يا رجاله حد يقولى أروح أزاى السبع الى فى زهراء المعادى
أنا حكون جى من الدائرى من عند التجمع
حاجه أخيره ,كنت عايز أركب باركينج سينسور , ينفع أركب هناك فى السبع ولا لأ
عرض للطباعة
يا رجاله حد يقولى أروح أزاى السبع الى فى زهراء المعادى
أنا حكون جى من الدائرى من عند التجمع
حاجه أخيره ,كنت عايز أركب باركينج سينسور , ينفع أركب هناك فى السبع ولا لأ
بص يا باشا و انت جى من على الديرى انزل النفق الى يطلع على كرفور و بعد ما تعدى كرفور و الصنية الصغيرة اسل اى حد هيولك بالضبط فين حوالى 1.5 كيلو بالكتيير
هو مبنى كيا هو المبنى اللى جنب نيسان على طول و بالنسبه للباركنج سنسور أتكلم و اسأل قبل ما تروح اضمن علشان تتأكد أنهم بيركبوه و كمان علشان تعرف التكلفه لو كانوا بيركبوه . علشان توصل هناك حضرتك قدامك حلين
الحل الأول (أقصر لكن الطريق مكسر و رايح جاى )
هتدخل من نفق كارفور و هتقابلك صينيه صغيره قدام كارفور هتدخل من من اول فتحه و تكمل على طول هتلاقى بنزينه على يمينك تفضل مكمل على طول و هتلاقى العربيات بتدخل يمين هتدخل معاها و بعدين تكمل على طول و فى الاخر هتلاقى فتحه هتنزلك على زهراء المعادى هتطلع منها و تقوم داخل شمال علشان تبقى فى الاتجاه التانى و من هناك هتلاقى لافتات تدلك على الطريق لحد ما توصل
الحل التانى ( اطول بس الطريق كويس):
تكمل فى الدائرى لحد فتحه المعادى و تدخل منها و تطلع الكوبرى اللى هينزلك إلى الاتوستراد فى اتجاه المعادى و تفضل مكمل على طول و بعدين تنزل يمين عند فتحه زهراء المعادى و اول ما تنزل منها تدى اشاره شمال و تلف و ترجع الاتجاه التانى. اللى هو داخل إلى زهراء المعادى هتلاقى نفق صغير عدى منه و بعد كده هتلاقى خير زمان على أيدك اليمين هتفضل ماشى طوالى و بعدها هتلاقى مبنى فودافون و انت برضه ماشى على طول و بعد كده هتلاقى لافتات السبع قدامك هتوديك لحد التوكيل
من رأيي خليك فى الطريق التانى علشان ما تتوهش و كمان علشان مش مكسر و التوكيل عند حاجات كتيره معروفه هناك علشان لو لاى سبب تهت اسأل عن الجامع الكويتى او نادى وأدى دجله او حتى السبع
و دى كمان خريطه للوصول إلى المكان و بالتوفيق
السبع اوتوسيرفس, المعادى, القاهرة, مصر | سيارات - مراكز اصلاح وخدمات ومعدات وموردون | Yellow.com.eg | القطعة 250 - - المنطقة الصناعية - زهراء المعادى
ولما تروح هناك اسال على بشمهندس شريف مدير المركز وقله انك جى من نايل موتورز
ألف شكر ليكم ,أنشاء الله حروح يوم السبت الصبح بس يا رب أعرف أوصل الأول
لو حد عايز يسأل على حاجه هناك يقولى و أنا أسئله
Land_Cruiser
ألف شكر لحضرتك أنا دخلت على wikimapia
و مشيت مع وصف حضرتك بتاع الاتوستراد زهراء المعادى لحد مبنى فودافون بس بعد كده بقى أعمل أيه ؟
coolbad
ألف شكر لأهتمامك و لرد حضرتك بس أنا حجزت يوم السبت الساعه 9
(هوا مش لازم حجز ولا أيه؟)
ابو ليلى
خلاص لما أروح حسأل على المهندش شريف و حقوله أنا من طرف ابو ليلى :Copy of m-s5:
hanyghazal
ألف شكر لرد حضرتك
First come first serve
الأولوية لليجي الاول