ماهو زيت الفتيس المناسب لالنترا 2011

**virus2007** · 18-10-2012 04:32 PM

انا معايا نفس عربيتك بس موديل 2007 ولسة مغير زيت الفتيس من شهر ونص تقريبا

انا غيرت الزيت بس من غير الفلتر لان الفلتر تحت وصعب فكوا كان نصيحة من البشمهندس هانى بردوا انى مغيرش الفلتر نظرا انى مش عارف المالك الاول كان مغير الفلتر قبل كدة ولالا

انا غيرت زيت فتيس موبيل وفعلا نزلت الكمية كلها من الفتيس وحطيت 4 علب زيت فتيس موبيل عند ميكانيكى والحمد لله الفتيس لحد النهردة تمام ومفيش اى مشكلة

**samyomar** · 19-10-2012 11:22 PM

المشاركة الأصلية كتبت بواسطة virus2007

انا معايا نفس عربيتك بس موديل 2007 ولسة مغير زيت الفتيس من شهر ونص تقريبا

انا غيرت الزيت بس من غير الفلتر لان الفلتر تحت وصعب فكوا كان نصيحة من البشمهندس هانى بردوا انى مغيرش الفلتر نظرا انى مش عارف المالك الاول كان مغير الفلتر قبل كدة ولالا

انا غيرت زيت فتيس موبيل وفعلا نزلت الكمية كلها من الفتيس وحطيت 4 علب زيت فتيس موبيل عند ميكانيكى والحمد لله الفتيس لحد النهردة تمام ومفيش اى مشكلة

جزاك الله كل خير للاهتمام . طيب ممكن اعرف العربيه عامله كام الف كم لحد دلوقتى ؟؟ و المفروض انى اغير الفلتر عند كام الف كم ؟؟؟

**virus2007** · 20-10-2012 02:04 AM

المفروض تغير الفلتر كل 60 كيلو

وفى ناس بتقول غير الزيت من غير فلتر كل 40 كيلو

اعتقد استشير بشمهندس هانى وهو حيفيدك باذن الله

**HOSSAM99** · 21-10-2012 11:05 PM

الزيت الموصي به للإلنترا رمزه atf3
و الزيت ده موجود في شل ب28 اللتر
و موجود ليكوي مولي ب 40 جنيه تقريبا اللتر (أنا أفضل ليكوي مولي )
و موجود فالفولين

الأفضل هو ليكوي مولي
الزيت بيتغير كل 40 ألف و بإفتراض إن المالك السابق غيره علي 40 يبقي هو فاضل عليه نصف عمره لكن حضرتك مش واثق في صيانات المالك السابق يبقي نغيره هو و الفلتر و الفلتر مفهوش أي صنعه أو حرفه

أما بقي عن الكميه فدي صدمه الصراحه لأن العربيه دي فتيسها بياخد 6.6 ليتر و للأسف أفضل صنايعي أو مهندس قدر ينزل منها 4 ليتر فقط و الباقي القديم بيبقي في الفتيس

و علشان تقرب من الكميه دي في التغيير محتاجه صبر في تصفية الزيت و محتاجه إن الفتيس يتنفخ فيه بالهوا من مكان المقاس قبل فك الكارتيره و الفلتر و بعد الفك
ألف مبروك و بالتوفيق

**mahmoudslim** · 13-10-2015 01:51 PM

ممكن خبرة حضراتكو أكيد غيرتو الزيت وعرفتو الصح لأني محتار وبعد مجبت 3 ك توتال وتم تصفية الزيت ووضع الكمين 3ك الزيت بقى زيادة جدا في المقاس ومش عارف اعمل اية ذا غير انى مش مقتنع بنوعية الزيت أصلا