تجربتى مع الكاسيت الصينى وعاوز حد ينصحنى لانى رجعته تانى
دلوقتى انا عندى سماعتين كينوود مدورين 180 w كنت شاريهم من سنة ومفيش منهم دلوقتى وعندى الكاسيت الاصلى بتاع العربية ماركة هيونداى واشتريت موديولاتور ومشغل علية الفلاشه والصوت فيه خروشة صغيرة بس السماعات بالنسبالى مطلعه اداء حلو وحبيت اغير الكاسيت قولت الحال هيتعدل واجيب كاسيت صينى بفلاشة وياريتنى ما اشتريته جبت نوع اسمه ( harmony ) من التوفيقية وكان عامل 200 جنية والمفاجأه ان الصوت بقا رفيع جدا واول درجة فى علو الصوت كانت عاليه اوى لدرجة ان لما حد كان بيركب معايا ماكنتش بشغل الكاسيت ولو عليت الصوت مافيهوش اى بيز وتريبل خالص وبعد اسبوع من شراء الكاسيت اخدته النهارده ونزلت للراجل وقولتلو عاوز ارجعو قالى يابيه بقالو اسبوع وكدا وانا قولتلو انا كنت متفق معاك لو صوتو وحش هجيبهولك والكاسيت بحالته ومافيهوش خربوش والكارتونة والريموت وكل حاجته المهم اخده وادانى ال 200 جنية تمنه وركبت كاسيت العربيه الاصلى تانى حاليا وبفكر فى جهاز سونى 500 وسماعات كينوود 400 وات وانا سألت على الكاسيت النهارده عند ارخصهم وقالى 570 ووصلت لحد 530 وبعدين قولتلو هرجعلك تانى وسألت على السماعات الكينوود 400 وعاملين 370 جنية وفاصلت لحد 340 دلوقتى الكاسيت والسماعتين دول مع السماعتين اللى عندى هيعملو شغل حلو ولا لا انا محتاج حاجه تطلع بيز جااااااااامد وتريبل هل sony gt500 وسماعات كينوود 400 وات انسب حاجه حاليا ولا لا .... طبعا بعد تصفحى لعدد لا بأس بهه من صفحات قسم الصوتيات وشايف ان رجالة السونى ماشاء الله عليهم منتشرين هههههههه ياريت بجد حد ينصحنى ..........