-
سؤال عن منظف الرشاشات
سؤال انا كنت جايب دة لتنظيف الايدل و البوابة
http://img.orbitbid.com/2011/02/04/DSCF6451.JPG
و جايب دة لتنظيف الرشاشات
http://images.drillspot.com/pimages/7377/737758_300.jpg
و جايب WD40 برضة لتنظيف للبوابة برضة
بس الميكانيكي رفض استخدامهم بس منظف الرشاشات هو اللي نضف بية البوابة و الايدل و حتي قال ملهوش لازمة فك الرشاشات و الرش عليها هات منظف دورة البنزين و حطة و هو هينضف الرشاشات
و بيقولي دة منظف كربراتير و بس مينفعش عندك ؟
الكلام دة صح و لا غلط ؟
-
بص يا باشا منظف الرشاشات اللي حضرتك جايبه ده لازم تفك الرشاشات و تنضفه بيهم
فيه منظف تاني و هو بيتحط في التانك مع البنزين و طريقة استخدامه بتملي التانك تلت ارباعه ع الاقل و تفضي عليه العلبة و و تمشي بالعربية مشوار محترم تخلص عليه التانك و طول ما انت امشي تحرق شوية في الغيار حاجة بسيطة عشان الرشاشات تتضخ النبزين الممزوج بالمنظف جامد و بالتالي ينضف الرواسب
و لما التانك يكون قرب يخلص تروح تفول هتلاقي طبعا فرق و الرشاشات هتتنضف
انواع المنظف اللي ينصح بها stp و ليكوي مولي
البوابة انا عن نفسي بنضفها بمنظف كربراتير لكن بتعامل بحذر و بغطي اي حساسات لأن العربية عندي مش حساسات راكبة للعربية لكن عربية راكبة للحساسات هههههه و بخلي العربية ع منحدر او ارفعها بالكوريك بحيث العربية متاخدش المنظف و ينزل لكن كل ما ارش يخرج برة و مينزلش جوة الموتور قدر الامكان و كل شوية رشة و انضف بالفوطة بايدي من جوة طبعا كنت بلاقي جلخ ع البوابة من جوة و لو البوابة عندك واير بتفتح البوابة رشة و تمسح عالطول اما لو البوابة كهربا متفكرش ههههههههه
مع العلم ان حاطط فوط حوالين البوابة عشان البلاوي كلها تنزل عليها و مفيش حاجة تنزل ع حساسات او اي جزء في الحوض
و تنضيف البوابة بعمله كل 30-40 الف كيلو و ينزل بلاوي طبعا و الفرق بكيون واضح قبل و بعد
و منظفات الكربراتير جانك او ابرو انا بستخدم ابرو و هو ما شاء الله كويس في جميع منتجاته سواء منظف كربراتير او فرش جلد او فرش قماش او...او...
اما الـwd-40 فده لتزييت الاجزاء المتحركة و الصدأة و ميترش جوة البوابة ابدا لكن برة ع الجزء المتحرك مش اكتر و ممكن متستخدموش و ممكن تزييت بيه مفصلات الابواب عشان الشتا جي بقي و متسمعش تزييق
-
هو نضف البوابة و الايدل بالمنضف التاني بتاع الرشاشات مش بتاع الكربراتير
و دخل الوساخة للداخل و بيقول كدة بخسل الرشاشات كمان و مع التدوير كل دة بيطلع بس النتيجة دمار للبوجيهات طبعا
-
فعلا كله بيطلع من الشكمان و نسيت اضيف اني بعد ما بنضف البوابة بدور العربية طبعا مش بتدور من اول مرة بعد تاني او تالت مرة و بعدين بفضل ازود بنزين جامد لحد ماتلاقي الموتور بيفصل معاك او ع حسب العربية المهم بحرق شوية و هي واقفة عشان كله يمشي و يطلع
و روح بص ورا عند الشكمان هتلاقي بيطرد المنظف و كل البلاوي اللي كانت جوة و هيبان اكتر لو اسفلت نضيف او حاطط فوطة ع الارض تحتيه :)
بس فيه نقطة المفروض ميدخلش الوساخة للداخل المفروض يحاول يطلعها برة انما غلط يدخلها ده احنا بنحاول المنظف ميدخلش اوي باللي فيها عندنا في الانجيشكن و يطلع الرواسب كلها برة و بنحرق بنزين عشان نطردها يقوم هو يدخلها جوة !!!
