!? !? !? !? حد ضايع منه كلابش ؟! ؟! ؟! ؟!

http://www.nileup.com/uploads/13503363921.jpg

واضح ان فى حد الونش كلبش عربيته علشان واقف فى الممنوع على البحر
راح الراجل ترك الكلبش فى الارض واخد بعضه ومشى

علامات استفهام كتير على المنظر دة ؟؟؟؟؟؟؟؟

الراجل اللى كان متكلبش دة مصيره ايه هل حتتعمل قضية على نمر العربية ولا حتمشى كوسة ؟؟؟

الكلبش دة قابل للفك بسهولة جدا جدا وممكن اى حرامى يطمع فيه طيب افرض انا اتكلبشت
وحد سرق الكلبش حيكون وضعى القانونى ايه ؟؟؟؟؟

طيب لو العربية دى ايجار حيكون ايه ذنب الراجل صاحب العربية انه يلاقى قضية على نمر العربية ؟؟؟؟؟

بصراحة اختراع فاااااشل جدا جدا
...................
وبخصوص الموضوع دة .. مخالفة الوقوف فى الممنوع بعد الثورة كانت 25 جنيه حاليا غليت ب 75 جنيه + الحكومة شادة حيلها اوى مع الكلبشات

طيب انا اعمل ايه لما الف فى المنطقة المحيطة ومش لاقى راكنة المفروض اعمل ايه ؟؟؟؟

المفروض يكون فى توفير لاماكن الركن علشان تحاسبنى على الوقوف فى الممنوع لكن كدة تعسف
بالذات ان ثمن المخالفة عالى جدا بالنسبة لمعدل دخل الفرد

يا ريت يوفروا لنا فرصة حتى نحترم القانون وبلاش يفرضوا علينا
ان القانون هو عدونا اللدود

ههههههههههههههههههههههههه هههههههههههههههههههه لا بجد راجل جاااااامد الى عمل كده بس طبعا هو كده لبس فى حيطه لو معندوش وسطه تمشيهالو كوسه لاكن غير كده قضيه علشان الرقم مكتوب فى العربيه بتاعت الونش فكده كده هيتجاب

معلش سؤال خارج الموضوع

هو الطريق الدولى الساحلى الى من اسكندرية لبورسعيد السرعة عليه المفروض كام؟

هههههههههههههههههه :00020140:

والله طول عمري كنت حاسس ان الكلابش ده حورا فاشل وممكن أي حد يفكه بسهولة..

وياريت حد يجاوبنا على الأسئلة دي عشان شاغلة دماغي :grin54:

معاهم النمر طبعا والعربيات اللي ناقصة هتلبس في غرامة فك الكلبش تقريبا 300 جنيه
ولو الكلبش حد سرقه هيدفع هو تمنه
المشكلة بقى ان ازاي تفرض عقاب من غير ما تقضي على السبب
يعني وفروا مكان عشان الواحد يركن فيه عربيته واللي يستهبل يدفع غرامة
ده غير لما عربيتك تتكلبش بتتلطع وقت كبير لحد ما الظابط يجي يعملك مصالحة

ههههههههههههه ده واضح ان دمه اتحرق لما لقاها متكلبشة فحب يحرق دم اللي كلبشهاله...

- فين يابني العربية اللي مكلبشهاااااااااا ......... والله ياباشا كانت هنا ومكلبشها بايـــــــــــــــــدي.

- يبقي جامد لو كاتب ورقة للظابط ( بحثت عنكم لكي ادفع الغرامة فلم اجدكم فتركت لكم العهدة .... مع اللقاء في مخالفة اخري )..

حتي فاشلين في ده .. تلاقيها تفصيل عند حداد كسر او مستوردنها من الصين ..

