الموضوع: مساعدة يا رجالة .. المرسيدس اتكسرت

المشاركة الأصلية كتبت بواسطة manola

هيا بالنسبه لعربيات كتيرة مش عاملة حادثة يتخاف منها
لكن بالنسبه لمرسيدس يتخاف منها
و موضوع النصايح بتاعة بيعها دى أنســــى


أنت بتقول جايبها بـ 420 ألف جنيه طيب حلو
عارف معنى أنك تبيعها بـ 70 ألف جنيه عربيه حوادث دة معناه أية ؟
هتخسر 420 - 70 ألف = 350 ألف جنيه خسارة

لكن لو روحت لواحد بتاع كروسليه عربيات مستورده و أتفقت معاه تجيب الحاجات دى ممكن يجيبهالك بسعر أرخص بكتير جدا من حتى تجار قطع الغيار , لأنهم بيعتبروا الموزع الأول لتجار قطع الغيار (بس طبعا دى بتبقى حسب معارفك) يعنى لو جيبت قطع الغيار دى بحوالى 120 ألف بالتركيب (بس أهم حاجة التركيب يكون صح عشان متبقاش العربيه زيها زى فيات 128) يعنى بمعنى أصح يفضل أن التركيب يكون فى التوكيل أو مهندسين فى التوكيل , يعنى أغلب الناس فى التوكيل بتكون فاتحه ورش و ممكن تتفق مع واحد فيهم و تشوف الأرخص و إلى هيتعمل صح أية

كدة يبقى دفعت حوالى 120 ألف جنيه - قول هتبيعها بحوالى 380 ألف على أسوء الظروف عشان هتكون صادق مع الشخص إلى بتبيعها له يبقى أنت معاك بعد الدفع 260 ألف جنيه
طيب 420 - 260 = 160 ألف جنيه خسارة

يبقى خسارة 350 ألف أحسن ولا 160 ألف !!!!

بس خلى بالك أوى أوى أوى أن تصليح العربيه = صبر و خبره و تعامل مع تجار و ناس ممكن يخلوك تدفع تمنها مرتين بمعنى أنك قبل أى قرار لازم تدرسة صح أوى

عربية ايه اللي هتتباع بعد التصليح ب 380 الف ؟!!!!!!!!!!
ده السعر ده اصلا ما تجيبوش قبل الحادثه
ده غير صعوبة بيعها اصلا بعد التصليح عشان اللي هياخدها لازم يكون متأكد انها رجعت بنسبه كبيره و هياخدها بتراب الفلوس

بص حضرتك فيه حلين :

1- في حالة التأكد انها مش هترجع كشاسيه فابريقه تتباع حوادث
2-لو التوكيل هيرجع الشاسيه سليم تتجاب حاجاتها من بره التوكيل و تتركب سنتين و تتباع بنصيبها بعد كده

لا حول ولا قوة الا بالله

لاياباشا حرام يبيع ع كده يا اما يصلح ويبيع قدام شويه ,, وطبعا فكك م التوكيل هات من بره شحن بحري

وهنا شفت كذا موضوع بيتكلم عن الاستيراد والشحن من بره

150 الف كتيييير اوي اوي بصراحه والعربيه خساره تتباع بالسعر دا حرام بجد والله صلحها وهات من بره واخلع م التوكيل دا خالص وفكك من اي كلام بيتقال

تمام