أرجو الرد بخصوص بلى العجل

**MEMOAHMED14** · 16-10-2012 11:49 PM

طرحت منذ يومان استفسار عن صوت فى العجلة اللى ورا يمين وشكرا لكل من رد ..
النهارده رحت للميكانيكى ورفع العجل واكتشف ان فى مسمار من مسامير العجلة الخلفية كان بيحك فشال منه شويه والصوت راح بنسبة 90%...
المهم ظهر صوت تانى لما مشيت من عنده .. هو صوت خشن كده جاى من ورا.. رحت رجعتله تانى وركب العربية وجرب وسمع الصوت .. المهم قالى ده بلى العجل الخلفى هو اللى خشن وعامل الصوت ولو كده تعال فى اى وقت وانا اغيره..
سؤالى لخبراء المنتدى الغالى هل فعل هذا الصوت الخشن ممكن يكون من بلى العجل الخلفى وهو بيظهر معايا على فترات متقطعة وهل البلى فعلا له صوت .. طب ولو سبته كده هيحص ايه وهل الصوت هيروح لوحده .. وشكرااا وفى انتظار الردود.

**Salamonti** · 17-10-2012 12:29 AM

والله انا ماعرفش المعلومة الصحيحة
لكن اللي اعرفه انه لو فعلا البلي يبقا خطر تسيبه عشان ممكن يفرك (يعني يطلع من مكانه)
وعموما البلي بتاع اللانوس رخيص

**Lord of the flies** · 17-10-2012 03:12 AM

خليه يرفع العجله الخلفيه و يفك المسامير و يلفها بأيده لو الصوت موجود يبقى رومان بلى اما لو الصوت اختفى يبقى المسامير

**truss** · 17-10-2012 03:14 AM

صوت البلى الخلفى زى ونة مصحوبة بخشونة مسمعة فى صالون العربية و بتظهر على سرعات مثلاً اكبر من 50 او 60 كم/س و الونة بتزيد مع زيادة سرعة العربية و بتقل معاها برضه

**MEMOAHMED14** · 17-10-2012 10:00 AM

طيب فيها ضرر ... وهتروح لوحدها مع المشى ولا لأ ... خصوصا ان واحد صاحبى قالى انها مع المشى ودخول الاتربة الصوت هيقل ...

**truss** · 17-10-2012 11:43 AM

لأ طبعاً الصوت هيزيد و هيبقى مزعج خصوصاً فى السفر, و عن الأضرار انا ما حصلش معايا مشكلة مباشرة من البلى غير الصوت المزعج لكنى سمعت انه ممكن يفرط على المدى البعيد