و طبعا بعد القصة دي تنضيف البوجهيات و الافضل تغييرها انا بعمل قصة التنضيف الشامل ده قبل تغيير الزيت و البوجهيات و فلتر النزين لو وقتها حان او تنضيفه
و هي تنظيف الرشاشات و البوابة
فيه نقطة تانية هقولك عليها متخليش اي زيت يتراكم ع الموتور حاول بفوطة زفرة و تنضفه لأن الزيت المتراكم بيؤدي لارتفاع حرارة الموتور نفسه
-
دة انا كنت بتحايل علية ينظف الرشاشات و هو بيقولي نظفها مع دورة الوقود
علي العموم انا جبت stp منظف دورة كاملة و هحطة مع تفويلة و هخلية ينظف السيستم كلة
-
العلبة السودا التانية دى منظف للبوابة للعربيات الانجكشن مش منظف رشاشات.. و الفرق بينه وبين منظف البوابة العادى ( العلبة الصفرا) حسب ما مكتوب على العلبة انه مش بيضر حساس الشكمان اللى فى العربيات الانجكشن عند استخدامه
-
اولا مفيش منظف رشاشات اسبراى... لو اللى باعهولك هو اللى قالك كدة يبقى راجل نصاب... اساسا مكتوب على العلبة بالبنط العريض air intake cleaner يعنى دة منظف للمنافولد نفسة مش للرشاشات
لو عايز تنضف الرشاشات صح يبقى تفكها و توديها عند حد عندة مكنة التراسونيك بتاعت تنضيف الرشاشات... هى دى الطريقة الصح للتنظيف
استعمال اضافات الوقود اللى بتنضف الرشاشات حاجة كويسة بس لازم تبقى عارف ان دة اجراء وقائى... يعنى انت كدة بتحمى الرشاشات من الانسداد... انما لو رشاشاتك مسدودة مش هينفع معاها اى اضافات و لازم تتنضف بالالتراسونيك
الWD40 بيستخدم لتنظيف الايدل كونترولر لان فية من جوة اجزاء بلاستيك و الcarb cleaner بياكل الاجزاء دى و ممكن يتلفة... اضافة لكدة الايدل كونترولر بيحتاج تزييت عشان يشتغل كويس و الWD40 بيقوم بالمهمة دى
MMamdouh
-
انا استخدمت علبة air intake cleaner في تنظيف البوابة و الايدل
و مستخدمتش العلبة الصفراء خالص و مش عارف ليها لزمة عندي بعد كدة و لا ارجعها
و مستخدمش ال WD مرضيش ينظف بية الايدل و استخدم ال air intake cleaner بس
بس هو كدة طريقتة في التنظيف قلقتني لانة كان فاتح الاكسراتير علي الاخر و هو بيرش جوة البوابة و مش هامة الوصاخة تدخل و طبعا البوجيهات ضاعت و بعد الدوارة وصاخة كتير طلعت من الشكمان
كدة غلط جدا انة ميهتمش ان مفيش حاجة تخش و هو بينظف ؟ صح ؟
-
سؤال يعني اروحلة تاني يفك الايدل و ينظفة بال wd و لا اية ؟
و هل فكة لوحدة سهل مجرد حل المسمارين و فك الاويل سيل ولا لازم فك العمة و كدة ؟
و كمان انا جبت دة لتنظيف الرشاشات
http://www.stp.com/img/products/hero_cfsc.jpg
ب 66 جنية يا ريت يطلع بينظف كويس انا معنديش مشكلة في الدوارة الصبح بس مجرد لزيادة عمر قطع الغيار
-
معلش دا شغل عك
التنظيف الصح لو الدنيا متوسخة على الاخر بيكون عن طريق:
فك البوابة من على المانفول و فك الايدل و الtps من عليها ثم استخدام الWD40 مع فورشة اسنان و دعك كل ممرات الهوا فى البوابة جيدا... بعد كدة تزال اثار الاوساخ و الWD40 باستخدام الcard cleaner او intake manifold cleaner على حد سواء
تنظيف الايدل كونترولر بالWD40 جيدا و مسح راس الكونترولر بمنديل نظيف و يفضل وضع نقاط قليلة من زيت الباور داخل الكونترولر لضمان تزييت الموتورو التروس بتاعتة
لتنظيف المانفولد نفسة يتم فصل سوكيت البوبينة و ازالة البوجيهات الاربعة و كتاوت طلمبة البنزين كبداية... بعد كدة بيتم رش الCard cleaner او intake manifold cleaner لتنظيف المنافولد من جوة كويس اوى مع مراعاة الرش فى الاربع مواسير اللى رايحين لوش السلندر
بعد عملية التنظيف دى هيكون المنافولد نظيف تماما بس كل الوساخة نزلت على البساتم.... عشان تطرد الوساخة دى هتدور المارش بتاع العربية لمدة عشر ثوانى 4 او 5 مرات متتالية لحد ما البساتم تطرد كل الوساخة اللى نزلت عليها من المانفولد... يفضل تسيب العربية على الوضع دة نص ساعة ولا حاجة و بعد كدة تدور مرتين تلاتة كمان
طبعا لازم يبقى سوكيت البوبينة مفصول و الا السلوك هتطلع شرارة و تولع فى السوائل اللى خارجة من فتحة البوجية و تعمل حريقة (انا مش مسئول لو حد ولع فى نفسة) و طبعا محدش يبقى واقف حدام الموتور ولا فية عربيات قدام عربيتك بمسافة 3 الى 4 متر عشان البلاوى اللى هتنطرد هتنتشر فى كل حتة
بعد كدة تقفل البوابة مكانها و تركب الحساسات و تركب البوجيهات و السوكيت و كتاوت البوبينة و تدور و تسيب المكنة تشتغل شويتين عشان تحرق اى اثار للمنظفات
MMamdouh
Content Relevant URLs by
vBSEO 3.6.0 PL2