صوت خبط في العربية من ورا ومش عارف اي سببه

**freedam** · 16-10-2012 02:12 AM

[justify][overline] السلام عليكم اعضاء المنتدي من شهر كدة طهر صوت خبط في العربية من ورا في المطبات وغيرت المساعدين وجلب الدنجل وبردة كان الصوت موجود وكشفت علي السوست والشكمان وبردة الصوت موجود الي الان ومفيش حد عارف السبب ايه هو انا وانا بغير المساعدين الكاوتشتين اللي بيمسكوا المساعد مكنوش موجودين اصلا وركبت كتشتين مكانهم بس مش بتوع السيينا وبتاع العفشة قالي لازم اجيب الاصلي علشان يظبطوا العربية معايا وانا بدور علي مساعدين استيراد موجود فيهم الكاوتشتين دول علشان هم ما بيتعباعوش مع المساعدين فلازم اشتري المساعد كله واخد الكوتشة منه واركبها في المساعدين اللي راكبين في العربية وانا شاكك ان الصوت ده من الكاوتشتين دول فيا ريت اصحاب الخبرة يفيدوني الصوت ده ممكن يكون من ايه وهل الكاوتشتين دول ممكن يكونوا سبب الصوت ده[/overline][/justify]

**misoalex** · 16-10-2012 03:44 AM

لو بتتكلم على السيينا
اه الصوت 90% منهم والكاوتشتين دول اسمهم صدادات
بص انت الصوت اللى بتسمعه زى خبطه او رزعه كده فى العربيه لما بتاكل مطب او حفره او لما العربيه تتهبد من ورا
لو هو الصوت ده فأنا دفعت فلوس كتيييير وغيرت مساعد وكنت حدخل فى سكك تانيه لولا انى اخدت بالى ان الصداده دى عندى متاكله واللى اكدلى كلامى الموضوع ده بتاع استاز محمد الله يباركله
http://www.nilemotors.net/Nile/308557-a.html

والعفشجيه منهم لله دوخونى ودفعونى فلوس على الفاضى فى حجات العيب مش منها ده غير انهم فاكرين ان الصداده دى ملهاش لازمه وبيقولو عليها كاوتشه تراب من جهلهم منهم لله

والصداده دى موجوده عادى وتمنها 50 جنيه للواحده ومش موجوده غير عند الكيلانى فى القاهره والنونو فى اسكندريه وانا لفيت عليها زيك كتييييييييير ولما لقيتها ب 100 جنيه الجوز قولت مش مشكله المهم انى عرفت السبب وعرفت انهم موجودين ابقى اروح اجيبهم بعد كده لانى صرفت كتير على العيب ده

**Recaro** · 20-10-2012 10:57 AM

دخل العربيه على مجره وانزل شوف ماستر الضفدعه على الدنجل الخلفى بيكون متوصل بسوسته على الميزان الخلفى بقفيز معدنى، لو حصل للقفيز ده تآكل او اتحرك من مكانه هتسمع صوت زى (طــك) فى المطبات ومطبات الهواء، والله أعلم.

**ratwdpower** · 21-10-2012 01:15 PM

شكرا على المعلومات المهمه دى انا معايا سيينا 2002 وعندى نفس صوت الخبطه دى وخايف اروح لعفشجى علشان احتمال كبير يخلينى اكع دم قلبى على الفاضى علشان كده ان مقتنع جدا ان الصوت من الكوتشه دى انا هكشف على الكاوتشه الاول قبل تغيير المساعد

**samirsaid1** · 21-10-2012 02:11 PM

هى الكاوتشة أو الصدادة دى موجودة فى كل العربيات ولا ايه

اصل انا عندى نفس المشكله بس العفشجى قاللى المساعدين

**misoalex** · 22-10-2012 03:22 AM

المشاركة الأصلية كتبت بواسطة ratwdpower

شكرا على المعلومات المهمه دى انا معايا سيينا 2002 وعندى نفس صوت الخبطه دى وخايف اروح لعفشجى علشان احتمال كبير يخلينى اكع دم قلبى على الفاضى علشان كده ان مقتنع جدا ان الصوت من الكوتشه دى انا هكشف على الكاوتشه الاول قبل تغيير المساعد

انا غيرت المساعد بالفعل والمفجأه ان الصوت موجود وعملت مشكله مع العفشجى بتاعى لانه دفعنى تمن مساعد وهو مش متأكد العيب منين وبالرغم من انى مسكت الصداده وقولتله دى شكلها بايظ قاللى فيما معناه انى مش حفهم اكتر منه والمساعد هو اللى بايظ

وطلع فى الاخر انى الحمد لله بفهم اكتر منه

بس مش شرط يا جماعه كل صوت فى العفشه الخلفيه يبقى من الصداده ممكن يكون من كذا حاجه تانيه

**misoalex** · 22-10-2012 03:24 AM

المشاركة الأصلية كتبت بواسطة samirsaid1

هى الكاوتشة أو الصدادة دى موجودة فى كل العربيات ولا ايه

اصل انا عندى نفس المشكله بس العفشجى قاللى المساعدين

هز العربيه جامد جدا من ورا وشوف الصوت طلع ولالا لو مطلعش يبقى فى الغالب العيب منها والمساعدين سليمه

لان ده اللى كان بيحصل عندى والعربيه واقفه تهزها مفيش اى صوت لكن لما تمشى وتاكل نقر ومطبات تسمع الهبده او الطقه دى