ضرورى ......مساعدين أمامى للفيستا

**ffff** · 17-10-2012 02:06 AM

عربيتى فيستا 97 كلاسيك.......فجأة لقيت العربية وطيت من الناحية اليمين قدام وماتلاقيش الفرق اللى هو بين الرفرف والعجل ده......قولت المساعد حصل فيه حاجة وفعلا هو محجر
المهم روحت لقطب وقالى السوستة إتكسرت وهاتجيب 2 مساعدين جداد بالسوست ولازم إستيراد عشان الجديد من غير سوست...........المهم سألتة منين وبكام ما إدنيش عقاد نافع
عاوز أعرف ممكن أغير السوست بس وممكن أغير جمب واحد بس ما دام التانى سليم
طب منين أجيب المساعدين وإيه أحسن نوع وإيه الأسعار..........أنا لسه شارى العربية من أسبوعين ولسه ما إتهنتش.......مع العلم ليا تجربة سابقة سيئة مع فيستا 98 1300 وبتعها عشان أخلص منها
ياريت كمان لو ميكانيكى او عفشجى فى صقر قريش أو الأتوستراد عشان أنا فى المعادى

ملحوظة........العربية ناعمة جدا معايا فى المشى والعفشة كويسة وبجرى بيها على 120 بالمنظر ده ومستغرب إنى مش حاسس بأى فرق لدرجة قولت أكسر السوستة الناحية التانية كمان...:)

**Eng_Mostafa_89** · 17-10-2012 10:28 AM

بص يا باشا وظيفة المساعد انة بيمتص الصدمة ولما المساعد بيبوظ بيعمل حاجة من اتنين يا اما المساعد يحجر ودة بيخلى العربية ناشفة جدا وخلى بالك دة ممكن يأثر على الشاسية علشان المساعد هنا بقى عامل زى حتت الحديد وبقى قطعة واحدة وانت بتاخد المطبات لو لفوق هيزق الشاسية لفوق ولما العجلة تيجى تنزل لتحت هيشد الشاسية لتحت مع الوقت ممكن تلاقى ممكن تحصل مشكلة فى الشاسية
الحاجة التانية المساعد بيضرب ودة بيكون المساعد فية بقى طرى وانت ماشي تلاقى العربية لما تاخد حفرة او مطب فى جنب بيزل اكتر من جنب والعربية فى الناحية دى بتتنطت
اما وظيفة السوستة انها بتشيل وزن لما يحصل مشكلة فى السوستة هتلاقى العربية مايلة من جنب عن جنب زكمان مبقتش بتشيل كويس وبتهبط بسرعة

لما تيجى تغير المساعدين يفضل لو الحالة تسمح انهم يجوا 4 مع بعض علشان يكونوا عمر واحد ونفس الحالة
اما لو الحالة متسمحش يبقى هات 2 ويتغيروا سوا
ونفس الكلام على السوستة لو هتغير جنب هتغير الجنب التانى كمان علشان السوست تكون نفس الحالة
والعربية متتأثرش وهى ماشية وتكون ثابتة على الطريق

**ffff** · 17-10-2012 03:08 PM

صديقى شكرا جدا على ردك والإهتمام........
من كلامك ينفع أجيب السوستتين فقط من غير المساعدين يعنى....كويس
أنا عن نفسى مش بقتنع بالإستيراد.......عاوز جديد فين وبكام ياريت حد يدلنى......
تانى حاجة أتعامل مع مين قطب ولا أحمد فرج بتاع جسر السويس؟؟؟؟
وياريت لو حد فى المعادى شاطر زيهم يبقى أقرب.....وشكرا

**vecevector** · 19-10-2012 12:30 AM

انا عندي جوز مسعدين بالسوست لسه متغيرين من شهر بس لفيستا 2000 لو ينفع انا مشمحتاج ليهم

**egytamer** · 19-10-2012 02:32 AM

هات السوست استيراد من الحرفين او الوكالة والمساعدين جداد الاستيراد مش هيعيش معاك

**ffff** · 19-10-2012 05:33 AM

صديقى اللى بيقول عنده جوز مساعدين مش محتاجهم ياريت رقمة ومكانة وانا هتأكد لو يركبو عندى هكلمك....
انا بصراحة هاروح لأحمد فرج بقى عشان ممكن يكون سوست بس أروح إجيبهم إستيراد عشان فعلا عرفت إن مافيش جديد ولو محتاجين مساعدين هاجبهم مع بعض بقى وخلاص......الفكرة عاوز أعرف الأسعار عشان ماحدش يضحك عليا.........وشكرا جدا لكل اللى ردو عليا....:)

**Eng_Mostafa_89** · 19-10-2012 07:06 PM

معلش يا باشا مش هقدر افيدك لانى لسة جديد فى الفورد

**vecevector** · 19-10-2012 09:05 PM

المشاركة الأصلية كتبت بواسطة ffff

صديقى اللى بيقول عنده جوز مساعدين مش محتاجهم ياريت رقمة ومكانة وانا هتأكد لو يركبو عندى هكلمك....
انا بصراحة هاروح لأحمد فرج بقى عشان ممكن يكون سوست بس أروح إجيبهم إستيراد عشان فعلا عرفت إن مافيش جديد ولو محتاجين مساعدين هاجبهم مع بعض بقى وخلاص......الفكرة عاوز أعرف الأسعار عشان ماحدش يضحك عليا.........وشكرا جدا لكل اللى ردو عليا....:)

معليش انا مكنتش علي النت 01002009843

**aYaBooY** · 21-10-2012 04:47 PM

الاخ صاحب الموضوع
انت محتاج تنزل الحرفيين او الوكالة و تجيب جوز سوست استيراد ( موجودين عادي لوحدهم )
و تروح لعفشجي عادي عربيتك مفيهاش اي تقنية في العفشة تستدعي متخصص فورد
و تخليه يفك الناحيتين و يتاكدلك من جودة المساعدين لو محجرين يبقي تروح على التوفيقية او دمشق او اي مكان بتاع قطع غيار جديدة و تجيب مساعدين جداد
نصيحة بلاش الاستيراد حوار فاشل جدا