لو حصل اي عطل في الطاءرة ايا كانت الطيار بيحاول يو صلها لاقرب مكان غير مأهول او اقرب مكان خالي من البشر لو العطل حيوي و بيسبب سقوط الطائرة و مش عنده خيارات تانية
لو حصل اي عطل في الطاءرة ايا كانت الطيار بيحاول يو صلها لاقرب مكان غير مأهول او اقرب مكان خالي من البشر لو العطل حيوي و بيسبب سقوط الطائرة و مش عنده خيارات تانية
اخص عليك يا ياريس
وانا اللي كنت فاكرك مؤديبه
هههههههه
ياواد دول مصروف عليهم كده قد مصاريف تجديد استاد القاهره علشان يطلعو بمستوي معين
وبعدين مين قال ان ده جاي يتدرب ولا يتعلم
صادف بس ان المكان ده كان من ضمن خط سيره و هوا ماشي علي طيران منخفض او بيكون تحت مستوي رادار
اخص عليك يا ماااااااجد
قصدي يا ياااااريس
ياعزيزي. مصروف عليه مش مصروف عليه
الي بيحصل ده مش من حقوا يرووع الاهالي الامنين ويحلق باي شكل من الاشكال على ارتفاع منخفض مهما كنات الاسباب ... ثم هو مصروف عليه منين يعني مش من اموال دافعي الضرائب الي زي وزيك ..... ياترى مصروف عليه علشان يروعنا ويفزعنا في بيوتنا. ارض الله وسعه ومحبكتش فوق البيوت يتمرن .... ومتقليش خط سيروا كده هو مش اتوبيس ساعتك
والي هيقولي طيب مالطيران المدني بيحلق فوق المدينة عادي هقولك ااااه وعادي بس شوف الارتفاع قد ايه بيني وبين الطيارة ومبسمعش صوتها ولا بحس بمرورها اساسا في وقت لو حصل حاجة لاقدر الله اهو بعيد
ومفيش فرق بين الطيار الي بيتمشى بين البيوت على ارتفاع منخفض مفيش فرق بينوا وبين شب متهور واخد عربية بيامرك فيها في وسط الاهالي الاتنين تصرف غير مسؤول .... عاوز تتمرن على الطيران. مصر بسم الله مشاء الله واسعه وارض الله وسعه حبيت تمشي بين البيوت وحبكت خلاص المناورات يبقى في حاجة اسمها ارتفاع مش تهز بيتي هز وتوقع قلبي في رجليا واقول استر يارب ايه اسرائيل هجمت على مصر ولا ايه !!!!!
وفي النهاية اكتشف طيار معدي. بطيارتوا وفعلاً توقف من الشباك تشوفوا. اعتقد ده تصرف غير مسؤووووووول بالمره !!!
وعلى مستوى قطار ماشي على مسار محدد. ياما بنسمع عن حوادث تصادم واروح ناس بالهبل بتدفن في عز شببها .... وده قطر ماشي على سكة حديد محددة وعلى الارض. فما بالك بطيارات في السما تطرش ودانك من صوتها .... والي هيقول اصلهم بيدفعوا عنك وعن مصر. هقولوا اولاً انا من حقي كمان ادافع عن بيتي وعن اسرتي ضدد اي استهتار من هذا القبيل وثانياً احنا مش في حالة حرب ولا ده مكان تدريب فوق راس المدنين لان مش على هذا الاساس كمان بالمره يجربوا اطلاق صواريخ ويقولك بندرب ثم هو اموال الجيش جي منين ... والناس الي في الجيش دول ماهما هتلاقيهم ابن اخوك او ابن عمك او خالك يعني مفيش اسرة في مصر الا وليها على الاقل دسته في الجيش من اول عسكري لحد عقيد .... والغلط غلط والصح الصح. .... الخطء البشري او التقني وارد .... ومحدش يقلي متخفش اصل الطيرات دي زيروا لأ مش زيروا يا حبيبي .... واحتمال وقوع اي حادث لا قدر الله. كبيررررة
اه صحيح ممكن يعوضوك عن بيتك الي ممكن يتهد فوق نفوخك لو حصل حاجة. ( كتر خيرهم ) بس تقدر تقولي مين هيعوضني عن فوقدان اي روح موجودة في البيت .... وبعدين مش عاوز اذكر ان ٨٠٪ من بيوت مصر اصبحت متهالكه ومش حمل اي هزة من اي نوووع ، وانا بسئل الطيار الغير مسؤوووول ده. هو بيحلق على ارتفاع. منخفض ليييييييييييييييه. !!!!!
