سؤال بخصوص كاميرات التصوير الـ semi Professional

السلام عليكم جميعا

وكل عام وحضراتكم جميعا بخير

ان شاء الرحمن ناوى اشترى كاميرا semi Professional
لغاية لما اتعود عليها

ف مش عارف ايه أفضل الأنواع واللى يقدر يساعدنى بجودة عالية وتأثيرات كويسة
مع العلم ان معظم التصوير حيكون لمناظر طبيعية فى ظروف مختلفة ده غير التصوير العائلى فى المناسبات العادية

فلو تكرمتم وفيه حد يقدر يقولى ياريت يفدينى

انا شوفت الكاميرا دى ومش عارف اذا كانت مناسبة ام لا


Nikon L310 (14.1MP, SLR Camera) مصر | سوق

Nikon Coolpix L-810 16.1MP Digital Camera ( Bronze ) مصر | سوق

FujiFilm S4500 14 Megapixel Black Digital Camera مصر | سوق

فين عمالقة التصوير ؟:)

بص ياباشا اولا انتا مورينا 3 كاميرات منهم 2 نيكون واحدة اعلى من التانية و التالتة فوجى انا شخصيا بارشح الl810 و ممكن تعمل مشوار لوسط البلد كاميرا شوب او لاكى او الشناوى المهندسين و هتلاقى اختيارات اكتر
محمد عادل

شكرا على الرد

لو فيه حاجه تانيه ممكن ترشحهالى ياريت تقولى

الشكر لله
بس حضرتك لازم تحدد الفئة السعرية اللى بتتكلم فيها
ثانيا بما انك من اهل اسكندرية الجدعان ففى الشناوى فى محطة الرمل
و ده لينك ليه
كاميرات ديجيتال وفيديو | Cameras & Camcorders - أحدث أسعار أجهزة المحمول بمصر

رينج السعر ممكن يكون فى حدود 2000 جنيه

ورأيك برضه فى نيكون ولا كانون ؟؟

عاوز حاجه يا طويل
بتنادي يا واد ؟؟
هههههههه
انا شايف ان الفوجي الي انت حاططها امكانياتها قريبه من الي انت شوفتها معايا يوم ما كنا علي القهوه مع ابورقيه
لو تحب نتقابل وتجربها من عيوني يا كبير وتجيلك لحد عندك وممكن تاخدها لفه وتسيبلي الالنترا لفتين
ماهي معرفه مصلحه اصلها هههههههههههههه

شنـــــــــــــو حبيب هارتى

الالنترا مش مقامك يا شنورى انت مقامك البورش :00020140:

هيا موديلها ايه اللى معاك ؟؟

اقتباس:

---

المشاركة الأصلية كتبت بواسطة mido777

شنـــــــــــــو حبيب هارتى

الالنترا مش مقامك يا شنورى انت مقامك البورش :00020140:

هيا موديلها ايه اللى معاك ؟؟

---

فوجي sl300
فيه دلوقتي حاجات احدث منها بس انا كان قصدي انك تعرف حدود الاوبشن وامكانيات التصوير بيها قبل ما تشتري

طيب اية رأيكم في الكاميرتين دول :
1- Canon PowerShot SX40 HS

2-Nikon Coolpix P510

اي كاميرا افضل طبعا الاتنين فيهم اوبشن كتير بس في رأي خبراء التصوير ترتيب الاولوية اية .. من خلال قراءاتي علي النت الكانون بيركب لها فلاتر وبطارياتها اكبر بس الثانية زوم اكبر واحدث من الكانون ...في الاخر بقي يعني لو عايز اشتري اجيب اية ؟؟؟؟
وسعر الاثنين متقارب ...

سؤال سريع .. اية هو الفيو فيندر ؟؟؟؟

ياريت محترفين التصوير يفيدونا برأيهم في مقارنة بين الاتنين وهل يعتبروا افضل اختيار في السعر دة والماركة لا تخرج عن الاتنين دول ولا في اختيارات اخري ....

