100 100
:)
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
هذة الرسالة منقولة من مقالة للكاتب يوسف معاطى وصلت لبريدى الخاص
______________________________________
حاضر. خلاص. فلقتوني.. و.. ذهبنا الي مارينا.. ولأنني لست مارينيا اصيلا كنت مضطرا الي التنكر في هيئة مارينية حتي لا أكسف المدام والاولاد أمامالمارينز أعني المارينيين.. ارتديت شورت بلو بتلتميت جنيه علي تي شيرت روز.. مع شبشب ستايل ونضارة.. وكاسكيتة..
باختصار الطقم الذي ارتديته هذا كلفني ما يوازي بالضبط راتبي في الاهرام عن كتابة مقالات لمدة سنة ونص.. كان الشاطيء الذي قبلني علي مضض شاطئاخاصا يقف علي بابه بودي جاردات يتأملون الداخلين.. ودخلت المدام بكل ألاطة.. وخلفها ابنتنا.. والاصدقاء.. وما ان جاء دوري أنا حتي وجدت يداتنزل أمامي.. ويسألني صاحب الذراع القوية.. الباشا داخل لمين ؟!
يبدو ان شكلي برغم التنكر كان يبدو عليه البيئة برضه.. الراجل ده عبيط ولا ايه هو مش شايف الشورت, ولم ينقذني من الموقف إلا البودي جارد الآخر الذي كان عنده خبر بي.. وقال لزميله سيب الباشا ده تبع شريف بيه.. وشريف بيه صديقي الذي عزمني هو ماريني قديم غارق في مارينيته يحب دائما ان يلم حوله صفوة المجتمع, ويبدو أنه اعتبرني ولا اعرف لماذا اعتبرني واحدا من الصفوة فدعاني إلي الشاطيء الخاص.. وسمعت البودي جارد الذي منعني من الدخول يقول لزميله مندهشا.. ده يوسف معاطي!! أنا معرفتوش.. يبدو أن تنكري الذي تصورت انه سينفعني هو الذي كان العقبة في دخولي..
والحقيقة.. الشورت ما كانش بتلتميت جنيه هو كان في حدود متين وخمسين!!
قالت لي المدام وهي سعيدة بالمكان كان بيقولك ايه البودي جارد, قلت لها لا بس كان عاوز يتصور معايا انتي عارفة المعجبين ورذلتهم بأه.. نظرت نحويبغيظ ثم قالت.. طلع الفانلة برة الشورت.. قلت لها.. بس عشان ماركة الشورت تبان.. ده انا دافع دم قلبي فيه.. جلسنا تحت الشمسية وانخرطنا بسهولة بينالمارينيين حتي لو انك كنت معنا لم تكن تستطيع مهما أوتيت من قوة الملاحظة ان تفرق بيني وبينهم..
لا اريد أن أذكركم ان الشورت لوحده بمتين جنيهفهذه معلومة وصرتم تعرفونها جيدا.. كانت المايوهات البكيني تمر أمامنا كأسراب الحمام واحدة تلي الأخري في ايقاع متناغم وكأن جاد شويريهو اللي قال لهم يعملوا كده.. قالت زوجتنا( وهي مارينية التوجه) متأففة وهي تنظر حولها.. لأ.. الشاطيء ده لم خالص.. بأه بيئة قوي.. حدجتها بنظرة من طرف المبروكة( عيني) إذ لا أعرف لماذا شعرت انني المقصود بتلقيح الكلام ده.. واطمأن قلبي حينما وجدتها تنظر نحو بعضهم وقالت.. لبسهم رخيص قوي..
قلت لها.. هو فين لبسهم ده.. أنا مش شايف حد لابس اي حاجة.. قالت.. ما انا باتكلم عن المايوهات.. مر بائع الفريسكا.. وهتفت ابنتنا كالعادة..
عاوزة فريسكا..
وجاء الرجل من نفسه كده دون ان أدعوه واعطاها للبنت كأنه بابا نويل.. ولكن بابا الحقيقي الذي هو أنا يجب ان يدفع.. كام يابابا ؟! ثلاثين جنيه..
