سألت امبارح علي بيكانتو ٢٠١٣

**khaled_legend** · 16-10-2012 11:55 PM

المشاركة الأصلية كتبت بواسطة Ahmed_Adham

50 الف ده على أساس انها زي اللادا والماروتي اللي مفيهمش ولا تكييف ولا كهربا ولا حتى كاسيت؟

طيب اكتب كده البدايل اللي في نفس السعر في ورقه وخليها في جيبك اسبوع وكل ما تشوف منهم عربيه في الشارع زود الرقم في الورقه وأخر الاسبوع شوف أكتر عربيه شفتها ايه. البيكانتو أكيد هتكون مش أقل من 3 أضعاف فى الانتشار.

أنا شايف ان كل عربيه بتحقق هدف معين عند اللي بيشتريها ودي عمليه نسبيه بشكل واسع جدا. مثال مثلا ناس كتير ممكن تقول لازم العربيه يكون فيها بلوتوث لكن ناس تانيه مش هيفرق معاها وقيس على كده في أي أوبشن.

اللي عايز يختار يعمل ايه؟ يشوف الاول المميزات اللي تحقق كل احتياجاته ولما يستقر على موديل معين يسأل بقى على عيوبها ويشوف العيوب دي هتضايقه ولا لاء؟ لو لاء يبقى يشتري ولو هتضايقه يغير اختياره.

+1

**IronHead** · 17-10-2012 12:19 AM

هيا صحيح سعرها زاد بس فيها مميزات مش موجوده فى العربيات اللى فى الفئه بتاعتها
صحيح الساجا والسانديرو ظاهريا على الورق يتهيقلك انهم افضل بس خامات وتقفيل الصالون فيهم سئ جدا مقارنه بالبيكانتو, صوت الموتور والعزل افضل فى البيكانتو, التكييف فى البيكانتو افضل من السانديرو, شكل التابلوه فى البيكانتو افضل
خلاصه الكلام الموضوع كل عربيه ليها مميزات وعيوب, والبنى ادم يشوف عايز ايه من العربيه وعلى اساسه يفاضل
عايز موتور قوى وثبات وصاج متين روح للسانديرو
عايز شكل وكماليات وتكييف وموتور هادى وتقفيل افضل, البيكانتو هتدييك اللى انت عايزه

**bakkarahmed** · 17-10-2012 12:42 AM

هي فعلا سعرها غالي حبتين..بس بقي ايه الرخيص في بلدك!!!! اللي خلي الماروتي اللي بتنتج بقالها قرن من الزمان و3 سليندر وفاضيه بره وجوه ب 40 الف

**ابو ليلى** · 17-10-2012 12:44 AM

فى نقطة غايبة عن بعض الناس اللى بتتكلم
ان اللى بيشترى الفئة دى هو فعلا بيدور عليها عاوزها تكون صغيرة وموفرة فى البنزين
وفى نفس الوقت يكون فيها كماليات فى فئة سعرية معينة .....وفعلا السعر غالى ولكن ده حكم السوق

بالنسبة لصاحب الموضوع انا شايف ان الفرق فى الكماليات بسيط وفرق سعر الخليجى
مش هيعوض ضمان ال 5 سنوات من الوكيل

**elmkaneeki** · 24-10-2012 04:27 AM

بالنسبة للمحرك...87 حصان و 121 ن.م. عزم
ممتازين جدا للوزن ده

**abdulkhaleq** · 24-10-2012 06:06 AM

المشاركة الأصلية كتبت بواسطة ramylanos

شكرا لردودكم، وانا برضوا حاسس انها غاليه اوي

بس لو حد من ملاك العربيه يقولنا تستاهل السعر ده ؟ هل هي عربيه حلوه فعلا ؟؟

اقسم بالله العظيم ما تستاهل نص السعر
وعربيه مستعمله انضف منها 100 مره
مع احترامي لمشاعر واحاسيس اللي اشتروها

**elmkaneeki** · 24-10-2012 07:31 AM

المشاركة الأصلية كتبت بواسطة abdulkhaleq

اقسم بالله العظيم ما تستاهل نص السعر
وعربيه مستعمله انضف منها 100 مره
مع احترامي لمشاعر واحاسيس اللي اشتروها

هو حضرتك شفت ايه وحش منها للدرجة دي يا فندم...ممكن تحكيلنا عشان في ناس كتير بتفكر نجيبها

**abdulkhaleq** · 24-10-2012 03:55 PM

المشاركة الأصلية كتبت بواسطة elmkaneeki

هو حضرتك شفت ايه وحش منها للدرجة دي يا فندم...ممكن تحكيلنا عشان في ناس كتير بتفكر نجيبها

يافندم ايه اللي احنا بنعمله في نفسنا ده بس !!!!
مع كرهي للكوري عموما لكن بنفس السعر ممكن تجيب فيرنا اوتوماتيك لو نفسك في زيرو او هتقسط ومعكش فلوس كاش !!

الموتور ضعيف جدا وفي الزحمه التكييف بيقلب فرن
العربيه صغيره جدا تكاد تكون قاعد في الشارع
شنطه مافيش
من الاخر توكتوك متقفل حلو

احنا بقينا يتباعلنا الوان وجنوط واشكال مرسومه حلو
لأ وبنشتري وبيعلوا السعر !!!

**NaderNabil** · 24-10-2012 04:16 PM

بصراحة مش مقتنع أدفع المبلغ ده في بيكانتو...

ب 80000 أروح أشتري لوجان أوتوماتيك و هبقى ملك زماني...موتور و عفشة و ثبات و وسع و شنطة و كماليات و أمان...هاعوز إيه تاني؟