اقتباس:

---

المشاركة الأصلية كتبت بواسطة eng.m mahran

معلش سؤال خارج الموضوع

هو الطريق الدولى الساحلى الى من اسكندرية لبورسعيد السرعة عليه المفروض كام؟

---

100 يا فندم
انا لسة ماشى عليه من يومين رايح اسكندرية و انا رايح ماشى 170 و انا راجع ماشى 100 \ 110 مزودتش عن كده
خد بالك ان حالة الطريق سيئة فى الرجوع من ناحية اسكندرية لحد بلطيم تقريبا

اقتباس:

---

المشاركة الأصلية كتبت بواسطة eng.m mahran

معلش سؤال خارج الموضوع

هو الطريق الدولى الساحلى الى من اسكندرية لبورسعيد السرعة عليه المفروض كام؟

---

المفروض 100 يا درش

اقتباس:

---

وبخصوص الموضوع دة .. مخالفة الوقوف فى الممنوع بعد الثورة كانت 25 جنيه حاليا غليت ب 75 جنيه + الحكومة شادة حيلها اوى مع الكلبشات

طيب انا اعمل ايه لما الف فى المنطقة المحيطة ومش لاقى راكنة المفروض اعمل ايه ؟؟؟؟

المفروض يكون فى توفير لاماكن الركن علشان تحاسبنى على الوقوف فى الممنوع لكن كدة تعسف
بالذات ان ثمن المخالفة عالى جدا بالنسبة لمعدل دخل الفرد

يا ريت يوفروا لنا فرصة حتى نحترم القانون وبلاش يفرضوا علينا
ان القانون هو عدونا اللدود

---

انا بعد الثوره كنت راكن على الصف اللى فى وش الترام بتاع سان استيفانو وراكن جنب الرصيف عادى وكان فيه هناك سايس كمان هو اللى خلانى اركن
ركنت 5 دقائق بالظبط ورجعت لقيت العربيه متكلبشه والونش واقف
روحتله قاللى الرخص و 20 او 25 جنيه مخالفه وطبعا عشان انا عارف ان مفيش كلام وحدفع يعنى حدفع دفعت زى اى واحد محترم لان كان فيه علامه ممنوع الوقوف بس المكان ده عمرى مشوفت حد متكلبش فيه وركنت فيه كذا مره عادى جدا
بس قولتله يعنى يرضى ربنا ان حضرتك ادفع غرامه وانا راكن ومش معطل الطريق ولا صف تانى وانتو مش هاين عليكم توفرو اماكن نركن فيها قاللى عندك جراش سان استيفانو !!
قولتله يعنى عشان 5 دقائق انزل اجيب حاجه وارجع ادخل جراش سان استيفانو وادفع 8 جنيه فى 5 دقائق ؟؟؟!!
طب ده يرضى ربنا طبعا معرفش يرد ولا يقوللى حل وسيبته ومشيت

العيب فى الدوله قبل ما يبقى فينا مع العلم ان فيه ناس كتيييييييير تستاهل اكتر من الكلابش ده فيه ناس تستاهل انها تتمنع من السواقه زى الدول المحترمه ما بتعمل

المشكله ان ممكن واحد راكن صف تانى يقوم الظابط مكلبش العربيه وبكده يبقى قفل على اللى راكن صف اول الطريق وصاحب العربيه حيفضل مستنى الباشا يجى وصاحب العربيه التانى يجى عشان يفكو الكلبشات ويفتحوله الطريق
بلد متخلف

المفروض يكون فى توفير لاماكن الركن علشان تحاسبنى على الوقوف فى الممنوع لكن كدة تعسف
بالذات ان ثمن المخالفة عالى جدا بالنسبة لمعدل دخل الفرد

يا ريت يوفروا لنا فرصة حتى نحترم القانون وبلاش يفرضوا علينا
ان القانون هو عدونا اللدود


