ايه اللي بيحصل دةةةةةةةةة
راجع من شغلي ادخل بيتي الساعه 8 بليل
يعني 3 ساعات في الطريق
انا عديت علي كل دول وكل طريق اسود من التاني....في ايه ...ابات في العربيه واتحرك علي الفجر
الله يخربيت البهايم
ايه اللي بيحصل دةةةةةةةةة
راجع من شغلي ادخل بيتي الساعه 8 بليل
يعني 3 ساعات في الطريق
انا عديت علي كل دول وكل طريق اسود من التاني....في ايه ...ابات في العربيه واتحرك علي الفجر
الله يخربيت البهايم
عادي البلد كلها واقفه
ربنا يوقف حال اللي كان السبب
همجيه وفوضي في كل شوارع مصر زي ما يكون في حد متعمد يحرق دم الشعب
والله العظيم انا باروح كل يوم ورجلي وركبي مش باقدر افردهم ولا اتنيهم
السن له حكمه
بسببب الشوارع والزحمه اللي فيها
حتي الشوار الموجوده في الاحياء مش طرق رئيسيه يعني
نيله وهباب
تاكاتك علي ميكروباصات علي كارو علي بني ادمين
مولد وصاحبه غايب
مين الجحش اللي قال ازمه المرور في تحسن
ايوه في تحسناقتباس:
المشاركة الأصلية كتبت بواسطة ahmad--ezzat
للاسواء
الداءري عليه عربية سولار مقلوبة و هي اللي عاملة القلق ده
امبارح الدائري كله وقف عند التجمع و كمان ال na
الكلام ده امبارح والموضوع خلص...وانا طريقي اصلا في الاتجاه التاني وبعيدا عن العربيه المقلوبه....فيه تكدس رهيب وسوء اداره من المرور
والله النهارده طالع من الجامعه فى حلوان 3.5 وداخل البيت فى حدائق الاهرام 7.15 اول مره النهارده اشوف الاوتستوراد والدائرى واقفين بيمشو بطىء اوى كدا والعادى باخد الطريق فى ساعه او ساعه الا ربع مش عارف فيه ايه بصراحه تانك البنزين راح فى الوقفة والغلابه اللى زينا بندفع فى البنزين وبيطير فى الهوا
اتمني ان وزير الداخليه يتحرك لحل مشاكل المرور لان الواحد بيقضي ربع عمره في القياده من البيت للعمل و العكس
الدائرى النهارده واقف من قبل التسعين لحد طريق السويس بسبب شوية ميه على طريق السويس .... الولاد اتاخرو فى باص المدرسه ساعه و ربع بسبب الموضوع ده
في حاجه علط في القاهره من البارح
تقريبا مفيش مرور والناس بتبقي سوري في اللفظ زي الاغبياء كل واحد عايز يعدي وخلاص مش مهم الطريق يقف ولا يولع
انا عشان اوصل من المنطقه الحره لزاكر حسين اخدت يجي ساعه البارح والنهارده بقيت في مطاردات عشا ن اوصل برده
هى مرتبات بتوع المرور دى تعتبر حلال و لا حرام فى ظل اللى بيحصل ده؟ هما شغالين من البيت مثلا و لا ايه حد يعرف :tire:
اسهل لينا كلنا اننا نرمي المشكله علي بتوع المرور
كده نرتاح اسرع
مع ان مفيش حد بيعمل زينا كده ويرمي ناس في الشارع تنظم المرور لأن ده ببساطه اهدار قوي بشريه طالما في اشارات و علامات للمرور
و من جهه تانيه لما حد ينظملك المرور يبقي ده اعتراف ضمني مننا كلنا اننا فوضويين و عاوزين اللي ينظمنا
ومن هنا تأتي المشكله
المشكله الاساسيه في الانانيه والتوحد والغباء اللي كل واحد بقي عايش فيهم وعامل لنفسه دوله صغيره بقوانينها يبرطع فيها براحته
ولو كلمت اي حد وقلتله ابدأبنفسك يطلع الف حجه علشان برضو يعمل الغلط
حاول كده تمشي في خط مستقيم في اي شارع في مصر و قلي مشيت مسافه قد ايه من غير لما تلاقي اللي يمينك و اللي شمالك رمو عليك
برضو بتاع المرور هوا السبب؟
