-
شاشه التاب اتكسرت
السلام عليكم
عندى جالاكسى تاب 10.1
وقع على الارض و الشاشة اتشرخت جامد
كل جادة شغالة عادة بس الشاشة مشرخة جامد
يعنى التتش باس هوا الى بايظ
سألت عن مركز صيانة i2 باين قالى الى عندة الشاشة كاملة بى 1900 جم !!!
يعنى اكتر من نص ثمن الجهاز بحاول اوصل لراية و اعرف مش عارفين اسعار فى التليفون و لازم اروح بنفسى
حد عندة فكرة عن صيانتها ؟؟؟
-
معلش ربنا يعوضك خير
ععلى فكره السعر الي ادهولك معقول سعرها بره مصر غالي وعندك شحن وجمارك وتركيب بتعمل بتاع 2650 جنيه
المشكله ان الجهاز جديد فا لسى قطع الغيار مش موجوده كتير
حاول تبيعه كده لو جاب قيمه
لو مجابش ركبها
وممكن من الدليل تجيب نمرة راية وتوكيل سامسونج وكلمهم وقولنا عملت ايه
-
-
اها صح حدد انت الشاشه سليمه ولا لا
فعلا لو الشاشه سليمه والتاتش بس الي اتكسر وده فعلا الي ممكن يكون حصل فا بسيطه
مش حتتكلف العمليه كلها 400 - 500 جنيه بالتركيب وكل
-
ماهو دا ال ديجيتازر هوا الى اتكسر
الشاشة سليمة
موجود على امازون بى 32 دولار
-
في قسم عرض الهواتف النقالة على منتدى الدي في دي العربي فيه واحد عامل موضول عن تغيير التاتش المكسور فقط بدون الشاشة
هاتلاقيها عنده بسعر رخيص بإذن الله عكس كل التوكيلات اللي بتصمم تغير التاتش والشاشة كأنهم قطعة واحدة..
معلش هاتتعب وتدور شوية لأني مش فاكر عنوان الموضوع بالظبط عشان شفته من كام يوم وماحطيتش في بالي بالإضافة ان ممنوع احط الرابط هنا حتى لو لقيته
-
اسأل علي التصليح فى السراج مول اللى فى مدينه نصر . فى كذا حد بيصلحه هناك و الأسعار اقل من الرقم ده بكتير جدا . لى صديق غير الشاشه كلها لانها اتكسرت بس كان الجلاكسى ال ٧ بوصه ب ٣٥٠ جنيه فقط و شغال ما شاء الله زى الفل و التوكيل كان بيقوله ١٥٠٠ جنيه بالمناسبه و الموضوع بياخد يوم مش اكتر و طبعا حضرتك تفاصل معاهم عادى جدا
-
يا راجل وانا اقول ازاي الشاشه تتكسر صعبه شويه بس قلت يمكن وقعت على بوز ولا حاجه
كده امرها سهله جدا خلي موقع ادفعلي يجبهالك
بس ابقى وصيهم يبطلوا الذكاء بتعهم ويخلوا الي يبعت التاتش ميبعتش معاه فاتوره بقيمته ولا بقيمة الشحن
عشان الجمارك d:
-
مهو علشان اروح ادفع 1900 جم او 1500 جم علشان يغير شاشة كاملة و هياخد منى شاشة من غير تاتش سليمة اكيد هكون واحد اهبل
Content Relevant URLs by
vBSEO 3.6.0 PL2