الموضوع: مقارنة بين 3 عربيات مستعملة

الاخوة الكرام بالمنتدي كل عام و انتم بخير
انا بدور علي عربية مستعملة في حدود 60 الف و قدامي 3 اختيارات
1- سيارتين استرا 2005 كاملة اوتوماتيك واحده 80 الف كيلو مطلوب 60 الف جنية و التانية 130 الف كيلو مطلوب 53 الف جنيه
2- تويوتا كرولا 2002 اوتو عداد 40 الف كيلو و مطلوب 73 الف
3 - نيسان صني 2008 عداد 35 الف كيلو و مطلوب 72 الف
انا محتار انا نفسي اركب تويوتا بس حاسس ان سعرها اوفر علي موديل 2002 يعني بنتكلم في 11 سنه و لكن هي مطلوبة فعشان كده سعرها مغالي فيه
الاسترا ركوبة جميلة و سعرها معقول و في حدود الامكانيات بس الخوف من مشاكل الاوبل و قطع الغيار و سعر اعادة البيع
الصني مخوفني موضوع استهلاك البنزين
فيه رأي بيقول اشتري حاجة شعبية ممكن تبيعها بسهولة و قطع غيارها متوفرة وبالمناسبة انا واحد صحبي معاه افيو 2009 1/2 كماليات حالة ممتازة ممكن تخلص ب 55000 ج
فارجو المساعدة من حضراتكو

متشكر للردود
انا شفت التويوتا بس كان باليل ومقدرتش احدد هي رشة بالكامل بس اللي متأكد منه انها رشة جنب يمين عدادها 44 الف ك و صالونها نظيف جدا بس صاحبها بيتكلم انها جايباله 75 الف طبعا سعر وهمي في الخيال العلمي لعربية بقالها معاه 11 سنه و حتي مغيرلهاش كاوتش من ساعة ما اشتراها
مش عارف اعمل ايه انا تقديري ليها ميزدش عن 60-65 الف بالكتير بس مش عارف سعر السوق ايه