شراء شاشة dvd لانترا 2012

**Samir Elshahawy** · 20-10-2012 03:41 AM

المشاركة الأصلية كتبت بواسطة devilrider

يا ريت والله تبقى عملت فية جميلة لان واضح فى فرع هيونداى ان معندوش فكرة عن ماهية عمل السويتش ده و بقولو على حكاية الفانوس اللى مش منور كله كان اول مرة يعرفها و قعد ياكدلى انو بينور كله لحد ما وريتوا مكان اللمبة

أيه الفانوس ده ؟
قصدك علي الفوج لايت الخلفي (اللي في شنطة العربية) ؟

**DEVILRIDER** · 20-10-2012 03:54 AM

المشاركة الأصلية كتبت بواسطة se_coralsea

أيه الفانوس ده ؟
قصدك علي الفوج لايت الخلفي (اللي في شنطة العربية) ؟

لا الفانوس الاساسى الخلفى فيه مكان للمبتين واحدة محطوطة و بتنور و التانية مكانها مفيهوش لمبة اللى هية فى جزء الفانوس اللى فى الشنطة و كان اتعمل موضوع عن الحكاية دى هنا

**DEVILRIDER** · 20-10-2012 03:56 AM

و قريبى ركبها عشان عربيته عملت حادثة و خرجت من الضمان و غيرت شكل الفانوس خالص و فىه خليجى بتنزل بالفانوس منور كله

**medomango** · 20-10-2012 02:11 PM

ايوة للاسف انا سالت الضمان وقالي هتخرج العربية من الضمان وكده هتضظر استني 3 سنين لحد ما الضمان يخلص

بالنسبة للانواع اللي عند كلاريون هلي هيا صيني ولا كلاريون اصلي

اما بالنسبة للحتة اللي منو الفنوس اللي مش بتنور فانا ناوي فعلا احط فيها لمبه بس طبعا لما الصمان يخلص بتخلي العربية من ورا ليها شكل مختلف تماما

**medomango** · 20-10-2012 02:17 PM

المشاركة الأصلية كتبت بواسطة se_coralsea

المعلومات اللي هاقولها دي محدثة منذ ساعات لأني كنت في شارع دمشق و عند كلاريون

فيه 3 موديلات للالنترا 2012 أو 2013
(1).. اول موديل شاشة 7 بوصوة بكاميرا خلفية + جي بي أس + كاركيت كامل + ضمان سنة
4500 جنيه

(2).. موديل تاني بشاشة اصغر و نفس الامكانيات اللي فوق بيعمل 2500 جنيه

(3).. موديل ثالث و هو الاحدث و بنفس الامكانيات في الموديل رقم 1 + انترنت
يعني تقدر تشغل الأنترنت من العربية عن طريق توصيل الشاشة ب يو أس بي موديوم 3 جي
ده تمنه 4200 جنيه

الموديلات ال 3 موجودة عند السجان بشارع دمشق

أما كلاريون فعنده الموديل رقم 2 فقط بحوالي 2500 جنيه برضه بدون كاميرا
كلاريون له فروع في المهندسين و مصر الجديدة و الاسكندرية (سموحة)

اما توكيل هيونداي ليس عنده اي شاشات و تركيب الشاشات دي بيخرج العربية من ضمان الكهرباء فقط

انا اتاكدت من الموضوع ده وللاسف مش هركب حاجه لحد ما الضمان يخلص
بالنسبة للانواع اللي عند السجان هل كلها صيني ولا في صناعات اخري

**Samir Elshahawy** · 20-10-2012 05:38 PM

المشاركة الأصلية كتبت بواسطة devilrider

لا الفانوس الاساسى الخلفى فيه مكان للمبتين واحدة محطوطة و بتنور و التانية مكانها مفيهوش لمبة اللى هية فى جزء الفانوس اللى فى الشنطة و كان اتعمل موضوع عن الحكاية دى هنا

أيوه عرفته , انا شوفته فعلا في ألنترا خليجي و شغال

بس خلي بالك ..

ده كان بيشتغل علي مفتاح منفصل عامل زي مفتاح الفوج لايت الامامي

و أعتقد أنه لازم يتوصل علي مفتاح منفصل علشان مايكونش حمل علي مفتاح النور و يسبب مشكلة , و الله أعلم

**AoA** · 20-10-2012 06:04 PM

ملحوظه صغيره : انا معرفش الانواع الموجوده نظامها ايه
بس انا مركب عندى ال 7 بوصه مجرد ان الراجل شال الجاك بتاع الكاسيت الاصلى ووصل الجاك بتاع الكاسيت الدى فى دى عليه
يبقى ازاى طلعت بره الضمان
انا اللى معملتوش مع الكاسيت صحيح علشان ما اطلعش من الضمان انى سيبت الكاميرا ومركبتهاش علشان ما اخرجش من الضمان فقط لا غير

وعلى فكره انا سألت التوكيل قبل ما اعمل الموضوع دة وقاللى عادى طالاما مفيش اى تقطيع فى السلوك

**Samir Elshahawy** · 20-10-2012 06:07 PM

المشاركة الأصلية كتبت بواسطة AoA

ملحوظه صغيره : انا معرفش الانواع الموجوده نظامها ايه
بس انا مركب عندى ال 7 بوصه مجرد ان الراجل شال الجاك بتاع الكاسيت الاصلى ووصل الجاك بتاع الكاسيت الدى فى دى عليه
يبقى ازاى طلعت بره الضمان
انا اللى معملتوش مع الكاسيت صحيح علشان ما اطلعش من الضمان انى سيبت الكاميرا ومركبتهاش علشان ما اخرجش من الضمان فقط لا غير

وعلى فكره انا سألت التوكيل قبل ما اعمل الموضوع دة وقاللى عادى طالاما مفيش اى تقطيع فى السلوك

المفروض أن هو ده الصح

**AoA** · 20-10-2012 06:09 PM

المشاركة الأصلية كتبت بواسطة se_coralsea

المفروض أن هو ده الصح :_alshmokh08[1]:

ايوة ما هو انا ماطلعتش من الضمان فعلا لأنى سالت بعدها مهندس فى قليوب يوم ما كنت بعمل الصيانه وقاللى ان انا لسه فى ضمان الكهرباء

**medomango** · 21-10-2012 03:43 AM

سبحان الله هو كل واحد في الشكرة ده ليه كلام لا ايه انا سالتهم قالوا انه هيطلع من ضمان الكهرباء بس دلوقتي انا محتار بقي هل اركبة ولا ايه وكلام مين اللي صح الكول سنتر ولا مهندسين الصيانة