علشان نسقفلوا ونقلوا برافوا . ولا هيقولي اصل السما زحمة .... كل حاجة ليها وقتها وليها مكانها. يختار المكان والوقت المناسب .... ودول كتير بتمنع التحليق على مستوى منخفض .... واعتقد من ضمنهم مصر .... انا مش معترض على اي تدريبات او طلعات جوية بالعكس فخر لينا ولكل مصري انا معترض انو يمشي فوق البيوت بسرعة الصوت وبالمستوى المنخفض ده ويقلق ويرهب الناس في بيوتها .... ومهما كانت اسباب الطيار او اوامروا. بكرر ليه ولي مشغلوا والي مشغل الي مشغلوا ارواح الناس مش لعبة ..... والخطء واااااااارد. والحوادث مفيش اكتر منها .... والشرع ذات نفسوا فيه باب كامل اسمو درء الاذى ودفع البلالالالا ..... متجبليش سلاح خطير زي ده وتمشيه. فوق راسي وتقولي متخفش اصل احنا مدربين .... الغلط غلط وارد ومفيش حد معصوم منوووو
ولك ان تتخيل طيارة زي f16 مثلاً لو وقعت على حي تخيل كده. قد ايه هتكون نسبة الاضرار المادية والبشرية .... ادي صورة الطيارة. لان الناس فاكرة اننا بنتكلم عن عربية ١٢٨. ولا زيزتافا ولا حاجة
http://t1.gstatic.com/images?q=tbn:A...9AAgPIWwpeDHyq
الطيارة ذات نفسها لو فيها خلل في الطيران سرعتها واندفعها اثناء السقوط. بتتحول لصااااروخ مدمر. يعني احنا مش بنتكلم عن دمار شقه. ولا اوضة فوق السطح احنا بنتكلم على الاقل. تالت اربع خمس عماير. هتوقع. وتتهد على راس ساكنيها
http://t2.gstatic.com/images?q=tbn:A...l-HV-GcbHw-om6
http://t2.gstatic.com/images?q=tbn:A...DF3I2VlBQqVF1w
فمش عارف بقه هل بعد كلامي ده كلوا لسه عندكوا مشكلة انكم تفهموا ان ده سلاح حربي ومينفعش يعمل اي مناورات فوق بيوت المدنين هل لازم نستنى. وقوع الكارثة. علشان نقول والله معاك حق وفعلاً خطر
http://t3.gstatic.com/images?q=tbn:A...OAs2WtdEV6u42Q
تصررررررف الطيار. ده تصرف غير مسئووووووووووول بالمرة ولا مبرر له غير افزاع وارهاب الناس .... بتحليقوا الامبالي فوق بيوت المدنين والاهالي .... واحب اذكر الاخ الطيار المستهتتررررر بان اهلك وناسك هما الي على الارض
واحب. افكر الاساتذة في سلاح الطيران ان في بني ادمين على الارض و في ناس كتيرررررر كبار في السن. وناااااااس كتير مريضة وعندها القلب . ومحبكش الطيران بسلاح خطير زي الطيرات الحربية فوق نفوووخ الناس وقريب منهم ....السما واسعه وارض ربنا واسعه وتصرفكم ده غلط ولا مبرر له
باشا هدى أعضائك ... بس من حق الجيش إنه يعمل التدريبات اللازمة في المكان والوقت الذي يراه لرفع كفاءة الطيارين
وعلى فكرة من أهم تدريبات الطيار الحربي المناورات الضيقة بين المباني في الأماكن المأهولة بالسكان ودي بتعلي التصنيف بتاع الطيار ومش أي حد يقدر يوصل للمهارة دي ...