معاك الى حد ما بس الغلطه مشتركه ... احنا اخلاقنا زفت بس برضه المرور ليه عامل مهم .... هديلك مثال ... من سنين (10-15 سنه) كانت بورسعيد مفيهاش عسكرى مرور و الاشارات اوتوماتيك و كل الناس كانت بتقف فى الاشاره فى اى وقت ... بدأ المرور يحط عسكرى على الاشاره ... بدأ العسكرى يعك و يعدى و يوقف (مع الاشاره) بس الناس نسيت الاشاره و اتعودت على العسكرى ... و لما العسكرى ميكونش موجود اتفرج على اللى بيحصل ... و بعدين وصلنا ان العسكرى بيمشى بمزاجه و يوقف بمزاجه ولا كأن فى اشاره اصلا ...انا مره اخدت مخالفه لأن العسكرى وقف الطريق بتاعى على الرغم ان اشارتى خضرا و عديت ...اخلاق الناس باظت بس المرور ليه دخل كبير .....اقتباس:
المشاركة الأصلية كتبت بواسطة m_adeleid
مش اخلاق الناس اللي باظت بسبب المروراقتباس:
المشاركة الأصلية كتبت بواسطة mohamed_selim
المرور هوا اللي باظ بسبب اخلاق الناس و مش المرور بس كل حاجه في البلد دي باظت بسبب اخلاقنا
السلام عليكم ورحمه الله
ميدان الجيزه مساء امس كان مغلق بواسطه شويه بلطجيه ( الباعه الجائلين بتوع اول امس ) وموضوع الاغلاق معروف من العصر ولحد ماعديت الساعه ثمانيه مساء لاوجود لاى فرد امن ولا كان الموضوع يخصهم
عايز ادخل شارع فيصل عملت ارجوز
بالظبطاقتباس:
المشاركة الأصلية كتبت بواسطة m_adeleid
تعالي علي اي اشاره واقف فيها عسكري تلاقي الناس ماشيه زي الألف
مشي العسكري 10 دقايق تلاقي الاتوبيس - ميكروباص - ملاكي او تاكسي شايفين الطريق واقف وبدل مايقفو ثواني يعدو العربيات اللي جاه من الأتجاه التاني يقومو قافلين الطريق كان اللي هيعدي الأول هياخد جايزه
المقصود بالمرور فى كلامى هو ادارة المرور بافرادها و ظباطها مش الحاله المروريه ...اقتباس:
المشاركة الأصلية كتبت بواسطة m_adeleid
الغلط مشترك و كل ما الغلط ده بيستمر الموضوع بيروح للأسوأ
على فكره انا بيتخصم منى كل شهر 3 او 4 ايام بسبب التأخير والغياب لأنى بلاقى الدنيا زحمه بلف وارجع البيت علطول
لكن للمره المليون الواحد يقولها
احنا مش محتاجين اداره مرور او حتى حكومه ذكيه او .... او ....
احنا محتاجين ننضف من جوانا والمعنى واضح
انا ما قصدتش من سؤالى أنى أرمى المشكله على حد زى ما حضرتك بيتهيألك و لاحاجه. اى دوله فى العالم بصرف النظر عن أخلاق شعبها بتحكم بالقانون و بتطبقه على الناس كلها و هو ده اللى المرور المفروض يعمله. يعنى لما تاكسى يقف فى نص الشارع فجأه علشان يركب ناس و يلبس العربيات اللى ورآه فى بعض و بالتالى الناس تنزل تتخانق مع بعض علشان تاخد حقها بدراعها لو فى ضابط او أمين شرطه فى الشارع و اعطاه مخالفه هيفكر ألف مره قبل ما يعمل كده تانى و كمان هيبقى عبره لغيره و مع الوقت هيبقى سلوك. فى ناس غير ملتزمه و مستهتره و انانيه فى كل حته فى الدنيا مش عندنا بس و بالذات فى الدول اللى فيها جنسيات و ثقافات مختلفه و ممكن تكون أخلاقهم حتى أسوأ مننا (ربنا قادر على كل شىء :) ) لكن فى الاخر اللى بيردع الكويس و الوحش هو القانون و تطبيقه و عدم التساهل مع المخطئ أيا كان و ده اللى بيخللى فى التزام و عدل فى نفس الوقت فالدوله لابد ان يكون لها هيبه متمثله فى رجال المرور تطبق القانون على الجميع و أهلا بالملتزم بينما تضرب بيد من حديد على يد المخطئ و بالتالى مع الوقت تصبح الاغلبيه ملتزمه سواء برضاها او غصب عنها و فى مرحله متقدمة تبقى دول راقيه و تحترم القانون. كنوع من التحضر و سلوك. على فكره انا شفت بره لما كاميرات المراقبة اللى بترصد