السلام يا أعضاء العصابة الكرام..
موقع وجيه أباظة بيقول ان البرستيج من سنة 1993 لغاية 1999 تقفيل مصرى
و فى ناس مصممين انها تقفيل فرنساوى
حد يقولى بأه بعد اذنكم
أعرف منين من العربية..؟؟
و شكرا
عرض للطباعة
السلام يا أعضاء العصابة الكرام..
موقع وجيه أباظة بيقول ان البرستيج من سنة 1993 لغاية 1999 تقفيل مصرى
و فى ناس مصممين انها تقفيل فرنساوى
حد يقولى بأه بعد اذنكم
أعرف منين من العربية..؟؟
و شكرا
ال 405 كلها نزلت من وجيه اباظه من سنه 93 فعلا
الا بقي لو كانت جايه مع حد من بره
بالنسبه للبرستيج فظهرت سنه 96 او 97
متهيالي كده يا كيمو:)
حازم حبيب قلبى...منور قسم البيجو يا ريس:)
دا نورك يا حبي و الله فرحان انك خلصت امتحانات
يا ريت اشوفك قريب من رمضان ما اتقابلناش يا راجل:)
ازيك ياكريم....
اولا مفيش حاجة اسمها برستيج في فرنسا ( الاسم ده وجية اباظة هو الي مطلعة علي ال 405 2000 سي سي ) بمعني تاني كلمة برستيج تقريبا ذي ال 405 بارس بتاعت ايران ( كلمة بارس مش موجوده في فرنسا) مع الفرق ان ايران عدلت في شكل العربية لكن وجية اباظة حط الفوانيس العيون في المقدمية بتاعت البرستيج الاوتوماتك وحتي العيون دي عمرها مانزلت في فرنسا من المصنع بس كانت موجوده كاكماليات...
وتاتي حاجة وجية اباظة بيقفل عربيات البيجو من 93 (405) وبعد كده البرستيج من 96 وبعد كده ال 406 الكرستالة (الشكل الجديد) وفي الاخر ( ال405 البارس ) غير كده وجية اباظة عمره ماقفل ال 206 ولا ال 307 ولا 407 ولا اي عربية بيجو تاني.
ملحوظة حتلاقي الازاز بتاع العربية عليه علامة بيجو مش دكتور جريش ذي كل العربيات الي بتتقفل في مصر وع ذلك البرستيج بتتقفل في مصر..
شكرا يا حودة ربنا يكرمك
وكمان الفرنساوى كل مساميره ألنكيه نجمة ووجود كوابيل فى السقف وفى الابواب وخامات الطبلوه وفرش البيبان والكراسي عاليه عن المصري
عالية عن المصرى اه
بس برده اعرفها ازاى يا احمد باااااااااااااااااااااشا
العربية الفرنساوى بتتعرف بالشكل كدا تلاقيها متناسقه مع بعض وتحس بتأفيل الأكصدامين و جريد الباب تانى حاجه بتكون نعمة عن بتاعت التوكيل والتكهات صوتها مش عالى وتلاقى الازاز مكتوب عليه سويركس وكله عليه رقم واحد مطبوع وكمان أستيكارات اللى مكتوب عليها بيجو ومحفور عليه أسد
وكمان العربيه مفيهاش مسامير عاديه كله ألنكيه نجمة وكمان الفرنساوى بيبقى الازاز ورا وقدام عليه برواز قلمونيا وسقف العربيه متين وكل القطع الصغيرة هتلاقى عليها كلمه فاليو وحتى المساحات والمساعدين تلاقى محفور عليهم بيجو فرنسا و نجى بقى على الفرش البيبان من جوة الفرنساوى تلاقيه عامل زى الموكيت القطيفة وعمرةميتنحل
وجلد المقابض بتاع البيبان جودتة عليه زى الطبلوة وكمان جوانب الشنطة ومكيت الشنطة
كل المرايات حتى مرايه الصالون مركة فاليو