كون إن جيشنا أخيرا فاق بعد ما كان محطوط في الفريزير لمدة 60 سنة وبدأ يشتغل صح دي حاجة ما توزعلنيش كمصري أبدا بل بالعكس لازم أشعر بالفخر والأمان لما أشوف ده ...
وعلى فكره الأصل فينا كمسلمين إن إحنا عايشين في رباط وإستعداد للجهاد في سبيل الله في أي لحظة ينادي فيها حي على الجهاد ... فلو حصل حاجة لا قدر الله وحد مات فيكون إن شاء الله شهيد ...
هوا الدنيا دي ليها أي لازمة أصلا ولا ليها قيمة؟؟
ياريت اشوف حاجه كده ههههههه ده انا بتبسط قوي لما يبقي في كذا واحده معدين وصوتهم بيبقي جااااااااااااااااامد جدا
من حوالى 20 سنة فيه طيارة حربية وقعت فى احدى القرى المجاورة لطنطا
اتخبطت فى مأذنه جامع وسقطت فى الأراضى الزراعية وربنا سترها
بس قائد الطائرة توفى " الله يرحمه "
اعتقد ان ارتفاع الطيارة وسرعتها ومسارها مش بمزاج الطيار
واهى طيارة وبتعدى
اللى كان مضايقنى فعلاً إنه كان معدى ومشغل الكاسيت بتاع الطيارة بصوت عالى ومركب بازوكا على الجناحات ومفيم الإزاز
وهوه ده التهريج والإستهتار فعلاً هههههههههه
كل اللي انت عمال تسرده ده افتراضات من عندك
لانك مش عارف اصلا انت بتتكلم عن ايه ولا ابعاد الموضوع وعمال تبدي رأيك وخلاص
يا محترم ساعه التعبئه العامه او عند رفع الحاله في التدريبات يحق للجيش السيطره علي مايترائي له من ارض وممتلكات خاصه وافراد ايضا
جاي انت تقولي المفروض و مش المفروض
هوا مين اصلا قال ان الملكيين ممكن يكون ليهم رأي
بلاش تدو نفسكو اكبر من قدرها و تقحموا انوفكو في ما ليس لكم به علم
نعم نعم؟؟؟؟ يعنى ايه الملكيين ملهمش رأى؟؟؟؟ ملناش رأى جوه القواعد العسكرية، لكن خارجها لينا رأى لما اى تصرف من رجال القوات المسلحة يتعارض مع حرية وامان الملكى.
ومتنساش انك كنت ملكى فى يوم من الايام قبل القوات المسلحة، يعنى لو كلامك مظبوط لا كان ليك رأى ولا كان ليك شأن وكان قدرك قليل قوووووى.
حافظ على كلامك يا استاذ ومتخليش انتمائك للقوات المسلحة يقلل من شأنها فى نظرنا انها ينتمى ليها افراد مازالوا محتفظين بعقدة الدونية اللى شايفين بيها باقى الناس اللى بره القوات المسلحة.
لو رجال القوات المسلحة ليهم شأن، فده عشان الملكيين اللى بيقدروهم وبيقدروا تعبهم وتضحيتهم بحياتهم عشان خاطرنا.
