الموضوع: طيارات الجيش عملت رعب فى الشوارع لدرجة أن الناس كانت بتجرى

قعلا موضوع الطيارات ده بقاله كام يوم فى اليكس بشكل مستفز اوى و فعلا الطيارات بتبقى قريبة اوى اوى اوى

ميرسى يا جماعة على ردودكم

يعنى أفهم من كدة أن الموضوع دة منتشر بشكل فظيع كدة فى أسكندريه و مصر كلها يعنى دى مش أول حاله
أصل أحنا بقالنا فترة كام يوم كدة فيه طيارات فعلا بتطير من عندنا بس بتبقى فى السما فوق
لكنها أول مرة نشوف طيارة بمعنى أصح مستواها قليل جدا كدة
يتهئ لى لو كان حد فى الدور الرابع مثلا و بص من الشباك أو البلكونة كان شاف الطيارة من جوة

بس الموضوع دة قانونى ولا مش قانونى ؟

المشاركة الأصلية كتبت بواسطة m_adeleid

لا حول و لا قوه الا بالله
حتي تدريبات الطيران المدنيين عاوزين يكون ليهم رأي فيها
المفروض الجيش يعدي علي بيت بيت يستأذن انه حيعدي بالطيارات
ولو كان الارتفاع اقل من المسموح بيه لازم يسيب علي جسم الطياره رقم علشان لو عاوزين نشتكي من السواق

على فكرة أنا بتكلم عن حاجة حصلت فحبيت أشارك الناس بيها مش أكتر و موضوع التدريبات دة أنا من أول ماتولدت لحد دلوقتى أول مرة أشوفة اليومين دول عشان كدة حاجة جديدة عليا حبيت أتكلم فيها و كل كلامى أنه قانونى ولا مش قانونى دة مجرد فضول لأن الصحرا واسعة يقدروا يتدربوا فيها زى ماهما عايزين لكن مقولتش نشتكى أو يستأذن حد مننا

و على فكرة بمناسبة السخريه أنا والدى فى الجيش و فى الخدمه يعنى أستحاله أسخر أو أتريق على المهنه كمهنه

المشاركة الأصلية كتبت بواسطة m_adeleid

والد حضرتك في الجيش علي عينا وراسنا
وحضرتك اللي فارضه سوء النيه انا مش بسخر انا بستنكر
ممكن بقي تسأليه هل ده قانوني ولا لا

لأ والله أبدا ولا سوء نيه ولا حاجة لكن أنا أول مرة أشوف طيارة مجسمه كدة
و للأسف لما سألتة طنشنى و قالى معرفش :01964e~163:
عمتا فى كل الحالات يتهئ لى من حقنا نعرف أية دة لأن المنظر دة زى ما بتقولوا بيتكرر فى أسكندريه كتير
دة كان تدريب على الطيران ولا أية بالظبط لأنه مش بيحصل جوة مدن ؟
ولا تجهيز لأحتفال بس أحتفالهم كان يوم 14 أكتوبر على ماأظن
و أستحاله تكون طيارة نقل

و عمتا بكررها تانى والله العظيم أنا مش بفرض سوء النيه ولا حاجة لكن الموضوع أقرب إلى الخيال العلمى و ممكن كان يؤدى إلى كوارث والله أعلم