هوا دوره مياه النوبيرا

**kagawa** · 15-10-2012 04:35 PM

ماهي طريقه اخد الهوا بعد تغيير ماء الردياتير في النوبيرا ؟؟

1- هل اخلع خرطوم القربه واخليه يرمي ميه بره
2- افضل فاتح غطا القربه لحد المراوح تشتغل وبعدين اقفل غطا القربه

..

...

**ahmedfouad** · 15-10-2012 06:39 PM

افضل توقيت للتخلص من هواء دورة التبريد انك تزود المية الصبح والعربية باردة خالص وبعدين تربط الغطاء بتاع القربة كويس....لأنك مهما اخذت هواء والعربية سخنة بردوا هتلاقى هوا فى الدورة الا لو ميكانيكى هوا اللى اخدلك هواء الدورة

**sakr_skoda** · 15-10-2012 08:44 PM

ازاى تسحب الهوا و بنفسك من غير ماتروح عند ميكانيكى و لة حد
الطريقة سهله جدااااا
هنا بقى هتكون العربية بردة جداااااا علشان جوان وش السليندر والوش السليندر نفسة
اولا هتفك الخرطوم الراجع على القربة قلى بيبقى فوق ودور الموتور على السلانسية هتلاقى الخرطوم بيفضى مياة خلية يفضى وبعدين لما المياة بتقطع والقربة تفضى فاضى المياة فى القربة واديها سنة سنة متواصل للحد ماخرطوم الراجع بتاع القربة ينزل مياة شغال زى منتا اديها مياة للحد ما تلاقى المياة نازلة بغزارة من الخرطوم مش سرسوب ضعيف ركب الخرطوم الراجع بالقفيز وزود و ظبط مقاس المياة على شرطة الماكس بالظبط علشان هنحتاج المقاس دة بعدين ومتقفلش غضاءالقربة لسةمخلصناش
خلصنا لالالالالالالالالالالالال الالالا لسة احنا مسحبناش الهوا كله
هنعمل اية بقى تانى و عاوزك تكون صبور جدااااااااااااااا
هتلاقى فى خرطوم تخين قلى بيبقى رابط ما بين الكوعة قلى فوق ورابط ما بين الرداتير كل دة و العربية دايرة على السلانسية ويفضل تكون مخلى صحابك بيراقب معاك مؤشر الحرارة للحرص
هتعمل اية هتخنق الخرطوم دة بايدك ويفضل تاتنية علشان تحبس المياة ولمدة دقيقة وسيب مرة واحدة وعينك فى القربة هتلاقى فققيع مياه او برقيع مياة فى القربة اخنق تانى و تالت ورابع وشوية وسيب
وطول الخنقة يعنى دقتين وبعدين زود الخنقة 3 دقايق بس مش تخنق لربع ساعة لالالالالالا واخنق و سيب هتقولى طيب هخلص امتا هقولك للحد لما تيجى تخنق وتسيب و متلقيش برقيع خالص او فققيع
هتلاقى بقى اية المياة ناقصة من القربة يبقى احنا كدة شغالين صح لية بقة ناقصة علشان المياة حلة محل الهواء زودها وظبط على الماكس تانى هتقعدلك بتاع خمس ايام مراقبها كل يوم الصبح قبل ما تطلع بيها كدة هتلاقى المياة بتنقص منك بتاع كوبيةمياة كل يوم كدة تقريبا عادى جدااااا متقلقش علشان احنا طردنا الهواء والمياة بتحل محلة سنة سنة يعنى بنسيسها خالص
للحدما تلاقى المياة اتظبط لوحدها وبتنقص حاجات بسيطة جدااااا
وبكل صبر وحرص

فكرة الهواء دى اية او فكرة الخنقة دى اية

انى انا بضغط على طلمبةالمية والمياة بتنضغط فى اماكن تجويف الهوا الموجودة فى البلوك فى وش السليندر اى مكان ما ويحل محالها وبخليها تكبس على الهوا وتطرده برة امتا لما بسيب الخنقة دى الفكرة

