عرض للطباعة
فيه ناس بتشجع قوي على الغاز الطبيعي
وفيه ناس بتخوف منه وتقول هيسخن الموتور وهيدمره في خلال ستة أشهر
محتاجين حد يساعدنا ويكون فعليا ركب غاز طبيعي ويشرحلنا تجربته بكل حيادية والنتائج بكل بساطة
1- ماركة العربية
2- الموديل
3- سعة الموتور
4- تاريخ تركيب الغاز الطبيعي
5- التكلفة الإجمالية ولو فيه تقسيط
6- سعر تفويلة الغاز وتمشيه كام كيلو داخلي وخارجي
7- إيه العيوب وبكل دقة
رجاء اللي خاض التجربة ما يبخلش علينا وجزاكم الله كل خير - ويا ريت ما حدش يفيدنا بنتائج سمعها أو قرأها فقط وما جربهاش
متابع باهتمام....*
متابع جدا
وانا كمان متابع معاكو..
الكلام ده من شخص ثقة بتعمل نص عمرة كل سنه
اداء العربية بيختلف مع الغاز
لان سحبها بيختلف تماماً
وبتمشي بالغاز 70 كيلو تقريبا لما تملئ التانك ب6 جنيه !!!
والله أنا شايفة أن الغاز الطبيعى هيبقى فى الفتره إلى جايه ممكن عربيات تنزل بيه جاهزة
لأن أزمة البنزين فى أغلب الدول بس أحنا الحمد لله عندنا الأزمات بتكون بزيادة شوية
متابع معاكو باهتمام جدااااااااااااا
كله منتظر ولا حد دخل يقول تجربته
إيه يا جماعة هو ما فيش حد في المنتدى ركب غاز ولا إيه
اسف يا باشا ... الكلام ده مش صح فيما عدا موضوع السحباقتباس:
المشاركة الأصلية كتبت بواسطة semi
هقولك عن تجربه فعليه فى عربيه صديق لى ... و بركبها معاه و بيفول قدامى
السياره : تويوتا كورولا 2007 مانيوال
العداد 300 الف كيلو متر و شويه
تفويله الأنبوبه بتعمل تقريبا 12 جنيه و بتمشيه من 200 الى 250 كيلو فى وسط البلد بالتكييف
و للعلم صديقى مبيمشيش من غير التكييف صيف شتا
العربيه من امتى غاز : من 2010
العربيه عملت عمره قبل كده : لا
العربيه فيها مشاكل : لآ
الراجل بيعمل صياناته كلها فى التوكييل من ساعه ما اشترى العربيه
و طبعا سحب العربيه بيقل شويه لما يبقى ماشى على الغاز و لا حظت ده لما حول قدامى من غاز لبنزين
ما تشوف الموضوع ده كده
http://www.nilemotors.net/Nile/47732...step-step.html
و فيه كمان جهاز جديد صاحبى قالى عليه بيركب على الغاز ... بيعالج موضوع السحب
الجهاز بيسخن الغاز قبل ما يوصله للموتور فبيحسن من خواص الأحتراق ... و قالى انه فى حدود 2000 جنيه لوحده بخلاف سعر التحويل
الغاز هوا مستقبل العربيات القادم فى ضوء رفع الدعم عن البنزين
1- ماركة العربية فيات 131
2- الموديل 1981
3- سعة الموتور 1400
4- تاريخ تركيب الغاز الطبيعي 1/5/2007
5- التكلفة الإجمالية ولو فيه تقسيط 5000
6- سعر تفويلة الغاز وتمشيه كام كيلو داخلي وخارجي حوالى 7.5 والمشى حوالى 170 كم داخل البلد فى الزحمه الحاليه وتصل الى 220 فى السفر
7- إيه العيوب وبكل دقة السحب اقل من البنزين حوالى 85% كانت بتسخن على الغاز قبل مااعمل لها عمره يعنى 90 درجه حراره على الغاز و80 على البنزين اما بعدالعمره 80على الغاز و95 على البنزين مش عارف السبب للتغيير لحد دلوقتى , بالرغم من ان مشاويرى حوالى 50كم فى اليوم الا انه موفر جدا بالنسبه لى الوفر الناتج عنه فى اربع سنوات مثلا يوفر ثمن 3 عمرات ( على اساس انى هاعمل عمره كل اربع سنوات ) تاريخ التعامل مع شركه غاز السيارات من 1998
العيوب فى شركات الغاز انها عارفه انها بتوفر عليك كتير وده بيخليها تستغل الموقف اسوأ استغلال فى التصليح والتغيير المرتفع التكلفه
شكرا واسف على الاطاله
مش عارف
الموضوع اللي كان معمول اللي الآخ كريم بيقول عليه
نايل موتورز - NileMotors.net
يغلب عليه كأنه موضوع علمي
لكن زي ما بيقولوا اسأل مجرب وما تسألش طبيب
اقتباس:
المشاركة الأصلية كتبت بواسطة Mohamed.Fawzy
جزاك الله كل خير على المعلومات القيمة
اقتباس:
المشاركة الأصلية كتبت بواسطة samasuper
بالعكس حضرتك نورتنا بكلامك
انت أول واحد يقدملنا تجربة شخصية
بس أنا شايف إن العربية رغم إنها موديل قديم يعني موتورها شوية متهالك - لكن متحملة كويس ومش زي ما بيقولوا محتاجين عمرة كل ست شهور
حضرتك حسستني إن الغاز ممتاز مش كويس بس
طيب إيه اللي يخلي اللي عنده عربية ماش بيركبه ولو حتى على سبيل الإحتياط - ولو لقى البنزين شاحح يفولها غاز ويوفر على نفسه جراكن البنزين المليانه مية أو الوقفة المذلة في طوابير المحطات ؟؟؟