المشاركة الأصلية كتبت بواسطة friendship7897
يا بخت العروسة المنياوية
إحنا عندنا هنا حسب الإتفاق على الرفايع دي
والأغلبية على العروسة - العروسة بتجيب كل حاجة
دي هي اللي بتجيب العريس كمان :10_1_102v[2]:
ودا اللى خلى البنات سلعة رخيصة للأسف الشديد مثلا بنت عايشة فى القاهرة ومن عيلة كبيرة وامكانياتها المادية كويسة تروح تتلم على واحد :dzey: وتقول لأبوها هو دا أيوة دا أبوها يجيله الضغط والسكر وهى تقول دا حب وأبوها آخر ما يزهق وهى تكبر كل يوم والتانى وقاعدة ملهاش لازمة يروح يسلم أمره لله ويجهزها ويجهز العريس ويجوزها ودا موقف حصل وكرهت البنت دى جدا
ياريت البنات اللى لسة متجوزوش يحسوا بقيمتهم شوية وما يدلقوش زى الجردل على الجواز والصبر طيب لأن بصرحة بقت حاجة صعبة وحال البنات فى مصر وخصوصا فى القاهرة ميسرش لأن مفيش رقابة ومفيش حد يعرف حد هناك وأهى البنت ماشية تخبط يمين فى شمال وامها تشجعها على جذب الشباب بجد مشكلة وأغلب البنات دول بيقعوا على أسنانهم وبياخدوا فوق دماغهم بعدين
هنا فى المنيا والمراكز البنت بتطلع من بيتها تمشى فى المدينة معروفة دى بنت مين كويس ومش أى حد ينفع يتقدم لأى واحدة كد وخلاص يعنى المقامات محفوظة دا مش تكبر ولا حاجة بس الأفضل إن كل واحد يتجوز المناسبة ليه من الفئة الفكرية والمادية فى نفس الوقت :)
وعشان كدا مينفعش البنت تمشى مع واحد كدا وتقول حب ومش حب بتحصل بس قليل وبيبقى بشروط وباحترام فائق وفيه قيود لان كل واحد معروف
العريس يروح يتقدم للعروسة يقرفوه بقى بالدهب والتجهيز هى تجيب المطبخ بس
وموضوع الدهب عندنا لسة برضه الناس منشفة دماغها خصوصا لما يلاقوا الواحد من عيلة ومشهور يبقى بس خلاص لازم يجيب اللى عايزينه وكمان بتبقى البنت حالتها المادية أقل من المطلوب فى مهرها بكتير قوى ومع ذلك حاجة تقرف
دا فيه ناس بتشرط على الأكل يعنى يجيب أكل عنده ويجيب أكل للعروسة فى نفس الوقت
وفى النهاية لكم الله يا بنات مصر بجد رخصتوا إلا من رحم ربى
وألف مبروك يا عروسة
هي العروسة أختفت ليه ؟
واضح أنها نزلت تجيب الستاير والسجاجيد والنجف