اسعار ال byd f3 انهاردة

السعر الان فى المعارض .. سواء معارض الشركة او المعارض التانية كا التالى :
المانيوال 73000 حم
الاوتوماتيك 85000 جم
وده اللى عرفتة انهاردة 2012/10/16 وانا بدور عليها لنسيبى ... علشان عايز يشتريها
والمفاجئة الكبرى التانية ان جميع الاسعار للعربيات الجديدة غليت ...
سألت واحد صاحبى بيشتغل فى معرض سيارات كبير ولية سمعتة الكويسة ... فقالى فعلا الاسعار غليت وكمان هاتغلا تانى ... لية يا عم ؟؟؟ اية اللى بيحصل ؟؟؟ فقالى ان الطلب من الدول الاوربية زاد على السيارات الكورى والصينى ... الكورى بالتحديد ... فا اللى حصل ان المعروض فى مصر قل جدا والطلب فى زيادة مستمرة ..
قولت اقولكم يمكن الخبر دة يفيد حد من الاعضاء ....

حقيقى الأسعار بقت مستفزة جدا للغاية
المفروض بقى يبدأوا فى عملية إحلال الملاكى ويعفوا من الضرائب والجمارك لمن يستبدل سيارته
المفروض الأسعار تبقى مائة الف للأوكتافيا والكورولا والعربيات دى تبقى ب خمسين الف بالكتير
بجد وجبت المقاطعة

طبعاً معااااااااك

أستحاله طبعا لان إلى حضرتك بتقول عليه دة تلميح لعجز الصين و كوريا لسد أحتياج السوق
كل ما فى الأمر يا جماعة أن العربيه أثبتت نجاحها
و بما أن حاجة فى مصر أثبتت نجاحها
يبقى التوكيل لازم يسرقله شوية حلوين برضة من دم الشعب دة
ما هو طول ما الضريبة واحدة و المكسب أعلى يبقى مغفل إلى فأيده سرقة الشعب و ميسرقهوش

الأسعار غليت عشان الدولار فى الطالع

أما نشوف الإمجراند حتنزل بكام .. وفيه أخبار أن المانيوال نازلة 75 ألف .. يعني فرق ألفين جنية عن البي واي دي .. مع الوضع في الاعتبار الفارق في الإمكانيات طبعاً .

اقتباس:

---

المشاركة الأصلية كتبت بواسطة manola

أستحاله طبعا لان إلى حضرتك بتقول عليه دة تلميح لعجز الصين و كوريا لسد أحتياج السوق
كل ما فى الأمر يا جماعة أن العربيه أثبتت نجاحها
و بما أن حاجة فى مصر أثبتت نجاحها
يبقى التوكيل لازم يسرقله شوية حلوين برضة من دم الشعب دة
ما هو طول ما الضريبة واحدة و المكسب أعلى يبقى مغفل إلى فأيده سرقة الشعب و ميسرقهوش

---

الموضوع مش عجز ولا حاجة ... هو بيتكلم من منطلق الوضع اللى موجود دلوقتى فى المعرض ... وهو موزع معتمد هيونداى ... والكلام كلة كان عن اغلب الكورى .... لانة بيقولى الكميات اللى بنطلبها مش اللى بييجى منها اقل من نص الكمية .... وكمان بتتأخر كتييييييير ...
ده كلامة ... والله اعلم
بجانب موضوع الدولار ... والاوضاع السياسية والاقتصادية اللى فى البلد ...دى الاسباب اللى كلنا بنتكلم عليها
اما صديقى ده بيتكلم فى تخصصة ....
انا مش بدافع .. انا بنقل الحوار فقط .... وانا اتمنى ان العربيات تنزل اسعارها ... لاننا احنا البلد الوحيد فى العالم اللى اسعار العربيات فيها عالية كدة ... وبيضحك علينا للصبح ... فى الاسعار وفى الاوبشن وفى كل حاجة .... فى حد يقول ان الكيا السيراتو كانت نازلة 11 اوبشن ... ب 11 سعر .... الكلام ده مش بيحصل غير فى مصر ... كل ما يزودو مفتاح فى العربية ... يقولك اوبشن جديد ... ويا خد من 3000 - 5000 جم فية ...

السعر الرسمي جيلي إمجراند 75.900 :hlopaet_prv:

المبدأ واحد عند جميع الوكلاء , الإستغلال

فاكرين يا جماعة حملة ((خليها تصدى وموديلها يعدى ))
أعتقد ده أنسب وقت للكلام ده
يعنى إشمعنى العربيات اللى مش حيتعمل لها احتجاجات

الانسان فى مصر خلية يصدى وعمرة يعدى ؟؟؟؟؟؟؟؟