يا حضرت انت و اللي عاوزين يعدلو علي تدريبات الجيش او مناوراته اللي شايفين الجيش وضباطه وافراده بنظره دونيه لدرجه انكو عاوزين تعدلو و تقترحو علي خطه تدريبه
انت بتتهمني باللي انت بتعمله
وحريه وامان الملكي اللي حضرتك بتذكرهم دول اعتقد انك ملكش اي دور في حفظهم بالعكس انت غالبا مصدر تهديد ليهم
اغلب حضراتكو بيروح كل يوم بيته ينام في حضن مراته او امه وكل همه بس نفسه و عيلته وده في حد ذاته نجاح للجيش لأنك مش حاطط من ضمن همومك ان بلد او عدو اجنبي يدخل حدودك ويهدد امنك
وطبعا ملكوش اي رأي و ده مش عيب لأن كل واحد ادري بشغله وانت مش حتصقفلي لما اجي شغلك اقولك اعمل و متعملش وبالاخص اني مبفهمش في شغلك
وارجو من صاحبه الموضوع لو معندهاش مانع انها تقفل الموضوع لان مفيش حد حيضيف اضافه مفيده خصوصا ان كل اللي داخل يعلق غير ذو اختصاص و لا يدري عن ماذا يتحدث
شكرا
وده اخر تعليق ليا في هذا الموضوع
ايعه يا جماعه ما تهدوا نفسكم شويه كله خير ان شاء الله
يا جماعه الموضوع تدريب وهيخلص ان شاء الله يوم الخميس القادم قبل العيد
وعلى فمكره ده كويس علشان الشعب
نفترض انه قام حرب هتتفزوعوا يعنى لا ده كويس انهم يدربونا حتى اننا نشوف الطيارات دى قريبه مننا ونسمع صوتها
مش لازم يعنى اخر صوت نسمعه قبل من نموت يكون هيا ((لاقدر الله فى وقت الحرب ))
نفترض يا رجالهخ لو اخوك قالك علمتنى السواقه هتعمل ايه
مش بتاخده فى حته فاضيه وتعلمه تانى يوم مش بتمشيه على الطريق وفى وسط العربيات علشان يقدر ياخد خبره اخبر
هو ده الى بيحصل مع العلم انك بتبقى مش حاطط خطه للى بيحصل
اما فى اليارات نظام ملاحه وخرائط بيمشى عليها
وربنا يسترها
اما علشان تقولوا الطياره ممكن يحصل فيها خطى
ده واد ولا كن بنسه 1 فى المليون
يعنى نسله لا تذكر
الموضوع كله اراء ف متختلفوش علشان حاجه ياريت
يا استاذ انت انا مفيش كلمة قولتها تفيد انى بعدل على تدريبات القوات المسلحة، انا تدخلت فى النقاش لما لقيتك داخل تصادر حرية الملكيين فى الرأى وتقول ملناش دعوة وبلاش ندى نفسنا اكبر من حجمها!!!!! واضح مين فينا اللى عنده عقد :)
ومين قالك اننا شايفين الظباط وافراد القوات المسلحة بنظرة دونية؟؟؟ مين فينا اللى تطاول فى الكلام؟؟؟؟ كل الاعضاء اللى شاركت بتكن الاحترام والتقدير لرجال القوات المسلحة المحترمين اللى بيقدروا ويحترموا الشعب.
اما بقى الامن والامان وكله ده، انت بتعيد فى كلام كلنا عارفينه وحافظينه كويس اوى، بس فى الاول وفى الاخر اقولك ان دي شغلانته اللى هو اختارها ودخلها بمزاجه وبياخد عليها مرتبه، لكن احنا بنقدر ونحترم ولا ننكر دورهم المهم فى حفظ امن وامان البلاد.
وتانى احاول افهمك وجهة نظر الاعضاء، محدش بيعدل على طرق تدريبات القوات المسلحة، لكن لينا اننا نعترض لما التدريبات دى تتعارض مع اماننا، ولا هو مبدأ مصادرة رأى وخلاص؟؟؟ واذن احنا مش فى حالة حرب او تعبئة عامة عشان تقول القوات المسلحة ليها الحق فى انها تصادر ممتلكات واراضى الافراد.
اخيرا رجاء حاول تحافظ على صورة رجال القوات المسلحة فى نظر الشعب وبلاش تتكلم مع الملكيين بالطريقة واللهجة اللى اتكلمت بيها عشان صدقنى تأثيرها ها يكون عكس ما القوات المسلحة عايزاه من تقدير من الشعب.