طبعا حضرتك معاك حق في النقطه دي
بس توفير مكان للركن مش دور شرطه المرور خصوصا ان اللي بيخالف صاحب كل عماره بيلزمه القانون انه يبني جراج تحت العماره وهوا بيطلعها محلات او جراج بأيجار خيالي او تكون عماره 4 ادوار و يعملها 15 دور و طبعا اسكندريه تحتل الصداره في المخالفات اللي من النوع ده
المسئوليه هنا علي الحي و علي المحافظه و علي مالك العقار
و في الاخر متلاقيش مكان تركن لان المنظومه كلها من الاول ماشيه غلط
ومن الاخر كده لو عرفت تقولي 5 حجات ماشيه صح في البلد الخربانه دي حديك مكاني في الجراج
ههههههههههه
بهزر طبعا هوا حد لاقي ركنه

بس كلابش المرور اللى أنا اعرفه وبشوفه مش شكل ده خالص
لونه برتقانى
وحجمه اكبر بكتير من اللى فى الصورة
وفيه جزء عامل زى الطبق

بس متهيألى انى لمحت الكلابش الأصفر ده على الونش بتاع المرور فى الاسكندرية

اقتباس:

---

المشاركة الأصلية كتبت بواسطة Elawany13

بس كلابش المرور اللى أنا اعرفه وبشوفه مش شكل ده خالص
لونه برتقانى
وحجمه اكبر بكتير من اللى فى الصورة
وفيه جزء عامل زى الطبق

بس متهيألى انى لمحت الكلابش الأصفر ده على الونش بتاع المرور فى الاسكندرية

---

[img3]http://img442.imageshack.us/img442/999/dsc00219768x1024.jpg[/img3]


[img3]http://img155.imageshack.us/img155/5/dsc00210768x1024.jpg[/img3]


[img3]http://img33.imageshack.us/img33/678/dsc002071024x768h.jpg[/img3]

[img3]http://img3.imageshack.us/img3/8950/dsc00224768x1024.jpg[/img3]

انا لو منو .... كنت اخدت الكلابش معايا هههههه

لا دلوقتى فى كلابش بيتباع بس نفسى اعرف فين لاقيت عربيات كتيييير بتكلبش نفسها هههههههههه
يعنى يبقى راكن فى مكان كويس بس متكلبش وده غالبا علشان السرقه
السوال بقى لو راكن فى الممنوع وكلبشت عربيتى الونش لما يعدى ويلاقيها متكلبشه هيسيبها ويمشى ههههههههههههههههههه لو كده عايزين نعرف نجيب الكلابش ده من اين

كده وقع نفسه فى مشاكل ملهاش لزمة
نمر العربية معاهم و هيتجاب هيتجاب
غرامة من 200 ل1000 جنيه
أو حبس 6 شهور

اقتباس:

---

المشاركة الأصلية كتبت بواسطة mohamed.fawzy

انا لو منو .... كنت اخدت الكلابش معايا هههههه

---

+1111111111111

اقتباس:

---

المشاركة الأصلية كتبت بواسطة eldell

لا دلوقتى فى كلابش بيتباع بس نفسى اعرف فين لاقيت عربيات كتيييير بتكلبش نفسها هههههههههه
يعنى يبقى راكن فى مكان كويس بس متكلبش وده غالبا علشان السرقه
السوال بقى لو راكن فى الممنوع وكلبشت عربيتى الونش لما يعدى ويلاقيها متكلبشه هيسيبها ويمشى ههههههههههههههههههه لو كده عايزين نعرف نجيب الكلابش ده من اين

---

ياباشا الكلابش اللى بيتباع حاجه تانية خالص
وخامته ضعيفة
وشكله مختلف
ديه صورته


[img3]http://a2.sphotos.ak.fbcdn.net/hphotos-ak-ash4/431214_3348836088717_1503272519_4362836_2114827868 _n.jpg[/img3]

[img3]http://a3.sphotos.ak.fbcdn.net/hphotos-ak-snc7/p480x480/421134_3348850129068_1503272519_4362850_1369954233 _n.jpg[/img3]