كل حاجه اتعطلت لدقائق الناس عملت ايه . البعض التزم و البعض خالف اول ما اتته الفرصه و دى طبيعه البشر. فى الوقت الحالى إحنا محتاجين رجل المرور يظهر فى الشارع مره تانيه و ينظم الدنيا و يقوم بدوره و لما الناس تتعود على النظام شويه يبقوا يعتمدوا على الكاميرات و الوسائل الاحدث لان كل وسيله مرتبطه بدرجه وعى الناس اللى هتستخدم معها و. لو قعدنا نقول الناس بقت وحشه و الأخلاق ضاعت الكلام ده فعلا بقى حقيقه و كل يوم فى الأسوأ لكن ده خارج نطاق سيطرتنا و مش هيوصل فى الاخر لحل اى حاجه الموضوع كله هيبقى بحث عن شماعه لتعليق الأخطاء عليها لكن المطلوب حل و هو الشده و الحزم يجب ان تطبق و بكده الالتزام هيبقى اجبارى مش اختيارى و ده مستحيل بدون توافر المطبق للقانون اللى هو رجل المرور اللى عنده ضمير و رساله و أرجو ان تكون وجهه نظرى وضحت لحضرتكاقتباس:
المشاركة الأصلية كتبت بواسطة m_adeleid
انا ها اقول لحضرتك المشكلة جية منين :) طريق السويس قرروا فجأة يوسوعوه ! ساعتها نقدر نقول كتر خير الحكومة :) بس همة بدؤا الإصلاحات في شهر 9 :) مع بداية الدراسة مع انه كان عنده شهر 6 -7 -8 اللي كانت الناس كلها في مصايف والبلد شبه كانت فاضية يقدر يرمم ويصلح الطريق زي الفل ! ولكن هوة اختار اسوء معاد لبدء الإصلاح ! المشكلة في فكرة الإصلاح المشكلة انه بيصلح مسافة كبيرة وبعرض كبير في نفس الوقت وده بيخلي معدل الإنتاج بطئ جدا ! يعني ايه ترصف 3 حارات من اصل 4 في الطريق في يوم واحد ! يا اخي قسمهم 2 2 ! ولكن تمشي حارة واحدة بس في عز الظهر في ساعة خرجة موظفين وطلبة مدارس وتقول هيا الزحمة حصلت ليه يبقى سوري في اللفظ انتا اللي عينك في منصبك ده ظلمك :) دي المشكلة الأولى !
المشكلة التانية كانت في انكسار ماسورة مياه في طريق السويس ! مما ادى الى قطع المياه عن التجمع الخامس بحاله امبارح :) المشكلة مكانتش في المياه المشكلة كانت في انه مطلع ومنزل الدائري اللي في اتجاه اللي رايح مصر الجديدة الإتنين كانو مقفولين ها تقولي ليه ها اقولك بسيطة عشان التراب اللي على جنب الطريق لما جت عليه مياه عمل نوع من انواع الطين اللي العربية مش بتقدر تطلعه ! جت منين الطين اقولك من عدم صيانة الطريق ونظافته بشكل دوري ! طيب الطين ومشكلة مقدور عليها بالنسبة للمياه ! هل حضرتك متخيل انه طريق زي طريق السويس بيخدم يوميا ما لا يقل عن 5000 الف بني آدم من مدينة السويس قادمين تجارة ! مدينة الرحاب الشروق بدر مدينتي الخ الخ الخ ! وطريق زي ده مش موضوع على شبكة صرف محترمة ! يعني ايه المياه ارتفاعها يوصل لمنسوب 20 سم والمياه مش بتتصرف ! ها تقولي ها نعمل بلاعات على طريق سريع انتا عايز تخرب بيت الحكومة ؟! اقولك يا باشمهندس طريق سريع المفروض انه في تصميمه بيراعى عمل ميول جانبية على الطريق لصرف مياه الأمطار على الرمل والصحرا اللي على جانب الطريق ! طيب والكلام ده مش معمول اقولك لأ :) لأنه الطريق المفروض بيتعمله حاجة اسمها super elevation ! ومفيش الكلام ده ! بالإضافة طبعا الى انه الماسورة اتكسرت في حوالي الساعة 1 ظهرا بتاريخ 16\10\2012 ! لحد يوم 17\10\2012 مفيش عربية شفط مياه واحدة توحد ربنا جت ! المرور اعتمد على انه ها يسيب المياه تنشف ! هوا انتا غاسل شرابات وسايبها تنشف يبني ؟! وكان الحل الأسهل عندهم بسيطة اقفل مطلع ومنزل الدائري ! مما خلى كل الناس تتحول لمحور الـ NA وعمل الربكة المرورية دي كلها :) ودمتم سالمين :)