المشاركة الأصلية كتبت بواسطة Y a r i s
هو معليش بعد كل الكلام الي اتقال
ممكن اسئل سؤال ؟؟؟؟؟؟؟؟؟
@@@@@@@@@@@@@@@@@
هو مش وارد تحصل اي عطل فني في الطيارة الحربية او خطء بشري يرتكبوا الطيار
طيب مدام ماهوا وارد مايروح برووووح امهم يتمرنوا بعيد. ولا حبكيت يتمرنوا فوق نفوخنا وفوق بيوتنا
كان اروحنا بقيت لعبة .... ناقصني انا في يوم من الايام ابص الاقي طيارة واقعة على بيتي واسرتي وكل اهلي وعيالي بقووو اشلاء ويقلك قضاء وقدررررر ومعليش احنا متاسفين اصل المروحة وقفت فجئة ولا السير اتقطع فبالغط نزلت الطيارة في نص بيتك وزغرتي ياعروووسة
واللهي البلد دي مش حتتقدم ولا حتنفع طول لما كل " طائفه" من الشعب فاكر انو احسن من بقيت الشعب و ان من غيرهم البلد ملاهاش لزمه ولسه مش مدركين ان اي دوله محترمه و متقدمه مبقتش كدة الا لما عرفو ان كل الطوائف الشعب بيكملو بعض في بناء بلدهم من الظابط و العالم و المهندس و ا الخ ....... الي حتي العامل و المزارع و كلهم شركاء في بلدهم
انا اسف لو تعليقي برة الموضوع بس بصراحة حسيت باستفزاز من رد الاخ الفاضل اللي بشكرة علي تعليقه و احب اصصح لسيادته ان مفيش حد بيبوص نظرة دونيه للجيش بالعكس كلنا كشعب جينشاا نشيلو فوق رسناا و معظمناا هنا خدم فيه بس اللي يضيق لما نلاقي في تقاش عادي رد سياتك اللي ميخلاش من نظرة تعالي و استهزاء لبقيت الناس
الراجل بيقول فى حالة التعبئة العامة والحرب
مينفعش يبقى فى آراء إلا للعسكريين
دا كلام أعتقد مفهوش غلط
الموضوع خد أكبر من حجمة أوى
إية يعنى طيارة شكمانها مخروم وعديت فوق راسك بوظت الجيل اللى فشعرك......... عادى
يمكن كان لسة مصلحها وطالع يجربها ....... يا جماعة مش كدة بلاش سوء الظن دة
محدش يستغرب لان ده السائد للاسف فى عقليه المهن دى انهم بيقهموا فى كل حاجه واحنا مش بنفهم حاجه
ده بيفتوا فى الطب وطبعا اللى درسته مالوش لازمه هوا بيفهم اكتر منى ههههههههههه
ده رابع يوم يعدوا النهارده
أكيد التدريبات مش عشوائية و الطيارين مش حمير
انا بااااك خلصت دوامي وقلت يافكيك.
وبرحب بيكم وبجميع ارائكم .... بس احب اضيف لاخي الفاضل الي اعرفوا اني وانا في الجيش مليش راي الا اذا كنت قائد كتيبة. وبنفذ التعليمات من سكوات بس كوني انسان مدني وابن هذه البلد يبقى ليا راي ومن حقي اقولوا حتى لو محدش خد بيه. ودي نقطة
النقطة التانيه ازاي بتطلبني اشوف حاجة خطر بجوار بيتي وفوق راسي وتقلي مليكش دعوة مثلاً طيب اذا انا مليش دعوة اومال مين الي ليه دعوة الجيران. ياراجل يا طيب على مستوى بيتك لو شفت تريلة واقفه قداموا ولا تنك بانزين ممكن ينفجر في اي لحظة بعود كبريت اكيد هتجبروا انو يبعد بعيد عن بيتك بالزوق او بالعافية .... وميقدرش السواق يقولك متخفش يابيه او متلعبش دور مش دورك الشارع مش بتاعك. صحيح ان الشارع مش بتاع ابويا ولا حتى السما ملك اهلي بس في اسر كاملة هنا حياتهم تخصني وممتلكات مدنية من حقي اني احافظ عليها بايدي واسناني ودمي
