تقرير عن السيارة بيجو 408 - 2012

**abdulkhaleq** · 17-10-2012 05:30 PM

للمره الثانيه اشكر حضرتك على الرد
وبالسعر ده اظنها منافس قوي جدا في السوق
الرينج ده فيه عربيات كتيره

ربنا يحفظهالك ويبعد عنك شر الطريق

**MSL** · 18-10-2012 11:52 AM

المشاركة الأصلية كتبت بواسطة abdulkhaleq

للمره الثانيه اشكر حضرتك على الرد
وبالسعر ده اظنها منافس قوي جدا في السوق
الرينج ده فيه عربيات كتيره

ربنا يحفظهالك ويبعد عنك شر الطريق

فعلاً سعرها تنافسى بشكل مميز و ده كان غرض بيجو فى فكرة تجميعها فى الصين لتوفير سعر الأيدى العاملة و تخفيض قيمة التكلفه للسيارة.
زي ما عملت شركات أخرى و كانت نتيجتها ايجابيه 100%
مثال:
نيسان بلو بيرد سيلفى خير دليل و الان تويوتا لها 3 مصانع ضخمه لنفس الغرض توجد في مدينة قوانغتشو في جنوبي الصين ومدينة تيانجين في الشرق ومدينة تشانغتشون في شمالي شرقي البلاد مما أدى لزياده فى المبيعات تعادل 180 % بعد عام من تشغيل المصانع.

**samomodrek** · 19-10-2012 02:49 AM

مبروك يا باشا ربنا يكفيك شرها بس العربيه مع صاحبي وفيها وحدات رفع وانا متأكد من كلامي ولو حضرتك تفتكرني انا اللي نصحتك باللون الأبيض وشكرتلك فيها

**MSL** · 19-10-2012 04:37 AM

المشاركة الأصلية كتبت بواسطة samomodrek

مبروك يا باشا ربنا يكفيك شرها بس العربيه مع صاحبي وفيها وحدات رفع وانا متأكد من كلامي ولو حضرتك تفتكرني انا اللي نصحتك باللون الأبيض وشكرتلك فيها

.طبعاً فاكر حضرتك و كانت نصيحة ممتازه جزاك الله كل خير

بالنسبة لوحدات الرفع لو حضرتك تقصد الدرجة التانيه الى فى زراير الزجاج الأمامى فهى تعمل
عند الضغط بلمسه للدرجه التانيه و ترك الزرار يقوم الزجاج بالانغلاق اوتوماتيك

بس أنا أقصد زي الميجان كده لما يكون الزجاج نازل و تقفل السياره بالريموت من الخارج
تقوم وحدات الرفع بالعمل على أغلاق الزجاج ..دى مش موجوده عندى؟؟

فى الميجان بتضغط مرتين على زرار القفل فى الريموت لتعمل وحدات الرفع.

هل كلامى مظبوط و لا فى طريقه تانيه لعمل وحدات الرفع

**Unendlich** · 19-10-2012 11:41 AM

المشاركة الأصلية كتبت بواسطة MSL

.طبعاً فاكر حضرتك و كانت نصيحة ممتازه جزاك الله كل خير

بالنسبة لوحدات الرفع لو حضرتك تقصد الدرجة التانيه الى فى زراير الزجاج الأمامى فهى تعمل
عند الضغط بلمسه للدرجه التانيه و ترك الزرار يقوم الزجاج بالانغلاق اوتوماتيك

بس أنا أقصد زي الميجان كده لما يكون الزجاج نازل و تقفل السياره بالريموت من الخارج
تقوم وحدات الرفع بالعمل على أغلاق الزجاج ..دى مش موجوده عندى؟؟

فى الميجان بتضغط مرتين على زرار القفل فى الريموت لتعمل وحدات الرفع.

هل كلامى مظبوط و لا فى طريقه تانيه لعمل وحدات الرفع

خليك دايس على زرار القفل ثانيتين هتلاقيها بتقفل الازاز
أصل الكلام ده موجود في ال 308 و عربية حضرتك ما هي الا 308 بشنطة و موتور 307.
يا راجل ده الموضوع ده موجود في ال 405 الفرنساوي من 20 سنة, مش هيبقى موجود عندك !!!

PS: لو كتالوجك زي ال 308 هتلاقي القصة دي موجودة في بداية chapter 4

**samomodrek** · 20-10-2012 04:10 AM

لأ انا قصدي لما تنزل من العربيه وتسيب الشبابيك مفتوحه وتقفلها من ريموت العربيه

**S O P H O S** · 20-10-2012 07:04 AM

ما شاء الله
ربنا يبارك ..

**MSL** · 20-10-2012 11:06 AM

المشاركة الأصلية كتبت بواسطة Unendlich

خليك دايس على زرار القفل ثانيتين هتلاقيها بتقفل الازاز
أصل الكلام ده موجود في ال 308 و عربية حضرتك ما هي الا 308 بشنطة و موتور 307.
يا راجل ده الموضوع ده موجود في ال 405 الفرنساوي من 20 سنة, مش هيبقى موجود عندك !!!

PS: لو كتالوجك زي ال 308 هتلاقي القصة دي موجودة في بداية chapter 4

Unendlich كلامك مظبوط 100 ميه بيشتغل بالضغط لثانيتين و اعذرنى لانى بيجوهاوى جديد
و شكرا على المعلومه

**MSL** · 22-10-2012 12:24 PM

المشاركة الأصلية كتبت بواسطة samomodrek

لأ انا قصدي لما تنزل من العربيه وتسيب الشبابيك مفتوحه وتقفلها من ريموت العربيه

كلامك سليم و مظبوط لازم اضغط ثانيتين على زرار القفل عشان الزجاج يطلع

الى لخبطنى انه الميجان بدوس مرتين متتاليتين فرجبتها معملش حاجه

**Cairo lion** · 28-10-2012 02:03 AM

ألف مبروك و ربنا يبارك لك فيها و يرزقك خيرها و يكفيك شرها.

أنا بفكر في العربية ديه بقوه و شفتها عند القرش في المرغني و شدتني جداً.
و اللي موقفني بس مستوي الاعتمادية فيها يعني هل زي الياباني ولا لا ؟ خصوصاً أني ركبت نيسان ٢٠٠٠ و ٢٠٠٨ و الاتنين بصراحته اعتمادية عاليه و أعطال لا تذكر.
و موضوع البنزين انت بتضع ايه ٩٢ ولا ٩٥؟