اقتباس:

---

المشاركة الأصلية كتبت بواسطة medo.malek

100 يا فندم
انا لسة ماشى عليه من يومين رايح اسكندرية و انا رايح ماشى 170 و انا راجع ماشى 100 \ 110 مزودتش عن كده
خد بالك ان حالة الطريق سيئة فى الرجوع من ناحية اسكندرية لحد بلطيم تقريبا

---

اقتباس:

---

المشاركة الأصلية كتبت بواسطة misoalex

المفروض 100 يا درش

---

اصل الرادار صورنى 155 و دفعت ال150 جنيه للاسف و قعدت اغلس على الظابط و اقوله ده طريق دولى و مفتوح و ملهوش سرعة محددة بس مأكلش الكلام ده معاه و قالى السرعة هنا اخرها 100

كنت راكن امبارح في جامعة الدول العربية قدام رضوان العجيل وhsbc رحت نص ساعة ورجعت لقيت العربية متكلبشة ... حاولت أفكه ما تفكش وواحد معدي بفيرنا قالي مش هتعرف تفكه روح دور عالونش ...طبعا أنا غريب مش من هنا ولو الونش جه وأخد العربية هادوخ السبع دوخات .فقررت أستنى في العربية ..وفعلا قعدت نص ساعة وبعدين لقيت عسكري بقميص وبنطلون سود بيقول لي اتفضل على الونش علشان تدفع ... قلت له هو مش الدفع الفوري اتلغي ..قال لي لأ رجع تاني ..فدخلت فيه شمال على طول قلت له اشمعنا أنا اللي اتكلبش أنا فايت على العربيات كلها من أول الرصيف لآخره ما حدش متكلبش غيري ولا هو كلبش فاضل معاك مش عارف تعمل بيه إيه ... الواد طلع جدع وقال لي أنا هافك لك الكلبش على مسئوليتي ومن غير أي حاجة ...طبعا فقعته 5 جنيه واتوكلت على الله ...
الونش كان راكن في الممنوع هو كمان قبل العربية بحوالي 500 مترفهل ده معناه إنه ما أخدش النمرة..؟
عموما الكلبش ده اختراع فاشل جدا ... وممكن يتفك بسهوله لأن بيفكه بمفتاح زي مفتاح العجل لو حد يعرف رقمه يقول علشان أشتري واحد وأعينه في العربية

اقتباس:

---

المشاركة الأصلية كتبت بواسطة elawany13

ياباشا الكلابش اللى بيتباع حاجه تانية خالص
وخامته ضعيفة
وشكله مختلف
ديه صورته


[img3]http://a2.sphotos.ak.fbcdn.net/hphotos-ak-ash4/431214_3348836088717_1503272519_4362836_2114827868 _n.jpg[/img3]

[img3]http://a3.sphotos.ak.fbcdn.net/hphotos-ak-snc7/p480x480/421134_3348850129068_1503272519_4362850_1369954233 _n.jpg[/img3]

---

ايووووه هو ده بس برضه حوااااار جااامد علشان السرقه

اقتباس:

---

المشاركة الأصلية كتبت بواسطة Eng.M Mahran

اصل الرادار صورنى 155 و دفعت ال150 جنيه للاسف و قعدت اغلس على الظابط و اقوله ده طريق دولى و مفتوح و ملهوش سرعة محددة بس مأكلش الكلام ده معاه و قالى السرعة هنا اخرها 100

---

ياعم مش انا حكيتلك على اللى حصل معايا على الدولى بال 128 لما وقفت قبل لجنه الرادار عشان عديت ال 100 والناس شاورتلى
شكلك كنت نايم ساعتها ياعم :crying1:

[img3]http://img819.imageshack.us/img819/6716/27122010112050858.jpg[/img3]

فكره جامده طحن بتاعه الكوريك والاستبن دى ههههههههههههههههههه