كنت عايز أعرف إيه الضرر من تغير مقاس الكاوتش على العفشه
أنا عارف إنه ممكن يعمل مشاكل بس هي إيه بالضبط معرفش
لو المقاس الأصلي 13-80/145
البديل 13-70/175
أنا عارف إن الفرق كبير بس ده هيضر في إيه بالضبط فالعفشه
عرض للطباعة
كنت عايز أعرف إيه الضرر من تغير مقاس الكاوتش على العفشه
أنا عارف إنه ممكن يعمل مشاكل بس هي إيه بالضبط معرفش
لو المقاس الأصلي 13-80/145
البديل 13-70/175
أنا عارف إن الفرق كبير بس ده هيضر في إيه بالضبط فالعفشه
الفرامل هتتحسن لزيادة العرض
العربية هتنشف شوية عشان قللت البروفايل من 80 الى 70
قراءة العدادا هتبقى اقل من السرعة الفعلية حوالى 2.5 كم / الساعة
العربية هترتفع عن الارض حوالى 7 مم والكاوتش هيقرب لجسم العربية حوالى 7 مم (لو السوست تعبانة ممكن يحك فى الكارتيرة)
يا momo44 البروفيل هيزيد مش هيقل
انا اقولك ازاي هيزيد
اولا البروفيل = الارتفاع ده مظبوط :grinder:
ثانيا المقاس الاصلي 80/145
ال 145 دي عرض االطار بالمليمتر يعني 14.5 سنتي
ال 80 دي النسبه المئويه من العرض
يعني
ارتفاع الكاوتش = 80% من عرض الكاوتش
يعني الارتفاع = (145*80) / 100 = 116 ملم
المقاس التاني
70/175
الارتفاع هنا = (175*70) / 100 = 122.5 ملم
يبقي البروفيل زاد مش قل وده مش كويس علشان الثبات بيقل
1000 شكر على المشاركة ياشباب
أنا بس كنت عايز أعرف إيه الاضرار على العفشه
يعني فيه ضرر على المساعدين أو السوست أو علي مكون آخر كبالن بطحات بارارت أي حاجة من الكلام ده
محمد مين ممدوح ؟
الدركسيون هيتقل والاسكاترا هيبقي عليها حمل أكبر
طلعة العربيه هتتقل
استهلاك بنزين زياده شويه
ولو الفرامل ضعيفه العجل مش هيقف بشكل نهائي لو فرملت للأخر .. مش هيكلبش
Sent from my Droid using Forum Runner
غير موضوع الوزن كل ما يزيد أداء العفشه يكون أسوأ
Sent from my Droid using Forum Runner
مقاس الاصلي 13-80-145 طول اللفة الواحدة 176.62 سم الارتفاع الاجمالى للفردة 56.22 سم ارتفاع جانب الكاوتش 11.60 سم
المقاس اللى حضرتك مقترحه: 13-70/175
طول اللفة الواحدة 180.70 سم الارتفاع الاجمالى للفردة 57.52 سم ارتفاع جانب الكاوتش 12.25 سم ودة حيدى سرعة اكبر من قياس عداد الكيلو ب 2.3 %
و بحساب المقاس المعادل ليها يبقى : 13-70/165 افضل
طول اللفة الواحدة 176.31 سم الارتفاع الاجمالى للفردة 56.12 سم ارتفاع جانب الكاوتش 11.55 سم ودة حيديك السرعة الحقيقية بنفس سرعة عداد الكيلو
ودى مشاركة موضحة للموضوع
http://www.nilemotors.net/Nile/317833-a-3.html
يعني عدم الحفاظ على الابعاد ممكن يدمر العفشه
هو تكبير مقاسات الكوتش او الجنط كمان مش بيدمر العفشه ولكن سواء الوزن الزائد للاطارات او زيادة قوة الأحتكاك بالأرض بسبب تعريض الأطارات يؤدى الى تقليل العمر الافتراضي لاجزاء العفشة ودة بسبب زيادة التحميل على العفشة عن النسب المصممة عليها بمعنى انك بتدفع مقابل زيادة كفاءة السيارة وقوة ثباتها على الأرض سواء فى المنحنيات او عند الفرامل المفاجئة او المشى فى الأرض الزلقة وديه مش مشكلة للى عاوز يزود من كفائة سيارتة performance upgrades