الموضوع: إحذر الردار يعمل :)

كل الطرق السريعة الصحراوية في مصر سرعتها 100 كم - س
ما عدا طريق العين السخنة فسرعته القصوى 120 كم - س

أما الطرق الصحراوية المفردة (حارة رايح و حارة جاي ) دي بتكون سرعتها 90 كم -س زي طريق شرم الشيخ .
الطرق الداخلية سرعتها 60 كم - س

المحور سرعته 90 كم - س

وصلة الدائري اللي فوق شارع الهرم 80 كم - س

الدائري 90 كم - س

المشاركة الأصلية كتبت بواسطة thunder155

ماشى بس القانون يتطبق على الجميع

يا سيدي حتى لو مش بيطبق على الجميع
فيها أيه لما يطبق أصلا و نترحم بقى من السواقين المتخلفين اللي بيموتوا المئات يوميا على طرق مصر

طبعا لازم القانون يتم تطبيقه على الجميع و لكن مش كل حاجة يبقى لها شروط .

معنى كلامك أن لو فيه عضو فاسد في أي مجتمع و لأي سبب العضو الفاسد ده مفيش حد بيوقفه

نقوم كلنا نعمل زيه علشان القانون مش بيطبق عليه ؟؟؟؟؟؟؟؟؟

متشكرين يا ياسر على الاخبار الحلوة بتاعتك
وفي اخبار عن رادارات الدائري

المشاركة الأصلية كتبت بواسطة abdulhafeez

رادار الفيوم ده مكانه فين بالضبط علشان انا مسافر بكرة .... والواحد اقل حاجة بيمشيها 120 ربك يسترها ...... بعدين تقريبا الطريق اصلا سرعته 80 كمان مش 90 زي ما الناس فاكره

الرادار في الاول خالص قبل منطقة دهشور العسكرية ..

المشاركة الأصلية كتبت بواسطة lanos2004

هتدفع 305

ربنا يباركلك هههههههههههه

المشاركة الأصلية كتبت بواسطة m_adeleid

ايه يا عم يا سر انت كنت عاوزهم يصوروك امبارح والنهارده ولا ايه
ههههههه
انزل عن ال 100 بقي يا معلم

لا انا متغاظ بس يعنى لما جريت ماتصورتش واما كنت ماشى هادى اتصورت سبحان الله ^_^

المشاركة الأصلية كتبت بواسطة shaddadfalcon1

ههههههههههه امال تعمل ايه لما تلاقي ردادر متحرك في نازلة كوبري علي طريق سريع وطبعا بيصور علي 60 كمان

بس عموما الرادرات اعتقد بتصور حتي لو ماشي 101 والسرعه 100 لانها بتبقي متظبطه علي كده

ربنا يكفينا شرهم يا معلم

المشاركة الأصلية كتبت بواسطة ahmed_adham

تقصد النفق اللي فيه اعلان فودافون؟ لو كده يبقى اه الحته دي مؤذيه فعلا وسهل التصوير فيها.

هى بنت التيت :(

المشاركة الأصلية كتبت بواسطة m.elgergawy

متشكرين يا ياسر على الاخبار الحلوة بتاعتك
وفي اخبار عن رادارات الدائري

حلوه وزى الفل =))

للآسف أحنا في مصر بندوس بنزين و خلاص ,

انا مش هعلق غير علي الجمله دى عشان ضايقتنى بصراحه

اولاً حضرتك مفهمتش انا اقصد ايه من كلامى

اول امبارح ماشى 140-150 ومعدى من نفس الطريق ونفس الحاره ونفس كل حاجه ومتصورتش

لما امشى 100 او 105 اتصور ده اللى مضايقنى بس مش اكتر

والمسأله مش مسألة بنزين وخلاص انا كنت قادر اهدى ومخليش الردار يلقطنى بس كان فى واحد ورايا لو كنت فرملت كان احتمال تحصل مشكله بسببى

غير كده حضرتك 100 كيلو متر فى الساعه ميعتبرش سرعه ولا جرى ولا حتى خروج عن المقرر

وربنا يسترها علينا وعليك ان شاء الله

المشاركة الأصلية كتبت بواسطة yasser.essam

غير كده حضرتك 100 كيلو متر فى الساعه ميعتبرش سرعه ولا جرى ولا حتى خروج عن المقرر

وربنا يسترها علينا وعليك ان شاء الله

أستاذ ياسر .. أخي الكريم .

معلش بس سؤال
هو مين اللي قال ان 100 كم - س مش جري ؟؟؟؟

هاقولك حضرتك على حاجة
أنت عارف السرعة القصوى في أنجلترا كام ؟
و على طريق شكله أيه ؟

طيب مبدئيا السرعات كالتالي هناك :

داخل البلد 30 ميل - س ... = 48 كم - س
أعلى الكباري 30 ميل - س = 48 كم - س
على الطرق المشابهة للدائري (ربط المدن ) .... 50 ميل - س = 80 كم - س
على الطرق الحرة اللي معلهاش أي تقاطعات ... 70 ميل - س = 110 كم - س و دي أقصى سرعة هناك .
و الطرق الحرة دي اللي هي زي مثلا لندن - مانشستر .

الشرطة هناك كانت بتقف تعمل كماين في المنازل و منازل الكباري .
و لما يقفشك .... يقولك الطريق سرعته كذا أنت ليه ما أخدتش بالك من المنزل ده .؟

أنت عارف ان موضوع ضبط السرعة على المنازل هو جزء من الأمتحان العملي اللي أنت بتمتحنه هناك !!

معلش أنا آسف

مش علشان عندنا الدنيا بطيخ ......... يبقى صح .

الصح هايفضل صح ......... و مش أحنا (أن و أنت ) اللي بنحدد السرعة الصحيحة للطريق
ده حاجة لها خبراء و ناس تقعد تعمل تجارب

أنت عارف طريق الدائري بتاع مصر ...... في أنجلترا يبقى آخره 80 ساعة ما يكونوا ما كرمنا
عارف ليه
علشان وسع الحارة لا يسمح بسرعات أعلى من كدا .

يا راجل ده الواحد كان بيسوق على طرق منظمة جدا وواسعة و حارتك ما شاء الله عليها .... تأخد عربية و نصف
و مع ذلك الطريق كان بيبقى 80 كم - س .
و الناس ماشية ورا بعض زي القطر أكنهم مربوطين ببعض .

أنما هنا ...... جوافة على جلاش
سمك لبن تمر هندي ............ كله عامل فيها ناصح وو بيعمل غرز .

أنت عارف لو أتمسكت في أنحلترا ماشي على 150 على طريق سرعته 90 .... ممكن تتمنع من السواقة فترة زمنية لو سواقتك دي كان مرتبط معاها تهور في السواقة .
ده بالاضافة للغرامة المالية و خصم نقاط من رصيدك .