قبل ان أهم بان افاصل الرجل الحرامي.. زغرت لي زوجتي وهمست في غيظ.. خللي بالك.. انت في مارينا.. حاضر.. ومر بائع البطاطس.. وعهتفت ابنتنا.. عاوزة بطاطس.. وفي ثانية كان من نفسه كده يدس قرطاس البطاطس في يد البنت.. وعشرة جنيه.. ثم ساندوتشات سوسيس.. وخمسين جنيه.. هكذا.. ولا تأكل ابنتنا سوي قضمة صغيرة من كل حاجة ثم تنفلت بحركة مارينية اصيلة وتترك كل هذا اوتجري علي البحر.. وأنا كان دوري أن آكل بقايا المفعوصة مش نعمة دي فيه ناس مش لاقية العيش الحاف.. همست زوجتنا في اذني بحدة وطي صوتك.. أنت مش قاعد ع القهوة.. انت في مارينا.. وفجأة مرت أمامنا امرأة ومعها رجل ماريني.. قالت زوجتنا.. دي سوزي.. صاحبتي.. وما ان رأتها سوزي حتي عانقتها.. وأزيك.. وعامله أيه.. وكله كويس.. وانجوي بأه.. وموبايلات والحاجات دي.. ثم قدمت لنا الرجل الماريني.. الذي كان مرتديا شورت نسخة طبق الاصل من شورتي ابو مية وخمسين جنيه وقالت لنا اشرف جوزي. ولما كانت سوزي في العام الماضي قد قدمت لنا رجلا آخر بنفس الصفة همست لزوجتي.. هي مش كانت متجوزة واحد تاني طلع امتي ده.. فنظرت نحوي بغيظ وقامت.. وطي صوتك.. انت في مارينا.. جاءت ابنتنا تجري من البحروخاطبتني بانجليزية سليمة متأثرة بالجو المحيط بها.. بابي آي ونت بي نت يعني عاوزة فول سوداني.. وردت عليها امها بانجليزية اغاظتني قليلا.
اوكيه دار لنج.. لاحظوا اني كل ده قافل بقي.. ثم فجأة مر بنا رجل ماريني ومعه امرأة رائعة.. وجاء نحوي وسلم بحرارة انت مش فاكرني.. أنا عصمت جوزسوزي.. اللي قابلتك السنة اللي فاتت اقدم لك هايدي مراتي همست لزوجتي.. هو عصمت وسوزي بيصيفوا هما الاثنين في مارينا وكل واحدمعاه فردة جديدة.. صرخت زوجتي وقالت.. وبعدين.. انا قلت أيه.. وطي صوتك انت في مارينا.. وأخيرا جاء الرجل بتاع البي نت اللي هوه السوداني ليأخذحسابه.. كام ياعم.. قال أربعين جنيه.. صرخت فيه بأه ما انا كاتم في قلبي من الصبح شوية سوداني قد كف البت بأربعين جنيه ليه كيلو السوداني لمايضربه الدم يعمل كام ياعم الحاج!!
والتف حولنا المصطافون وأنا كأني ماسورة وانفتحت.. توترت زوجتي.. وأخذت تشدني من
الشورت ابو اربعين جنيه
ولما فاض بها الكيل.. صرخت.. قائلة فضحتنا.. اقعد بأه ـ وامسك لسانك ده.. أنت ايه..
هنا.. همست لها بحدة..
وطي صوتك.. انتي في مارينا.. و.. عدنا
يوسف معاطى،
الأهرام
سبعاوى
_______________________________________________
رقم العضوية : 5834
تاريخ التسجيل : 16Feb2008
المشاركات : 2,723
النوع : ذكر
الاقامة : Port Said
السيارة: NA
السيارة[2]: Subaru Legacy 2.0i 2010
الحالة :
100 100
:)
قال تعالى " وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ " 281 البقرة
رقم العضوية : 517
تاريخ التسجيل : 07May2007
المشاركات : 843
النوع : ذكر
الاقامة : Alexandria
السيارة: Prado VX V6
السيارة[2]: Yaris
دراجة بخارية: لا
الحالة :
هو فعلا موضوع ساخر وجميل .... ولكن للاسف ..... خيالي!!!
ليس خيالا لما يحدث في مارينا فهذا ما يحدث بالفع هناك بل أكثر.... ولكن الخيال هو أن يتصور يوسف معاطي "كاتب افلام عادل إمام وغيرة" إنه لا يملك تمن طقم مصيف او انه ليس من المارينز (المارينين) :) كان ممكن أصدقة لو كان قال الكلام ده ايام برنامج "الست دي أمي"!
