باركولي..بعت النيسان تيدا بتاعتي اليوم

اليوم بعت النيسان التيدا بتاعتي ولو اني زعلان اوي عشان كنت ناوي انزلها مصر بس مش عارف لية تراجعت في القرار دة. اولا السيارة خدت لها شوية دعمات كدة بس الحمد لله كلها كنت بصلحها في التوكيل. السبب التاني لان ناس كتير قالولي قطع غيار النيسان غالية اوي في مصر زي هنا في قطر. فقلت اتوكل علي الله وابيعها وبفكر اجيب كرولا 2008 من هنا واخدها معايا مصر.
فياريت لو تفيدوني في شوية استفسارات بخصوص الكرولا. يعني الكرولا 1600 سي سي فل اوبشن، سعرها كام في مصر؟ وهل هي ياباني ولا ماليزي ولا جنوب افريقي؟ وكمان ظروف قطع غيارها اية؟

اقتباس:

---

ماليزي

---

هوا فيه ماليزى من الكورولا
اللى اعرفه انها لاما مواصفات مصري جنوب افريقيى بالموتور والفتيس الجديد
لاما يابانى مواصفات خليجى بالموتور والفتيس القديم

الاسعار مقدرش افيدك فيها ، لانها تختلف من معرض لمعرض تبعا للكماليات الموجودة فى العربيه

الحقيقة انا لو مكانك، اشترى من مصر واريح دماغى
بلا شحن بلا جمارك بلا تامين بلا وجع دماغ
فلوسك معاك ـ ادفع وشيل

بينى وبينك الحقيقة انا ميجليش قلب فى مصر اركب عربيه تمنها اكتر من 80 الف
لاتى هحس انى ضعيت فلوسي
بسبب رعونة السواقين والعربيه هتتجرح وهتتخبط
والطرق الحلوة الجميلة والمطبات

انت عارف لما كنت فى مصر الاجازة اللى فاتت اجرت عربية رينو كليو اتوماتيك
والله عربيه ممتازة وسعرها معقول

اقول لك فكره خد اجازه من السواقه و انت فى مصر
ايه رايك
توصل بالسلامه ان شاء الله

اقتباس:

---

المشاركة الأصلية كتبت بواسطة casber

الحقيقة انا لو مكانك،

اشترى من مصر واريح دماغى
بلا شحن بلا جمارك بلا تامين بلا وجع دماغ
فلوسك معاك ـ ادفع وشيل

---

تعرف لية تشتري من مصر - علشان تكسب الضمان - وغير كدا ياباشا اشتري دماغك ( زي ما الباشا كاسبر بيقول )


********************************************((( ربنا يهدي ياباشا ))*********************************

كورولا 1600 أتوماتيك ج . ك . 154000
---------------- 134000
----------مانيوال ج . ك . 145000
--------------- 129000
----- 1400 مانيوال ج . ك . 133000
------ 1400 مانيوال 122000