النقطة التالته : ودي مشكلة خطيررررررررة. بواجها انا وناس كتير. حتى على صعيد الشغل هيا حتت الاستهتار الي عند الشباب باي مكنة في ايدوا او الاستخفاف باي سلاح .... وتلاقي العامل مثلاً واقف على مكنة. بيسمع اغاني ولا بيتكلم في الموبايل ولمن تيجي تكلموا يقلك متخفش ياباشا. انا انسان مدرب ويغيظك لمن يقلك ماتخفش. يعني ايه مخفش .... ماهو لمن المكنة تاكول ا يدك ولا تعصر دراعك بترجع تعيط وتقول الحقوناااااااا .... حتى على مستوى عربية صغيرة تلاقيهم سايقين بمنتهى الاهمال وقاعد بيتكلم في الموبايل ولا بيلعب في شريط الكاسيت ويقلك ما تخفش انا واخد بالي مايعرفش ان العربية بتاعتوا البلاسيتك دي هيا اداة قتل وسلاح خطيرررررررر ممكن بمنتهى البساطة تدوس اسرة كاملة بتعدي الشارع وتسببلهم عاهه مستديمة مدى الحياة وتكسحهم ده اذا مافرمتهومش تحت كويتشات عربيتك فالغلط وارد .... فمحبكش التمرين فوق دمغنا .... وفوق بيوتنا ويقلك ماتخفش او من حق القوات الجوية تعمل الي هيا عاوزه .... كما زكرت في ناس كتير مريضة بالضغط. وبالقلب في ناس كبار سن في اطفال. في نساء كل دول المفروض ياخذوا بالحسبان غير البيوت الايله للسقوط وممكن الصوت يشرخ عوميدها واساستها .... واذا نزل كام متر زيادة ممكن من قوة الصوت ينفجر قزاز البيت في وش ساكنيه فحريتك تنتهي عن حرية الاخريين .... والحاجة الي ممكن تسبب ضرر بلاش منها
النقطة الرابعة :
هيا معامل الاخطار او معامل الخطء .... ناس كتير مبتحسبهوش وسايبها على ربنا ونعم بالله .... بس مثلاً مثلا على مستوى عربيتك بتلاقيك تركنها في اي حته ومبتحسيبش معامل الخطر من وقفتها هنا وبالشكل ده. وتقول ياعمي ماتحطش في بالك .... ولو تحسيبوها وتفكروا فيها بهداوه هتلاقي معامل الخطر وانتا سايق عربيتك وتتخبط او تعمل حادثة معدل فوق ال ٢٥٪ وانتا مش واخد بالك وفاكل الخطر معدلوا ١٪ او واحد في المليون. وده غير صحيح وكل مايزيد استهتارك او لا مبلاتك معدل الخطر بيزيد ومين منا كان سايق حتى عربيتوا وبيقولك الحمدالله كنت هموت او اتكتبلي عمر جديد اهو بسبب سرحانك وعدم تركيزك معدل الخطر وصل ٩٠٪. المهم علشان ماخرجش عن الموضوع مش هدي محاضرة في معامل الخطر لان مش وقتوا بس القصد الي بينطبق على السيارة بينطبق على المركب بينطبق على الطيارة .... فالخطر موجود. ووارد حدوثوا. فليه نعرض الناس والاهالي. لخطر زي كده والمسئلة مش بعلم اخويا السواقه وبعلمو بره وبعدين اسوقوا في وسط الناس ههههههههههههه. ياجماعه ده. سلاح جوووو احنا مش بنتكلم عن طيارة هيلكوبتر او عربية ١٢٨ لو عطلت هنركنها على جنب ..... دي لو عطلت هتنزل تفجر وتدمر وتموت. وفي النهاية هتلاقي الطيار نازل ببراشوت. في اختراع جديد اسمو حهاز المحاكاه للطيرين. زي سلاح التلميذ للطيارين كده
والضرر مش بس في تعطل الطيارة او موت الناس لأ الضرر حتى في مرور الطيارة الحربية فوق البيوت بالشكل طه وبالارتفاع ده وعلى المستوى ده بالسرعه دي واذا بقولك الصوت بس لوحدوا ممكن يشرخلك اساسات البيت او يكسرلك. زجاج وقزاز البيت. يبقى احنا بنتكلم في ايه اساساً. الغلط غلط والخطر خطر ومن حقي اني اعيش باطمئنان في بلدي وفي بيتي
نقطة اخيره : احب اعتذر عن كلمة عامية قلتها طلعت مني في لحظة عصبية دون قصد. وبكرر اعتذاري .... لكن هل الطيار ده هيقدم اعتذاروا للاهالي الي روووعهم وارهبهم في بيوتهم ..... وشكراً لكم وتحياتي
ده ممكن تدريب او تجربة الطيارة مثلا
انا من رايى اننا لازم نتعود شويه على الاصوات دى ويبقى عندنا فكرة بسيطه عن السلاح والحروب وكده
بلاش بقى الخوف ده ادينا شايفين سوريا اهى ربنا يرحمهم عادى يعنى ياجماعه استحملوا شويه
وحاولوا تتعودوا عشان الايام اللى جايه انا مش متفائل بيها الصراحه
معلش انا عندى استفسار بسيط
هو ايه الهدف من النقاش و الجدال و الأنفعال ؟؟
انا مش لاقى كلام اقوله غير نشوف طياراتنا احنا ماشيه فوق البيوت احسن مليون مره من اننا نلاقى طيارات اى بلد تانيه صح ؟!!!
