مشكلة فى انذار الماتريكس

**Ah.Farid** · 07-07-2008 11:48 AM

النهاردة الصبح جيت اقفل العربية بالريموت لقيت باب السائق بس هوا اللى بيغلق بالريموت وباقى الابواب تظل مفتوحة
جربت عدة مرات ونفس الحكاية اضطريت انى اقفل العربية من زر الغلق الداخلى وبعدين قفلت باب السائق بالمفتاح

العربية 2008 تركى والانذار غبور الله يسامحة هوا اللى مركبة فى التوكيل

ياريت حد من الاعضاء يفيدنى لو الموضوع بسيط وممكن يتعالج ولا لازم اضرب مشوار للتوكيل

**osamaelbaz** · 07-07-2008 05:44 PM

روحلهم التوكيل وغيرة بس المشكلة ممكن تلقيها فى السنتر انا كان هندى الانذار بايظ رحتلهم غيروة من غير ولا مليم ومن يومها وهو تمام بس انصحك روح عشم نوار الى فى شارع دمشق هو المساول عن توكيل الانذار وهيغيرهولك مجانا وابقى طمنا

**Matrixawy** · 07-07-2008 06:13 PM

المشاركة الأصلية كتبت بواسطة ahmed1900

النهاردة الصبح جيت اقفل العربية بالريموت لقيت باب السائق بس هوا اللى بيغلق بالريموت وباقى الابواب تظل مفتوحة
جربت عدة مرات ونفس الحكاية اضطريت انى اقفل العربية من زر الغلق الداخلى وبعدين قفلت باب السائق بالمفتاح

العربية 2008 تركى والانذار غبور الله يسامحة هوا اللى مركبة فى التوكيل

ياريت حد من الاعضاء يفيدنى لو الموضوع بسيط وممكن يتعالج ولا لازم اضرب مشوار للتوكيل

هذه المشكلة من السنتر و ليس من الانذار
لان الانذار بالفعل بيعطى امر غلق للسنتر
لكن السنتر لا يغلق الا باب واحد فقط
و فى كلتا الحالات لازم تروح
غبورررررر النصاب
و تبدأ رحلة العذاب
ربنا معاك

**Tamerzaki** · 08-07-2008 01:04 PM

بص يا معلم أنا روحت حوالي 8 مرات ما بين غبور و عشم نوار عشان الإنذار الأقل ما يوصف به ويكون هذا هو منتهى الأدب انه زباله
غيرت الفيوز بتاعه 5 مرات والجهاز مرتين واخر مره كان في التوكيل يوم السبت اللي فات وكان فيه نفس المشكله اللي انت بتقول عليها وطبعا اجارك الله على اللي انا عملتو وصممت اني ادخل بنفسي واشوف اللي بيحصل طبعا اللي اتعمل انهم رجلشو السنتر الرئيسي اللي في باب السواق واللي كله تمام انا طبعا حرق دمي اللي حصل وصممت اقابل مدير الصيانه أ/مجدي عوض وحكيتلو ان ده المره الثامنه مع هذه المشكله اللي لو عايز نغير الجهاز هنغيرو بس المشكله مش فيه المره ده

ما تم التوصل اليه انه اذا تكررت هذه المشكله مره اخرى سوف اذهب اليه مباشره
وقلت له انني سوف اترك السياره ولن اقوم بإستلامها الا اذا تم تغيير نوع الجهاز ---(charger)
وانني سوف ارسل ميل للشركه الأم بكل هذه التفاصيل خصوصا ان المره الأولى التي تم تصليح جهلز الإنذار كان بعد استلام السياره ب 4 ايام !!!!!!!!!!!!!

**amrtalaat** · 08-07-2008 05:31 PM

الكلام دة حصللى بالضبط .....ولما روحت غبور أبو رواش غيرولى مكنة السنتر الرئيسية إللى فى باب السواق وبس .....وإتحلت المشكلة وبدون ولامليم

**zeyad1810** · 08-07-2008 05:38 PM

لو عاوز نصيحتى اشترى انذار وسنتر وولف وركبهم على حسابك ووفر وقتك مع التوكيل وريح دماغك من مشاوير التوكيل لان معظم الناس بتشتكى من انهم بيستخدموا اسواء انواع الانذارات علشان يوفروا كام جنية