هتقولى انا مش متخيلها او انا مش فاهم الكلام قلى انتا بتقوله موضوع الهوا دة و المياة مش عارف
هقولك نعمل مع بعض تجربة عملية هات طبق مياة كبير شوية او حلة مياة بلاش طبق هات حلة كبيرة وهات كوبية ازاز شفافه و اقلبة وخلى كعب الكوبية لفوق و بوق الكوبية لتحت وحطها فى المياه واكبسها و غطسها للاخر وخلى المياة تيبقى مغطيها هتلاقى المياة مش مليةالكوبية كلها من جوة كلها هتلاقى تقريبا ربعها او نصها مفيهوش مياة مع العلم انتا مغطس الكوبية كلها فى المياة طيب الباقى دة ليةمدخلش فيها المياة علشان موجود هواء فى الكوبية وبينضغط فالكوبية مقابل المياة مبتقدرش المياة تحل محالة لانه انضغط و شكل قوة فى مقابل المياة جرب عملى و هتفهم القصة اية

يارب اكون قدرت اوفق فى الشرح و تبسطة يارب

**kagawa** · 15-10-2012 10:27 PM

المشاركة الأصلية كتبت بواسطة ahmedfouad

افضل توقيت للتخلص من هواء دورة التبريد انك تزود المية الصبح والعربية باردة خالص وبعدين تربط الغطاء بتاع القربة كويس....لأنك مهما اخذت هواء والعربية سخنة بردوا هتلاقى هوا فى الدورة الا لو ميكانيكى هوا اللى اخدلك هواء الدورة

الصديق ahmed fouad

انا فالعادي بعمل زي حضرتك ما بتقول بس انا اضطريت افضي الميه كلها
فعايز احط ميه جديده واظبط الدوره

شكرا لمشاركتك ونصيحتك الغاليه

....

....

**kagawa** · 16-10-2012 01:40 AM

المشاركة الأصلية كتبت بواسطة sakr1964

ازاى تسحب الهوا و بنفسك من غير ماتروح عند ميكانيكى و لة حد
الطريقة سهله جدااااا
هنا بقى هتكون العربية بردة جداااااا علشان جوان وش السليندر والوش السليندر نفسة
اولا هتفك الخرطوم الراجع على القربة قلى بيبقى فوق ودور الموتور على السلانسية هتلاقى الخرطوم بيفضى مياة خلية يفضى وبعدين لما المياة بتقطع والقربة تفضى فاضى المياة فى القربة واديها سنة سنة متواصل للحد ماخرطوم الراجع بتاع القربة ينزل مياة شغال زى منتا اديها مياة للحد ما تلاقى المياة نازلة بغزارة من الخرطوم مش سرسوب ضعيف ركب الخرطوم الراجع بالقفيز وزود و ظبط مقاس المياة على شرطة الماكس بالظبط علشان هنحتاج المقاس دة بعدين ومتقفلش غضاءالقربة لسةمخلصناش
خلصنا لالالالالالالالالالالالال الالالا لسة احنا مسحبناش الهوا كله
هنعمل اية بقى تانى و عاوزك تكون صبور جدااااااااااااااا
هتلاقى فى خرطوم تخين قلى بيبقى رابط ما بين الكوعة قلى فوق ورابط ما بين الرداتير كل دة و العربية دايرة على السلانسية ويفضل تكون مخلى صحابك بيراقب معاك مؤشر الحرارة للحرص
هتعمل اية هتخنق الخرطوم دة بايدك ويفضل تاتنية علشان تحبس المياة ولمدة دقيقة وسيب مرة واحدة وعينك فى القربة هتلاقى فققيع مياه او برقيع مياة فى القربة اخنق تانى و تالت ورابع وشوية وسيب
وطول الخنقة يعنى دقتين وبعدين زود الخنقة 3 دقايق بس مش تخنق لربع ساعة لالالالالالا واخنق و سيب هتقولى طيب هخلص امتا هقولك للحد لما تيجى تخنق وتسيب و متلقيش برقيع خالص او فققيع
هتلاقى بقى اية المياة ناقصة من القربة يبقى احنا كدة شغالين صح لية بقة ناقصة علشان المياة حلة محل الهواء زودها وظبط على الماكس تانى هتقعدلك بتاع خمس ايام مراقبها كل يوم الصبح قبل ما تطلع بيها كدة هتلاقى المياة بتنقص منك بتاع كوبيةمياة كل يوم كدة تقريبا عادى جدااااا متقلقش علشان احنا طردنا الهواء والمياة بتحل محلة سنة سنة يعنى بنسيسها خالص
للحدما تلاقى المياة اتظبط لوحدها وبتنقص حاجات بسيطة جدااااا
وبكل صبر وحرص

