الموضوع: محتاج ميزان - واقرب مدفن صحي للرحاب

على فكره هو الحل الامثل لموضوع الزباله

مش حنقول عن طريق شركات خاصه لان حطنش وكده

يكون عن طريق وزارة البيئة

زي ما عملوا التاكسي الجديد واحلال التاكسي القديم

المفروض يفتحوا مصنع ولا حتى في المصانع الحربيه

يتم صنع عربيات للقمامه وتكون تصنيع مصري

واظن مش مكلفة اوي

ماتور بيعمل بالغاز الطبيعي

زي عربية نقل كبيرة ومش حقولك زي عربيات الزباله بره الي تحط الصندوق في مكانه وهيا تمسكه وتفضيه اوتوماتيك

لا عربيه نقل بصندوق متقفل من كل الجوانب ومفتوح من فوق وفيه سلم على الجنبين عن طريقها الشخص الي عامل

يطلع عليه ويرمي الزباله من فوق وكل عربيه تكون مزوده برافع هيدروليك عشان في الاخر خالص لما يجي يفضل

يترفع الصندوق ويكون الباب الي من ورا بيتفتحمن الجنب طبعا بحيث يلق في الجنب وعن طريقه يتم انزال كل القمامه

او لو مستخسرين موضوع الهيدروليك خلاص يبقى مانيوال بترس عن طريق اليد يتم رفعه


وطبعا تكون العربيات ديه بالتقسيط المريح وسعرها مدعم ويكون بيعها مش بغرض الربح بنسبه كبيره

لان ده مشروع قومي وحيفيد كتير لان لو اتحل موضوع الزباله حتقل الامراض

زائد انه مشروع ناس تربح منه

عن طريق ان كل شخص يمسك كام عماره في منطقه معينه ويكون هوا بس الي مسؤول عن شيل الزباله منها

ويكون باشتراك شهري او اسبوعي بمقدار جنيه في اليوم يعني شهريا 30 جنيه

مش مشكله تدفع 30 جنيه في الشهر بس تخلص من موضوع الزباله

صدقني لو الدوله عملت كده يبقى انسى موضوع الزباله

ويكون المشروع ده لافراد مش شركات خاصه لان الفرد حيهتم بالموضوع لانه مش بياخد مرتب

لا هوا ده مكسبه انه يجي ياخد القمامه وطبعا حيكونوا شخصين الي حيقوموا بلمها من الشقق

وفي الاخر واحد يسوق وواحد جمب السواق وهكذا ويتم عمل زي نقابه ايوه فعلا

نقابه وتسمى مثلا نقابه النظافه وعن طريقها يتم تنسيق موضوع البيع والاشتراك في النقابه

ويتم تقسيم العمارات الي حيكون مسؤول عنها كل شخص بالعربيه الي حيشيل بيها

وشرط يكون شاريها من مشروع بيع عربات القمامه يعني مش بكاروا ويجي يشترك هههههههههههههه

يعني لو تحسبها لو الشقه ب 30 جنيه في الشهر لو عمله في الشهر 200 شقه بالميت مثلا ب 6000 جنيه شهريا

شيل 500 غاز طبيعي استهلاك للماتور على 500 تمن تقسيط العربيه حيتبقى 5000 جنيه حلوين

بس يكون ليه وقت معين يطلع فيه يعني ميجيش في عز الزحمه ويطلع ويعطل الطريق

لا يكون باليل يعني يبدأ تحركه على الساعه 7 او 8 بليل وممكن لو يعملوها يوم اه ويوم لا يكون افضل

بس اظن فيه ناس حتستخسر تدفع 30 جنيه شهريا لموضوع الزباله

فا بالتالي يكون الموضوع بالاشتراك الي مش اجباري يعني براحتك لو حابب

واكيد فيه ناس كتير حتفضل الموضوع ده ومع الوقت ممكن يقل يبقى الاشتراك ب 20 جنيه لما يحقق مكسب بعد

كام شهر ولا حاجه وخصوصا لما يسدد قسط معقول من الي عليه ويعمل ربح وتلاقي الموضوع انتشر ممكن توصل ل 15 جنيه شهريا

واكرر واقول بلاش الشركات الخاصه نهائيا الي بتدي مرتب لان البني ادم المصري طالما واخد مرتب وضامن انه

نازل في حسابه كل شهر بيحاول على قد مايقدر انه يزوغ او ميعملش الشغل صح 100 %

ياريت تضيف الفكره ديه للمشروع وياريت لو يتم تطبيقها فعلا وتقدر توصلها للمسؤولين

وربنا يوفقك

رسم كروكي بسيط يوضح الفكره ههههههههههههههههه ومحدش يضحك ولا يتريق