+١١١١١١١١١١
عرض للطباعة
مش أنا حضرت الموقعه النهارده؟ كنت رايح المهندسين والرادار اللي قبل نفق فودافون ده كان شغال الله ينور. ممكن من أول ما لمحته لحد ما وصلت عنده كان صور اربع مرات كده ووأنا راجع كان عمال يصور برضه شكلهم هيعملو كام مليون فى اليومين دول لحد ما الناس تاخد بالها وتقول لبعضيها. المشكله ان كل الناس بتتصور على فروق بسيطه قوي متتعداش 10-15 كيلو بالكتير.
هى فعلا حاجة تزعل أوى لما تتقفش على سرعة 96 ولا 102 والحاجات دى :hitwall3:
- بتحس انه إستغفلك أو خدك على سهو :grinder:
خصوصا لو كنت مش بتجرى -أو مش قاصد جرى وشد
عارف.. لو إتصورت وانت بتجرى 150-160، مش هتبقى متضايق؟!!
(سواء إتصالحت فورى بـ150 أو روحت لقيتها 300 فـ المخالفات).. بس انت فعلا كنت بتجرى!
والصراحة أنا ماستبعدش انهم بيضبطوها على أرقام limit قريب كده (الطريق 100 يعملها 100-101) :angry26:
أو بيحطوا الرادار فـ حتت مالهاش حل زى منازل الكبارى أو حتة فيها Slope والعربيات بتجرى فيها؟؟!!!
عشان يلموا فلوس طبعا؟!
- عايز بس أقول حاجة بالنسبة للنظام والإلتزام بالسرعات المقررة للطريق:
(من واحد صاحبى ضابط فـ المراقبة الإلكترونية والتحكم بعمليات -مرور القاهرة).
كان بيقوللى ان أماكن وضع الرادار -الصح بقى مش عشان يلموا فلوس- بتبقى متحددة لكل طريق،
حسب الحتت اللى هو عايز العربيات تهدى فيها -عشان الحوادث- مثلا مطالع ومنازل الدائرى!!
وحتى فـ الطرق الحرة.. برضه بتبقى لمراعاة الأمان (منحدرات أو ملفات أو حته مدى-الرؤية فيها مش كويس)... وكده.
الأغرب بقى
انه قاللى ان فيه حتت عـ الدائرى والمحور.. هو عارف ان العربيات بتجرى فيها جامد،
وهو عايزها تجرى أو تجتاز المنطقة دى بسرعة.. وبيتعمدوا مايحطوش فيها لا رادارت أو عوائق للسير؟؟!!!
عشان السيارات لو بطأت -أو إلتزمت السرعة القانونية- هتعمل زحمة وراها؟؟؟!!!!!! :Ka_che1[1]:
طبعا لو الكلام ده صح؛ ده برضه نوع من العك!!
بس الصراحة -رأيى الشخصى- اللى عايز (وعارف) يجرى.. يجرى،
من غير risk عـ العربيات والناس اللى معاك فـ الطريق.. وكل واحد على قد إمكانياته كسواق أولا - وعربية ثانيا
رحم الله إمرىء عرف قدر نفسه.
وربنا يسترها علينا من الطريق -والـinfra-red والفلاشات :grinder:
فينك من زمان
اخيراً لقيت حد فاهم انا قصدى ايه
والله ريحتنى ياجدع الله يباركلك :)
المفروض المرور في القاهرة و المحافظات
يأخد الكلمتين دول و يحطهم على يافطة كبيرة على كل الطرق .
و سيبك من الرادارات ... و كل واحد يحدد سرعته بنفسه .
اللي شايف نفسه شوماخر ... 140 ... 150 .و يمكن أكتر.
و اللي غلبان زي حالاتي 90 إلى 100 و يمكن أقل .
و اجري يا شعب .... و أغرز يا شعب ..... و خلينا على طول كدا بدون نظام .
و المواطن هو اللي يحدد القانون المناسب ليه و اللي هو شايفه صح من وجهة نظره .
علشان كدا مصر هاتفضل ........ للأبد ج ع ع
سمك لبن تمر هندي .
الأستاذ ياسر
ليه ماردتيش على مداخلتي اللي فاتت اللي كنت بأرد عليك بها ؟
و نفسك تسوق زي الصورة اللي أنا حاطتها
و لا نفسك الطرق تفضل كدا ؟؟؟