طيارات الجيش عملت رعب فى الشوارع لدرجة أن الناس كانت بتجرى

**MaNoLa** · 16-10-2012 11:10 AM

أمبارح فى وقت متأخر من اليوم و محدش متوقع نهائيا أن يكون فيه صوت

البدايه أن بدون مقدمات فيه صوت قوى أستمر لمدة 10 ثوانى و لما بصيت فوق كدة لقيت طيارة عادى جدا بس بمسافة مرتفعة

بعدها بخمس دقايق بالظبط كنت فى الشارع و بحط شنطتى فى العربيه و مرة واحدة سمعت صوت عالى جدا لدرجة أن الناس كلها كانت بتبص فوق و فجأة لقينا نفس الطيارة دى بس قريبة جدا و بشكل يمكن خطر على الطيارة و على الشارع و عماله تتشقلب فى الهوا و من كتر قوة الصوت حسيت أن بطنى وجعتنى جدا و الناس كانت بتجرى فى الشارع و فاكرة الطيارة هتقع و بعد كدة الطيارة طلعت فوق تانى و مرجعتش الحمد لله

بعد الموضوع دة بنص ساعة رجعت البيت تانى و بتكلم مع واحدة قريبتى كانت بتحلف أن أزاز الشباك كان هيقع

إلى عايزة أعرفة دلوقتى
هل دة قانونى ؟
و ليه بيعملوا فى أعصاب الناس كدة ؟
معلش يمكن يكون الموضوع غريب شوية بس أنا حاسه بأستفزاز أوى منه بسبب حالة الهرج و الرعب إلى كانت موجودة

**SASA3** · 16-10-2012 11:18 AM

طب مش ممكن يكون فعلا قائد الطائرة كان فقد السيطرة عليها و لو للحظة و رجع تانى و قدر يسيطر عليها

او لسه تدرب الى كان سايق بيها و اما فقد السيطرة المدرب هو اىل اتحكم فيها و طلعها تانى

**MohammedAladel** · 16-10-2012 11:31 AM

كان نفسى أبقى طيار حربى

بالنسبة للموضوع دا حصل جمب مطار ولا لأ لو جمب مطار عادى بس الصوت اللى يوجع البطن ويهز الزجاج

يعنى الطيارة طايرة بسرعة عالية جدا على ارتفاع منخفض ودا فى حالة المناورات ودا بيتم بعيد عن المناطق السكنية تماما

لكن فيه مناورات خفيفة بتتم بطيارات تدريب زى الألفا جيت والكى 8

بتبقى جمب المطار ووسط المدينة عادى بس صوت الطيارا ت بيبقى مش عالى بيبقى ممتع لو أى مواطن وقف يتفرج عليها حاجة لذيذة

لكن اللى حضرتك بتكلم فيه دا خطأ من الطيار بالتأكيد وزى ما قال العضو الكريم فوق ممكن يكون حصل موقف طارئ معاه مش أكتر فداس بنزين جامد فى الطيارة عشان يلم نفسه فى الهواء ههههههههه

ودايما وأبدا الطيارات الحربية لما بتبقى معدية وسط المدينة بتبقى طايرة فوق وعلى ارتفاع عالى وسرعة متوسطة

غير كدا يبقى مش طبيعى أبدا

**Khaled Online** · 16-10-2012 12:48 PM

تلاقيه سقط غيار عشان ياخد غرزة

**thunder155** · 16-10-2012 01:35 PM

نام و هو سايق

**Dr.Mostafa Anwar** · 16-10-2012 01:49 PM

حضرتك ممكن تبلغ في أقرب منطقة عسكرية من حضرتك وتذكر وقت الواقعة بالضبط وهما هيتخذوا اللازم ...

**OMAR61995** · 16-10-2012 01:49 PM

ده كان تدريب تقريباً
عدوا امبارح و النهارده
هم كانوا طيارتين و لفوا كذا مرة و صوتهم كان عالى فعلاً

**Ahmed_Adham** · 16-10-2012 01:56 PM

الطياره كانت عامله عمره وكانت طالعه تتلين. أنا عارف عشان أنا اللى كنت فيها ^^^

**eng.m7md.ali** · 16-10-2012 02:05 PM

انا عارف الطيار اللي عمل كدة :)

**gebreel** · 16-10-2012 02:14 PM

هو اللي اعرفه من صديق ليا كان في كلية طيران مدني ان اللي بيدربهم بيبقوا طيارين حربيين و يبقى المدرب هو اللي سايق و مرة واحدة يخلي الطيارة في وضع يخليها مش متسيطر عليها و يقلو اتصرف و لو معرفش و في خطر بجد بيدخل هو و يلمها =)

بس مش عارف الجنان ده لو بيحصل في الطيران الحربي ازاي يتعمل وسط البلد

الموضوع: طيارات الجيش عملت رعب فى الشوارع لدرجة أن الناس كانت بتجرى

LinkBack

أدوات الموضوع

عرض

طيارات الجيش عملت رعب فى الشوارع لدرجة أن الناس كانت بتجرى - انشر الموضوع فى :

-

-

-

-

-

المواضيع المتشابهه

بنزين طيارات وتعديلات ب 400 الف جنيه عشان يشد بالعربية في الشوارع

عملت تست درايف للسيفيك 2012 و كانت الفاجعه

مراتى كانت ناويه لى على نيه هاقلكم انا عملت ايه

الناس اللي كانت ف مقابلة النهاردة فين؟؟؟

الكلمات الدلالية لهذا الموضوع

المفضلات

المفضلات

ضوابط المشاركة