لاتظلمن إذا ما كنت مقتدراً *** فالظلم آخره يأتيك بالندم
نامت عيونك والمظلوم منتبه *** يدعو عليك وعين الله لم تنم
رقم العضوية : 1928
تاريخ التسجيل : 27Aug2007
المشاركات : 328
النوع : ذكر
الاقامة : شبرا
السيارة: تويوتا كورولا 2002
السيارة[2]: فيات 128
الحالة :
مقال جامد جدااااااااااااااااااااااا ااااااااااااااااااااااا
ههههههههههههههههههههههههه ههههههههههههههه
الراجل ده مصيبة
****نحكم عقلــــنا **** نشحت كلنا*****
رقم العضوية : 58
تاريخ التسجيل : 18Apr2007
المشاركات : 835
النوع : ذكر
الاقامة : Giza
السيارة: ..........
السيارة[2]: Peugeot 405 prestige
الحالة :
المقال كان منشور فى ملحق أيامنا الحلوة بتاع الأهرام من سنتين أو تلاتة تقربا
الراجل ده بجد ملوش حل
شكرا يا بشمهندس سبعاوى
رقم العضوية : 2114
تاريخ التسجيل : 10Sep2007
المشاركات : 2,904
النوع : ذكر
الاقامة : الجيزة
السيارة: لانوس1 مو 2000
السيارة[2]: لانسر كرستالة
دراجة بخارية: معنديش
الحالة :
كويس لما الواحد يروح مارينا يبقى ياخد كيلو فول سوداني معاه :) :) :)
مع تحياتي ,,
أكــــرم
رقم العضوية : 75
تاريخ التسجيل : 22Apr2007
المشاركات : 591
النوع : ذكر
الاقامة : New Cairo
السيارة: Toyota
السيارة[2]: Octavia a5
دراجة بخارية: لا
الحالة :
فكرتنى بالذكريات
السنة قبل الماضية كنت فى هذا الشاطئ( وهو يسمى لابلاش ) والى عازمنى كان شريف بيه بجد
( شريف بيه ده واحد صاحبى من رواد مارينا )
بس طبعا مفيش حد بيعدى يبيع حاجة الكافيتريا موجودة على الشاطئ وارخص حاجة فيها البطاطس ( البومفريت )
سعرها 14 جنيه للباكيت عشان تمسح زورك بس ( الاسعار ده من سنتين معرفش الان سعره وصل كام )
طبعا مجتمع غريب جدا جدا
واحلى حاجة فيه هناك جيم كامل على البحر ببلاش للرواد
وطبعا الشاطى مش رملى زى كل الشواطئ
الشاطى مزروع نجيله ( حشيش يعنى )
طبعا الى عايز يتفرج على العربيات يروح هناك هيشوف الى عمره ماشافه
انا كنت اول مرة فى حياتى اشوف السيارة البتلى كانت واقفة هناك
وشريف بيه قالى بتاعت مين بس انا مش فاكر- الى فاكره انها بتاعت سيدة مشهورة
الاهم من السيارات هناك هو ( الجيت سكى ) شكله ايه وكام حصان
فكرتنى اتصل بشريف بيه صاحبى - يمكن يعزمنى السنة ده
محمد المصرى
رقم العضوية : 772
تاريخ التسجيل : 24May2007
المشاركات : 2,655
النوع : ذكر
الاقامة : Alexandria
السيارة: Polo 1999 & Elantra 2012
السيارة[2]: Fiat 127
الحالة :
مقال لذيذ
هو اسلوب يوسف معاطي دايما لذيذ
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
والله بافكر أخوض التجربة المارينية دي الصيف ده
حد زارها يفيدنا و يدينا خطوات كده
لأن الباشا له هيبة برضه
وعلى فكرة ........قبل ما أروح لازم اركب فوجات و جنوط للانسر (علشان أعقدهم) :)
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
و طقم عتب كمان يا ابو حميد علشان الكل يتوهم ما تنساشوعلى فكرة ........قبل ما أروح لازم اركب فوجات و جنوط للانسر (علشان أعقدهم) :)
ههههههههههههههههههههههههه ه
المفضلات