تسلم إيديك و ربنا يباركلك في مجهودك و مالك
عرض للطباعة
تسلم إيديك و ربنا يباركلك في مجهودك و مالك
توكل على الله و جيبها و مش هتندم
بالنسبة للاعتماديه اكيد النيسان اكتر اعتماديه
و ده راجع لقوة انتشار النيسان
لو ناوى تقعد العربية معاك فترة طويله فعليك بالبيجو عموما
بس متقلقش من قطع الغيار طمنونى عليها فى التوكيل تماما
العربية بنزينها المعتمد 92
ال 508 هى الى 95
و مبرووك مقدما
السلام عليكم ورحمة الله وبركاته
الف مبروك يا باشا و ربنا يباركلك فيها
ماشاء الله انت اخترت احسن لون ليها
انا معايا ٤٠٨ شامبين ( وكنت هموت ع الابيض اللي كانت واقفة ف التوكيل بس الحاج مرضيش)
عمال ادور علي حاجة اضيفها في اللي انت كاتبه مش لاقي ( نسيت تقول ان ضمانها خمس سنيييييين وده مهم عشان الناس اللي قلقانة من موضوع انها تقفيل صيني برغم ان ده مش باين خالص)
بس هاكد علي موضوع الثبات ده انا كان اخري بيها علي الطريق الحر ١٦٠ كم /س والطريق زفت و حفر و طالع ونازل و ملفات بسيطة كدة
والعربية ماشاء الله كانت ثابتة جدا
وعلي مصر اسكندرية الزراعي بتاخد الغرز مستريح جدا ومن غير ماتحدف
السحب بتاعها حلو جدا ( وياسلام لو شغلت السبورت درايف) ومبيفرقش معاها معاك ركاب والا لوحدك
المشكلتين اللي انا حسيت بيهم:
الاولي البنزين استهلاكه كبير شوية جوه البلد ٧.٥ كم/ليتر وزادت دلوقتي ل ٨.٦ كم/ ليتر
انما ع الطريق الدنيا بتختلف تماما الاستهلاك بيقل بشكل كبير جدا
تاني حاجة التكييف اما بيشتغل بحس انو خلاها بطة بلدي
السحب بيقل بشدة بصراحة
واخيرا مبروك عليك وربنا يباركلك فيها
وياريت الموضوع ده يتثبت لان فيه ناس كتير بتسال عن العربية دي وانا من اول الناس اللي سالوا عليها قبل ماشتريه من ٣ شهور
و undelich هو اللي رد عليا وطمني وقتها
و ايه السبورات درايف ده ؟!
بيحرق الغيار يعني ؟
الف مبروك وربنا يكفيك شرها ويبارك فيها وتقرير محترم وعربيه محترمه جدا وكانت من العربيات الي داخله في دائره اهتمامي بس الواحد لما نزلت الاوبل استرا سيدان ابتدي يبقي فيه منافسه جامده بين الاتنين بالنسبالي والف مبروك مره تانيه
الف مبروك على عربيتك و ربنا يباركلك فيها و يحفظها
الشامبين حلو برضو
انا بصراحه كنت بدور على ابيض او اسود و الحمد لله على كل شيء
بالنسبه للضمان فانا كاتب عنه فى المعلومات الاولى فى الموضوع لانه مهم جدا لانه بدون كم
بالنسبه للتكييف انا تقريبا 90% من سواقتى بيه بس لما بدات اطفيه كام مرة بحس فعلا بفرق جامد
بحس ان العربيه بتجرى لوحدها
استهلاك البنزين ااقل حاجه 6.5 و اعلى حاجه 9 تقريبا ده مع التكييف
بس قالى فى التوكيل هيظبط معاك اكتر بعد اول تغيير زيت
حضرتك عملت كام كيلو و اخبار زيارتك للتوكيل ايه؟