اقتباس:
المشاركة الأصلية كتبت بواسطة beso516
فى الواقع الفعلى نقدر نعمل ايه للعلاج؟ التحليل معروف يا فندم و انحطاط الأخلاق دى حاجه عامله مشاكل لا حصر لها كلنا بنعانى منها بس عمليا مفيش فى ايدنا حاجه لأننا مش هنربى الناس مع الأسف و علشان كده الحل فى تطبيق القانون بحذافيره على الجميع و بكده نجبر الكل على الالتزام الاجبارى بصرف النظر عن اخلاقه و عاداته . لو خالفت هتاخد المخالفه هتاخدها ملهاش حل يبقى بكده يتم السيطره على الجميع و مع الوقت هتزيد نسبه الملتزمين بارادتهم و يصبح احترام المرور سلوك و برضه أكيد سوف يساهم فى تحسين أخلاق الناس و رقيهم. يعنى مثال صغير تعالى نتخيل ان الحكومه مثلا تهاونت فى تنفيذ قانون الجمارك على السيارات. يعنى بقى اللى عايز يجيب اى حاجه من بره بيجيبها و ما بيدفعش حاجه لانه بيرخصها عادى و مفيش حد بيدور ورآه. تفتكر كام واحد ساعتها هيقول انا هالتزم بالقانون و كام واحد هيخالف. كام واحد النهارده مقتنع بان الجمارك عادله و مع ذلك مفيش حد بيخالف سواء المقتنع او غير المقتنع لان الدوله واقفاله بالمرصاد حتى لو العربيه بقت خرده و لا اتسرقت برضه هيدفع جماركها و هو ده اللى انا قصدى عليه يبقى المرور منظم بنفس الطريقه علشان نرتاح
عين العقلاقتباس:
المشاركة الأصلية كتبت بواسطة land_cruiser
ربنا يكتر من امثالك
فعلا كلامك صح :) لما كنت في جده (السعودية) في شهر 7 لقيت الدنيا مكسرة و بيعملو كباري كتير و بيسفلتو الشوارع فبسأل قالولي قبل العام الدراسي ما يبدأ و زحمة المدارس فبيشتغلوا بسرعة عشان يخلصو ( على فكرة اللي شغالين كانوا المقولين العرب ).اقتباس:
المشاركة الأصلية كتبت بواسطة sayed911
كتر خيرهم لتوسعه طريق السويس
لكن لو عرف السبب بطل العجب
التوسعه مش لوجه الله
علشان موكب الرئاسه
ده علي اساس لما يمشي الموكب هيديقوا الطريق تاني مثلااقتباس:
المشاركة الأصلية كتبت بواسطة hugan
لا يا فندم تقدير حضرتك خاطئ الموكب الرئاسي بيطلع طريق السويس لحد ما يقابل طلعة الدائري وبيروح طالعها وبيمشي دائري لحد شارع التسعين ! التوسعة دي من بعد الطريق الدائري اصلا يعني الموكب الرئاسي مش بيجي جنبها ولا من قريب ولا من بعيد :)
طيباقتباس:
المشاركة الأصلية كتبت بواسطة sayed911
واذا قولت لك اني تقريبا مره في الاسبوع باشوف الموكب وانا طالع التجمع حوالي الساعه10/30 صباحا قبل عمل التوسعات
لاني يوميا في التجمع او الرحاب
الموكب بيخرج من مدخل الرحاب الثاني الموجود بعد مدخل اسكان الشباب
وممكن فعلا بياخد الدائري الي منزل السويس لكن بياخده بعد ما بداءو في الشغل
لانه صعب يتحكم في الدائري
عارف الدليل التاني ايه
الكمين الثابت اللي اتعمل عند مدخل اسكان الشباب
والكمين لثابت اللي اتعمل عند مدخل الرحاب
اسناد مهمه الطريق الي الهيئه الهندسيه للقوات المسلحه
لسرعه الانجاز ونضافه الشغل
تراكم لسوء التخطيط على مدار عقود ... وكثرة العربيات بشكل بشع رغم ارتفاع اسعارهااقتباس:
المشاركة الأصلية كتبت بواسطة ahmad--ezzat
والله انا كل ما ابص على مصر من جول ايرث او امشى على طرق صحراويه واشوف الارض المنبسطه الى مفيهاش بنيان وعمار اضحك بسخريه علينا وقد ايه احنا ولا حاجه
انا بفكر انقل الشغل البيت