طب يا ريتها تيجى على أصوات الطائرات ..
شوفوا الخبر ده :
العثورعلى قنبلة "سقطت خطأ" من إحدى الطائرات الحربية بمزرعة بوادى النطرون
http://www.el-balad.com/images/fb.png http://www.el-balad.com/images/nprint.png
الخميس 18.10.2012 - 08:28 م
http://www.el-balad.com/upload/photo...2o/74.jpg?q=12
كتبت نجوى الحسينى
تلقى اللواء ممدوح حسن مدير أمن البحيرة بلاغاً من مركز شرطة وادى النطرون بعثور جويدة عوض لطيف المسئول عن مزرعة الهاشمية بالوادى الفارغ بدائرة مركز وادى النطرون على جسم غريب داخل المزرعة.
وعلى الفور انتقلت القيادات الامنية المختصة وحضر العميدان عصمت محمد سلامة وابراهيم محمد محروس وضباط من القوات الجوية .
وتم فرض كردون امنى حول المزرعة ، وبفحص الجسم الغريب تبين أنه عبارة عن قنبلة ماركة mt82 طولها 175سم وقطرها 85سم ، سقطت من إحدى الطائرات بطريق الخطأ، اثناء مناورة عسكرية ولم تنفجر وتعذر نقلها لحين عرض الامر على قائد القوات الجوية لاتخاذ القرار اللازم.
وتم اخلاء المزرعة والمنطقة المجاورة لها لحين اتخاذ القرار فى موعد أقصاه 72ساعة .
وتحرر المحضر رقم ادارى عسكرى مركز وادى النطرون.
البلد: العثورعلى قنبلة "سقطت خطأ" من إحدى الطائرات الحربية بمزرعة بوادى النطرون
ههههههههههههههههه
سبحان الله جالكم كلامي .... والنبي ركزولي على حتت عن طريق الخطأ دي .... تصور بقى القنبلة ولا الصاروخ ده وقع عن طريق الخطأ. على بيت من البيوت. الي فيه ناس ساكنين. .... هيبقى ازاي الحال !!!!!!!
ومحدش يقولي هنبقى شهداااااا .... لان الشهادة دي مش القاب ونياشين عمالة تتوزع كده على الناس .... زي واحد ماشي في الشارع خبطتو عربية سفارة امريكية ولا اسرائيلية يقلك ده شهيد السفارة. ... بلا سفارة بلا عمارة بلا كلام فاضي .
