مخالف و عشان كدا لو طلبت تركبه ابل ماترخص مش هايرضوا عشان الفحص الفنى و مع ذلك بيركبوه بعدين ويكسبوا هم و البس انت فى الحيط
دى غير طبعا ان كدا مواصفات الامان اتغيرت تماما عن مواصافات العربية الاصلية و اصبحت خطر على المشاه و العربيات التانية فى حالة الاصطدام لا قدر الله

طبعا كلامكم صح في خطورة الدفندر علي المشاه و كمان لانه بيداري النمر زي الدفندر اللي معظم السيارات الماتريكس مركباه بس عايز اقول حاجه بسيطه جدا و هي ان الدفندر اللي انا مركبه مصنوع بالكامل من مادة المطاط و ده اكبر ميزه فيه انه بيمتص الصدمات سواء عن سيارتي او سيارة الغير او الاشخاص لو اتخبطو ثانيا هو مش بيداري النمر لانها بتركب عليه من بره و في مكان مخصوص للنمر واضح جدا طبعا الكلام بخصوص ان الدفندر مخالف صحيح جدا بس لما رحت ارخص محدش قالي حاجه عليه لان حجمه صغير و ماشي مع تصميم العربيه و في نفس خطوطها و ركبت النمر الجديده عليه.
الخلاصه ان الدفندر ده بما انه مصنوع من ماده مطاطه خطره بيكون قليل علي الاشخاص و مش بيداري النمر و طبقا لقانون المرور فهو مخالف و لكن نظرا لحجمه الصغير و شكله المتناسق مع السياره و بروزه البسيط جدا خارجها فلا يجذب اليه النظر تماما.
وجزاكم الله خيرا و نرجو من الله ان لا نكون سببا في اذي اي شخص لا قدر الله و الدال علي الخير كفاعله.

احنا مش بنتكلم عالصلابة

احنا بنتكلم عالانسيابية

الكبوت انسيابي بشكل يسمح لجسم الشخص انه يزحف لفوق و يقع عالجنب

الدفندر حتى لو كرتون هيشوطه لقدام و كده ممكن تدوس عليه

خلاصة الكلام ..... انا كنت عايز اركب دفندر .... بس لغيت الفكرة لأني عمري ما كنت هاسامح نفسي لو موتت حد عشان احافظ على حتة فبرة و لا صاجة من العربية !!!!

اقتباس:

---

طبقا لقانون المرور فهو مخالف و لكن نظرا لحجمه الصغير و شكله المتناسق مع السياره و بروزه البسيط جدا خارجها فلا يجذب اليه النظر تماما.

---

حضرتك ناسى ان اى ضابط فى اى لجنة ممكن يوقفك رخامة كدا و بديلك مخالفة و سعادتها هايكون تصرفه قانونى و يكتبلك اعادة فحص فنى و حوار طويل

الديفندر للاسف ارغموني في المرور على اني اشيله لما جيت اجدد الرخص
وحاولت والله اجيب واسطه عميد في المرور ما نفعتش قالولي ده قرار وزير ,, وحاولت بالطرق التانيه وباي مبلغ ماقدرتش خالص
ىخر اللي قدرت عليه كلمة موظف قديم في المرور قال لي لو جبتلي اي كتالوج للتريوس عليه الديفندر متركب حرخصهالك بالديفندر ,, ولما رحت التوكيل قالولي فيه ناس عرفت تتصرف وم. احمد عبد الوهاب فعلا وراني صور سكان للرخص دي مكتوب عليها مصرح باكصدام امامي ,,
لو حد يا جماعه عارف السكه دي تخلص ازاي يا ريت يقول لنا او لو محرج يكلمني على الخاص ولكم كل الشكر ,,

سؤال معلش هو ليه الناس مصممة تخالف القانون بأى شكل ؟

اقتباس:

---

المشاركة الأصلية كتبت بواسطة معاذ الشرباصى

ربنا يبارك لك فيها و يحفظها لك

بالنسبة للاستيكر بتاع نايل موتورز, حضرتك راجع الموضوع ده, و شوف مين من الناس دى اقرب لك

http://www.nilemotors.net/Nile/showthread.php?t=6588

---

khaledmaher, لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر:

1. حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟
2. إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة.

الاخ معاذ ... بعد التحية انا حاولت ادخل على اللينك بتاعك علشان اعرف اجيب الاستيكر منين للاسف ظهرت هذة الرسالة ممكن اعرف معناها اية ؟؟؟؟ حسابى مفيهوش امتيازات ؟؟؟ الادارة قامت بحظر حسابى ؟؟؟؟ او بانتظار الموافقة ؟؟؟؟؟ .....
انا كل اللى كنت عايزة مكان الاستيكر بتاع النيل موتورز ... ولكم جزيل الشكر لحسن تعاونكم ...خالد :dontudear:

وانا كمان حصل لي كده اتمنى الحصول على الاستيكر وانضم للمنتدى فعليا


شكرا جزيلا