الموضوع: أتعقدت من العربية واقتراحات الصنايعية (الفتي المصري عندنا حصري)

[youtube]http://www.youtube.com/watch?v=B5GFgwRsy9M&feature=youtu.be[/youtube]


السلام عليكم ورحمة الله

بصراحة تعبت نفسيا من العربية وصوتها اللي عامل زي ماكينة الجاز.

مشكلة العربية في السلانسيه (الماف حسب اعتقادي) الرجة والبرجلة الجامدة ودخنة سودا زي بتاعة المصانع. والار بي ام طالع نازل والعربية واقفة بيرقص من 600 إلى 1100 ولمبة التشيك بتنور طبعا. ملحوظة العربية راكب لها ديفل مش عارف ايه مزاج مالكها السابق في تركيب ديفل على أوبل فيكترا. العربية أوتوماتيك 2000 سي سي موديل 95.

رحت لميكانيكي علشان نكشف عليها كمبيوتر (بصراحة الراجل بالكاد بيستخدمه) ما علينا، قرت ان المشكلة في الماف، مسح الخطأ ويحاول يقرأ تاني، مفيش حاجة. اقتراحه بتغيير الماف بس مش الماف بتاعها لا نحط الماف بتاع الاسترا ونغير الضفيرة طب ليه يا عم علشان لو جبت الماف بتاعها بـ 800 جنيه مثلا وباظ بعد أسبوع ولا شهر يبقى أنت كده لبست في الحيطة بس الماف بتاع الاسترا سعره حنين 250 بس، طب وحوار الضفيرة ده هيكلف كام، لا يعمله حسبة 1000 جنيه!!!!! طب وايه كمان، الماكينة فيها مشكلة، بناء على الصوت هتحتاج تغير شورت بلوك. طب شكرا (ده كان الميكانيكي المفروض انه فاهم اوبل واشتغل مع الشيخ هيثم قبل كده).

رحت لميكانيكي تاني مش متخصص أوبل، شاف الماف ومصمم ان اسمه الافوميتر، ما علينا، قال لي المشكلة ان في ناس لعبت فيه، قعد يظبط يمين شمال مفيش فايدة، فك البوجيهات عليها هباب السنين رغم انها راكبة بقالها أقل من شهرين واستخدامي للعربية بسيط بس أنا باحط بنزين 80 زي ما كان مالكها السابق بيعمل (بس التفويلة الاخيرة كانت سيئة لدرجة ان ممكن العربية تبطل لوحدها)، حط لي بوجيهات قديمة من عنده وقال لي امشي بها فترة، الرجة والصوت خف كتير عن الأول بس لسه الرجة موجودة بس الوضع أحسن نسبيا. قال لي نبص على عمود الكرنك، فتح بص عليه وقال لي متأكل ومحتاج يتغير لانه لو اتساب كده ممكن يقطم منك زي الجزرة، طب والعمل قال لي استيراد بـ 650 جنيه، قلت له مش الافضل يكون جديد بما انه جزء متحرك وعرضة للتأكل قال لي انه على ضمانته، عرفت بعد كده ان عنده واحد في الورشة وحسيت انه عايز يصرفه.

ايه رأيكم؟ محتاج مشورتكم.

وجزاكم الله خيرا مقدما.

محمد

المشاركة الأصلية كتبت بواسطة فتح الباب

شوف يا عم موتور 1500يابانى 2 كامه 16 صباب وركبه وريح دماغك وكمان تفاديا لمشكلة الماف اللى مش موجود الا بالدولار ده وكده كل المشاكل تتحل
رأيى الشخصى مش عارف ايه رأى بتوع الاوبل

وانهو ماتور يابانى ينفع يركب على الاوبل فكترا a