الشهداء معروفين بس احنا علشان نسكت الناس نقولهم متزعلوش ان عيالكم واهاليكم اتقتلوا ده ثوابهم كبير عند ربنا وبقوا شوهدا هههههههههه .... وتلاقي اهالي الناس الي اتقتلت تعوم على عومهم. وتقلهم طب ايدك ياحلو انتا وهو على حق الشهداء .... عاوزينوا كاش ماني ... يقوم الطرف التاني يرد عليهم ويقلوهم هو في شهيد ليه حق غير عند ربنا الحساب يوم الحساب بقه. وتوته توته خلصت الحدوته
فالغلط غلط .... وغلط خطيرررررررر. ماينفعش. تمشيلي سلاح فوق راسي وتقولي ماتخفش اطمن انتا بين ايدين امينة
يا جماعة بالرغم من أننا أتريق عليا كتير جدا فى الموضوع دة و أتقال الجيل و الشعر يتنكش و إلى بيقول كدة ميعرفش أننا واحدة و مفيهاش مشكلة بالنسبالى التريقة دى و عمرى ما هزعل منها لأنى بتعتبرها هزار
لكنى بجد زعلانه جدا من تعارض الرأى و بصراحه بندم لما بعمل موضوع و يحصل فيه مشاكل كدة
لأنى بحس أننا السبب فيها
يا جماعة يا ريت نتقبل نقاش بعض حتى و لو هتيجوا على نفسكم شوية
هههههههههه ,,, حلوة عن طريق الخطأ دي ... هو انتو فاكرين الطيارة دي عربية كارو ...؟؟
مفيش حاجة اسمها عن طريق الخطأ وبنسبة كبيرة جدااااااا الخبر فكسان أو دي مخلفات قديمة ...
----------------------------------
بالنسبة للموضوع ... يا بختك والله ... أنا نفسي اشوف طيارة بالقرب ده حتى لو هتقع على راسي
وسواء كان تدريبات أو خلل في الطائرة فالشيء الجميل انه تمت السيطرة على الطائرة ...
وبالتوفيق لجيشنا الحبيب ...
خلاص يا جماعة الحكاية بانت
دى كانت تدريبات على مناورة انتصار البحر للاحتفال بعيد القوات البحرية
من فترة حوالى اسبوعين اواكتر كان فيه موضوع مشابه و صوت طيارات حربية تطير على ارتفاع قريب من العمارات السكنية لدرجة غير معتادة و لو ان كلمة قريبة ديه نسبية من واحد لواحد بس من المعتاد عليه ان الطائرات الحربية لا تقترب من المناطق السكنية الا فى حدود لا يمثل ذعر للمواطنين من ناحية و لا خطر على الطائرات من ناحية اخرى لوجود ابراج اتصالات مثلا ، و لو فرضنا موضوع الخطر على الطائرات ديه مش تبعنا و لاتخصنا باعتبارنا مدنيين لا نفقه شيء مثلا و ملناش دخل بالاعمال العسكرية بناء على ما تقدم من مشاركات للاعضاء ، فما يهمنا هنا فى المقام الاول هو مدى الذعر الذى تسببت فيه هذه طيران هذه الطائرات بهذا الشكل فى كل مكان حدث فيه نفس الموقف و من الواضح انه غير عشوائى بالمرة لتكراره بنفس النمط فى اماكن مختلفة
من ناحية اخرى ارى انه لدينا كمواطنين كل الحق فى ابداء الاراء فى اى شىء بدون ان يتطوع مدافع عن طائفة او جهة ما و يقوم بالواجب فى اعطاء الاخرين درس فى الاخلاق و تعريفنا حدودنا و كيفية ان لا نتعداها بدلا من المناقشة مثله مثل باقى المشاركين ( الا اذا كان المخطط من قبل القائمين على الامور ) هو هذاالاسلوب من هنا و رايح
من ضمن ما اريد ان اشاركه ايضا ردا على بعض الكلام المكتوب فى هذه المشاركة والموجه للمدنيين من قبل من يقوم بالدفاع عن احد الجهات ( و التى لم يتهجم عليها احد بالقول او حتى باى ايماءة اصلا) هو اذا كان هناك مدنيين كانوا نايمين فى حضن زوجاتهم لاحساسهم بالامان ، فهناك مدنيين اخرين يقومون بواجبهم ناحية المجتمع بالسهر طوال الليل ايضا فى الايام البيضاء و السوداء و ترك منازلهم للقيام بواجبهم الوظيفى مثل العسكريين
و اظن انه فى حالة الحرب لا قدر الله الخطر سوف يواجهه الجميع سواء العسكريين او المدنيين