السلام عليكم ورحمة الله وبركاته
عندي كام استفسار ع الماشي كدا
اعرف ازاي ان فيلتر البنزين عايز يتغير وفلتر الهوا والبوجيهات ؟ والبوجيهات ليه 2 شمعه مش اكتر او اقل ؟
وشكرا :)
عرض للطباعة
السلام عليكم ورحمة الله وبركاته
عندي كام استفسار ع الماشي كدا
اعرف ازاي ان فيلتر البنزين عايز يتغير وفلتر الهوا والبوجيهات ؟ والبوجيهات ليه 2 شمعه مش اكتر او اقل ؟
وشكرا :)
وعليكم السلام ورحمه الله وبركاته
-فلتر البنزين بيتغير كل 40000كم كحد اقصي حسب جوده البنزين وظروف التشغيل
لما بيتوسخ الفلتر العربيه بتستهلك بنزين كتير وممكن تفكه وتهزه وتشوف لون البنزين اللي نازل منه
-البوجيهات 2 شمعه دي توصيات الصانع
-فاتر الهوا لو متوسخ هيبان من شكله
شكرا يا استاذ فادي بتجيب من الاخر كالعاده :)
لو سمحت يا باشا عاوز اغير البوجيهات اغيرهه كام شمعه و اجيب ايه احسن نوع
بوجيهات 2 شمعه جي ام الماني او ان جي كيه الياباني ب110 ج-85ج
مقتبس من مشاركة الاستاذ فادي في موضوع اخر :d
احب اضيف ان فلتر الهوا المفروض طبقا لكتير من جداول الصيانة بيتغير كل 40000 تقريبا و حسب ظروف التشغيل و البيئة المحيطة كمان يعني عندنا اعتقد كبييره 30000
و لكن انا ببص للشكل و اللي يوضحلك انه خلاص جاب اخره انك تلاقي الفلتر موبر او تلاقي ريشة او اكتر معوجة مش مظبوطة زي الأول و طبعا لو لقيت ان الشكمان بينزل زي هباب خفيف مع المية ده بثبت ان الاحتراق مش مظبوط في الموتور سواء فلتر الهوا مسدود او خلاص جاب اخره او البوجيهات او نوعية البنزين رديئة ده غير ان العربية تحس انها مكتومة شوية هو عامة الموضوع هيجي بالخبرة مع الوقت
فلتر البنزين برده كل 40000 و حسب نوعية البنزين و ظروف التشغيل و لكن لو عندك الفلتر الموجود جوة علبة معدن زي حالاتي الأفضل تغيره الوقاية خيرا من العلاج
شكرا جزيلا يا باشا جزاك الله خيرا
وانا عموما مش عارف اللي اشتريت منه العربيه كان مغير الفلاتر علي كام فانا هغيرهم عشان حاسس استهلاك البنزبن كتير شويه