فكرة الهواء دى اية او فكرة الخنقة دى اية

انى انا بضغط على طلمبةالمية والمياة بتنضغط فى اماكن تجويف الهوا الموجودة فى البلوك فى وش السليندر اى مكان ما ويحل محالها وبخليها تكبس على الهوا وتطرده برة امتا لما بسيب الخنقة دى الفكرة

هتقولى انا مش متخيلها او انا مش فاهم الكلام قلى انتا بتقوله موضوع الهوا دة و المياة مش عارف
هقولك نعمل مع بعض تجربة عملية هات طبق مياة كبير شوية او حلة مياة بلاش طبق هات حلة كبيرة وهات كوبية ازاز شفافه و اقلبة وخلى كعب الكوبية لفوق و بوق الكوبية لتحت وحطها فى المياه واكبسها و غطسها للاخر وخلى المياة تيبقى مغطيها هتلاقى المياة مش مليةالكوبية كلها من جوة كلها هتلاقى تقريبا ربعها او نصها مفيهوش مياة مع العلم انتا مغطس الكوبية كلها فى المياة طيب الباقى دة ليةمدخلش فيها المياة علشان موجود هواء فى الكوبية وبينضغط فالكوبية مقابل المياة مبتقدرش المياة تحل محالة لانه انضغط و شكل قوة فى مقابل المياة جرب عملى و هتفهم القصة اية

يارب اكون قدرت اوفق فى الشرح و تبسطة يارب

الصديق والبرفوسير والا ستاذ sakr 1964
ايه الروعه دي في الشرح والاسلوب السهل البسيط اللي يدخل عدل علي الجمجمه
ومايطلعش ابدا ... احييك علي الاسلوب الجميل في الشرح
حقيقي انت فهمتني الموضوع بطريقه سهله وان شاء الله ها انفذها الصبح بكره
بس انا عاوز اسال...
1- انا ها افك خرطوم القربه من الطرف اللي بيصب علي القربه ولا من ناحيه بزبوز الردياتير؟
2- خنقه الخرطوم الكبير اللي جاي من الكوعه الخنق فيه مايضرش طلمبه الميه او اي حاجه ؟
3-اعرف ازاي ان طلمبه الميه بتاعتي شغاله كويس؟؟ هي بتفضل شغاله طول ما العربيه دايره
ولا لما المراوح تشتغل وتبطل
..
مستني ردك بسرعه
والف شكر ليك وربنا يكرمك .. تعبتك معايا

..

..

**broadband** · 16-10-2012 11:33 AM

انا ساعات باغيَر المياه و بحط خرطوم مياه دايركت في القربة و انا فاكك خرطوم الراجع من الردياتير للقربه و بسيبه 3 دقايق و العربية باردة و بعدين بادور العربية و اسيب الخرطوم يضخ مياه لمدة 5 دقايق و بسرعة اقفل الخرطوم و اربط الراجع و اسحب المياه الزيادة من القربة لو فوق الmax و خلاص على كده

و اهو برضه نظافة لدورة المياه

**kagawa** · 16-10-2012 11:54 AM

المشاركة الأصلية كتبت بواسطة broadband

انا ساعات باغيَر المياه و بحط خرطوم مياه دايركت في القربة و انا فاكك خرطوم الراجع من الردياتير للقربه و بسيبه 3 دقايق و العربية باردة و بعدين بادور العربية و اسيب الخرطوم يضخ مياه لمدة 5 دقايق و بسرعة اقفل الخرطوم و اربط الراجع و اسحب المياه الزيادة من القربة لو فوق الmax و خلاص على كده

و اهو برضه نظافة لدورة المياه

الصديق broadband

الطريقه دي ممكن انا اتمكن من اني اعملها لوحدي ولا ها احتاج شخص تاني معايا ؟

اشكر مشاركتك

...

...

...

**broadband** · 16-10-2012 11:59 AM

مش محتاج اى شخص اخر ... الا اذا كان حد حيسليك هههههههههههه

انا دايما باعمل كل حاجة لوحدى

**MMamdouh** · 16-10-2012 03:13 PM

مفيش اى مسامير او طبب هوا فى دورة تبريد الدايو...

الطريقة الصح انك تاخد هو هو انك تملا مية لحد الحد الاقصى للقربة و تسيب العربية دايرة و القربة مقفولة لحد ما مراوح التبريد تشتغل و تطفى... اول ما تطفى افتح القربة بحذر و خللى الهوا اللى جواها يخرج و تقفل القربة تانى

MMamdouh