-
احذروا السرقة
واحد معانا في الجيم كان عارض بايك للبيع وجاله شاب سيس يشتري منه
وكان جاي مع صحابه بالعربيه كيا سيراتو 2010 والي حيشتري معاه ايفون 4 اس
طبعا الغبي اطمنلهم قال ايه شكلهم كويسين هههههههههههههههههه مشكله الناس الي بتتخدع بالمظاهر
المهم البايك سوزوكي 600 gsxr موديل 2005 بس من غير فايبر قالبه استريت فايتر اللون ازرق والجمجمه بنفسجي
وعليها خط ابض من اجمجمه لغاية اخر البايك ( والكرسي متكمل عليه الخط الابيض بس جلد متخيط )
لو حد شافه يقولي , معلهوش نمر لسى افراج ,, المكان في 6 اكتوبر من يومين
المهم جه وقعدوا مع بعض ودردشوا ,,, قام الي عايز يشتري قاله ممكن اجربه
ولو تحب تاخد البطاقه مفيش مشكله وصاحبي قاعد اهو يعني متخفش لو مش عايز مش مشكله مفيش احراج
قاله عادي تعالى المهم صاحب العربيه فضل قاعد على القهوه
اخد البايك يجربها لوحده D: مش بيها قدام شويه وعمل انها طفت منه ونادى صاحب البايك ( حوار قديم )
فا راح يشوف في ايه المهم شغلها لف بيها قدامه لفتين وبعد شويه اختفى وطار ههههههههههههههههههههههه جري على القهوه ملقاش التاني
فص ملح وداب وراحت عليه البايك عموما هيا غلطته بس خدوا بالكم
لما تيجي تبيع
مهما كان الي جايلك لو جاي ب شفروليه كاماروا 2012 هههههههههه متدلوش يجرب لوحده
انا لما كنت ببيع اي بايك بتاعي
لا يمكن اديله لوحده اتحجج يحسن يقع ويجراله حاجه ولو صمم اركب انا وهوا ورايا
او لو حد مش عاجبه اقوله خلاص نكشف عن اي ميكانيكي انت عايزه ونروحله المحل وهو يكشف
ويسوق او اديني الفلوس في ايدي وانا اديك تجرب غير كده لا الا لو كان صاحبي او معرفه عادي
خدوا بالكوا انا قلت احذر الراجل خسر 35 الف جنيه ده غير التعديلات الي عملها على البايك والتعب
ولو حد شاف البايك يديني خبر الراجل الي طار بيه كان بيقول انه من ميدان لبنان
ونمرة العربيه مسجلهاش
-
ربنا يسترها معانا جميعا
ويرد البايك الى صاحبك ان شاء الله
-
انا لو بدي ابيع لو مع اني ما بتعاملش غير بالتبديل بدون بيع
مفيش تجريب الا وانا معااااك اطلع وراه يسوق 100متر وكفاية عليه عاجبه عاجبه مش عاجبه يخبط راسه بالحيط
-
للاسف الطريقة دى بقت منتشرة اوى حتى مع المكن الصينى
والحرامى طبعا بدل ما يتعب ويكسر ويدور .. يسرقها بالطريقة دى والمفتاح يجيله لغايت عنده
بس للاسف المشكلة فينا احنا لاننا مش بنخون حد والجدعنة فى دمنا
-
-
لا حول ولا قوة الا بالله
ان شاء الله تلاقيه
Content Relevant URLs by
vBSEO 3.6.0 PL2