الموضوع: تجربة عملية لتركيب الغاز الطبيعي بالسيارة

و فيه كمان جهاز جديد صاحبى قالى عليه بيركب على الغاز ... بيعالج موضوع السحب

الجهاز بيسخن الغاز قبل ما يوصله للموتور فبيحسن من خواص الأحتراق ... و قالى انه فى حدود 2000 جنيه لوحده بخلاف سعر التحويل

الموضوع اللي كان معمول اللي الآخ كريم بيقول عليه
نايل موتورز - NileMotors.net

يغلب عليه كأنه موضوع علمي

لكن زي ما بيقولوا اسأل مجرب وما تسألش طبيب

المشاركة الأصلية كتبت بواسطة Mohamed.Fawzy

اسف يا باشا ... الكلام ده مش صح فيما عدا موضوع السحب

هقولك عن تجربه فعليه فى عربيه صديق لى ... و بركبها معاه و بيفول قدامى

السياره : تويوتا كورولا 2007 مانيوال

العداد 300 الف كيلو متر و شويه

تفويله الأنبوبه بتعمل تقريبا 12 جنيه و بتمشيه من 200 الى 250 كيلو فى وسط البلد بالتكييف

و للعلم صديقى مبيمشيش من غير التكييف صيف شتا

العربيه من امتى غاز : من 2010

العربيه عملت عمره قبل كده : لا

العربيه فيها مشاكل : لآ

الراجل بيعمل صياناته كلها فى التوكييل من ساعه ما اشترى العربيه

و طبعا سحب العربيه بيقل شويه لما يبقى ماشى على الغاز و لا حظت ده لما حول قدامى من غاز لبنزين

جزاك الله كل خير على المعلومات القيمة

المشاركة الأصلية كتبت بواسطة samasuper

1- ماركة العربية فيات 131

2- الموديل 1981

3- سعة الموتور 1400

4- تاريخ تركيب الغاز الطبيعي 1/5/2007

5- التكلفة الإجمالية ولو فيه تقسيط 5000

6- سعر تفويلة الغاز وتمشيه كام كيلو داخلي وخارجي حوالى 7.5 والمشى حوالى 170 كم داخل البلد فى الزحمه الحاليه وتصل الى 220 فى السفر

7- إيه العيوب وبكل دقة السحب اقل من البنزين حوالى 85% كانت بتسخن على الغاز قبل مااعمل لها عمره يعنى 90 درجه حراره على الغاز و80 على البنزين اما بعدالعمره 80على الغاز و95 على البنزين مش عارف السبب للتغيير لحد دلوقتى , بالرغم من ان مشاويرى حوالى 50كم فى اليوم الا انه موفر جدا بالنسبه لى الوفر الناتج عنه فى اربع سنوات مثلا يوفر ثمن 3 عمرات ( على اساس انى هاعمل عمره كل اربع سنوات ) تاريخ التعامل مع شركه غاز السيارات من 1998
العيوب فى شركات الغاز انها عارفه انها بتوفر عليك كتير وده بيخليها تستغل الموقف اسوأ استغلال فى التصليح والتغيير المرتفع التكلفه


شكرا واسف على الاطاله

بالعكس حضرتك نورتنا بكلامك

انت أول واحد يقدملنا تجربة شخصية







بس أنا شايف إن العربية رغم إنها موديل قديم يعني موتورها شوية متهالك - لكن متحملة كويس ومش زي ما بيقولوا محتاجين عمرة كل ست شهور


حضرتك حسستني إن الغاز ممتاز مش كويس بس


طيب إيه اللي يخلي اللي عنده عربية ماش بيركبه ولو حتى على سبيل الإحتياط - ولو لقى البنزين شاحح يفولها غاز ويوفر على نفسه جراكن البنزين المليانه مية أو الوقفة المذلة في طوابير المحطات ؟؟؟