سألت امبارح علي بيكانتو ٢٠١٣

**ramylanos** · 16-10-2012 06:40 PM

عايز اجيب بيكانتو اوتوماتك ٢٠١٣

سألت لاقيت اول فئه اوتوماتك وكيل ٨١.٥ ودي تجهيزتها ٢ زجاج كهرباء امامي فقط ومريات عاديه مش كهرباء ومن غير شبوره وتقريبا مش متأكد من غير كاسيت

اول فئه خليجي اوتوماتك ٨٢ ودي تجهيزتها زياده عن الوكيل الاربع زجاج كهرباء ومريات كهرباء وشبوره وكاسيت اورجنال

تاني فئه خليجي اوتوماتك ٨٥ دي بتزيد عن ال ٨٢ الجنط واشارات في المرايا والمريات ضم كهرباء

افديوني اجيب ايه ؟؟؟؟
مع العلم اني مقلق شويه من الخليجي

وبرضوا ياريت ملاك العربيه يقوللي عمله معاه ايه، انا خايف اجيبها واندم علشان سعرها العالي

**Hegazio** · 16-10-2012 07:15 PM

انا شايف انه كتير جدا عليها الصراحة
شوف مثلا بروتون ساجا ..١٣٠٠ اوتوماتيك فول اوبشن و بشنطة لكن حجم صغير ب ٦٩ الف
عندك نيسان صني الشكل اللي فات ب ٨٩ الف ١٦٠٠ و عربية عائلية و اوتو و كله
عيد تفكيرك...بيكانتو كان اختياري لحد ٧٠ الف مش اكتر

**S O P H O S** · 16-10-2012 07:51 PM

بصراحة سعرها عالي عليها
مجرد راي ..

**ramylanos** · 16-10-2012 07:57 PM

شكرا لردودكم، وانا برضوا حاسس انها غاليه اوي

بس لو حد من ملاك العربيه يقولنا تستاهل السعر ده ؟ هل هي عربيه حلوه فعلا ؟؟

**haissam24h** · 16-10-2012 08:00 PM

الصراحه يعنى خساره فهيا الفلوس ده الاتوس 2007 احلى منها

وينهار اسود ادفع 80 فى عربيه بدون ان اوبشن عالى وكمان 2 كهربه بس خسارة فيها الفلوس ديه كبيهرا 50 الف ولاتساوى اكثر

ولو بتدور بقا على حاجه محترمه وفى متناول سعرك
شوف بروتون بيروسنا 95
او جين 2 شى محترم او ماتركيس

لكن حرام تدفع فلوسك فى حاجه اقل من علبه السجاير ^-^ده يا حج اقسم بالله لو روحت بيها مشوار لاكتوبر معايا 2 ممكن ترجع بيها جايبه سوست وماتور هههه قال بيكانتو 82 ولا كانى سمعت خاجه يامرسخىىى

ان شاء الله تلاقى طلبك فى حاجه احسن منها باذن الله
الاختلاف فى الراى لا يفسد للود قضيه

**Hegazio** · 16-10-2012 08:26 PM

الجزار ٢
شكله عاوزها اوتو..ولازم اوتو فالبلد الراحة
هيثم
بلاش الاسلوب ده..لا علبة سجاير ولا حاجة..سعرها زيادة ٢٥٪ بس

**khaled_legend** · 16-10-2012 09:00 PM

سعرها عالي بالنسبه لقوه محرك العربيه و بالنسبه كمان لحجمها

**Ahmed_Adham** · 16-10-2012 09:35 PM

المشاركة الأصلية كتبت بواسطة haissam24h

الصراحه يعنى خساره فهيا الفلوس ده الاتوس 2007 احلى منها

وينهار اسود ادفع 80 فى عربيه بدون ان اوبشن عالى وكمان 2 كهربه بس خسارة فيها الفلوس ديه كبيهرا 50 الف ولاتساوى اكثر

50 الف ده على أساس انها زي اللادا والماروتي اللي مفيهمش ولا تكييف ولا كهربا ولا حتى كاسيت؟

المشاركة الأصلية كتبت بواسطة khaled_legand

سعرها عالي بالنسبه لقوه محرك العربيه و بالنسبه كمان لحجمها

طيب اكتب كده البدايل اللي في نفس السعر في ورقه وخليها في جيبك اسبوع وكل ما تشوف منهم عربيه في الشارع زود الرقم في الورقه وأخر الاسبوع شوف أكتر عربيه شفتها ايه. البيكانتو أكيد هتكون مش أقل من 3 أضعاف فى الانتشار.

أنا شايف ان كل عربيه بتحقق هدف معين عند اللي بيشتريها ودي عمليه نسبيه بشكل واسع جدا. مثال مثلا ناس كتير ممكن تقول لازم العربيه يكون فيها بلوتوث لكن ناس تانيه مش هيفرق معاها وقيس على كده في أي أوبشن.

اللي عايز يختار يعمل ايه؟ يشوف الاول المميزات اللي تحقق كل احتياجاته ولما يستقر على موديل معين يسأل بقى على عيوبها ويشوف العيوب دي هتضايقه ولا لاء؟ لو لاء يبقى يشتري ولو هتضايقه يغير اختياره.