اقتباس:

---

المشاركة الأصلية كتبت بواسطة solyelissa

طيب اية رأيكم في الكاميرتين دول :
1- canon powershot sx40 hs

2-nikon coolpix p510

اي كاميرا افضل طبعا الاتنين فيهم اوبشن كتير بس في رأي خبراء التصوير ترتيب الاولوية اية .. من خلال قراءاتي علي النت الكانون بيركب لها فلاتر وبطارياتها اكبر بس الثانية زوم اكبر واحدث من الكانون ...في الاخر بقي يعني لو عايز اشتري اجيب اية ؟؟؟؟
وسعر الاثنين متقارب ...

سؤال سريع .. اية هو الفيو فيندر ؟؟؟؟

ياريت محترفين التصوير يفيدونا برأيهم في مقارنة بين الاتنين وهل يعتبروا افضل اختيار في السعر دة والماركة لا تخرج عن الاتنين دول ولا في اختيارات اخري ....

---

اى واحدة من الاتنين دول اختيار اكتر من هايل
معظم المقارنات بتقول ان
الكانون الفيديو اللى فية افضل
النيكون الصور الثابتة فية افضل
الفيو فيندر دة فتحة العين اللى بتبص منها بدل ما تصور من الشاشة على طول ودة بيبقى موجود فى السيمى والبروفيشنال ومش حتلاقية فى الديجيتال العادية :)
نصيحتى الارخص فيهم هاتها الاتنين خرافه

اقتباس:

---

المشاركة الأصلية كتبت بواسطة solyelissa

طيب اية رأيكم في الكاميرتين دول :
1- canon powershot sx40 hs

2-nikon coolpix p510

اي كاميرا افضل طبعا الاتنين فيهم اوبشن كتير بس في رأي خبراء التصوير ترتيب الاولوية اية .. من خلال قراءاتي علي النت الكانون بيركب لها فلاتر وبطارياتها اكبر بس الثانية زوم اكبر واحدث من الكانون ...في الاخر بقي يعني لو عايز اشتري اجيب اية ؟؟؟؟
وسعر الاثنين متقارب ...

سؤال سريع .. اية هو الفيو فيندر ؟؟؟؟

ياريت محترفين التصوير يفيدونا برأيهم في مقارنة بين الاتنين وهل يعتبروا افضل اختيار في السعر دة والماركة لا تخرج عن الاتنين دول ولا في اختيارات اخري ....

---

الكانون افضل
وعلشان تحكم عليهم صح
لازم تجرب الاتنين
انا فضلت الكانون
والاوبشن بتاعها اعلى فى حاجات
وليها فلاتر موجوده فى السوق

انا من تجربتي ... النيكون من أفضل الكميرات من ناحية الإحترافيه و العدسات

اقتباس:

---

المشاركة الأصلية كتبت بواسطة mohammedabdallh

الكانون افضل
وعلشان تحكم عليهم صح
لازم تجرب الاتنين
انا فضلت الكانون
والاوبشن بتاعها اعلى فى حاجات
وليها فلاتر موجوده فى السوق

---

عبد الله باشا
ماهى الفلاتر ؟

الفلاتر باختصار
تضيف\ تزيل \ تحسين
يعنى مثلا نقول فلتر ازرق
كمثال بيزود لون السما وبيخلى الالوان زاهيه اكتر من من عدسه الكميرا نفسها
وده موضوع عن الفلاتر يارب يعجبك
http://www.friendsoflight.com/forum/...81%D9%8A%D8%A9

شكرا ياباشا على المعلومه
ده الموضوع طلع كبير

في حدود السعر ده احسن حاجه فوجي

فيها امكانيات كويسه قوي على السعر

ولكن لو عندك استعدادتزود شويه يبقى كانون

وده موقع فيه تقريبا كل الكاميرات وممكن تعمل مقارنه جوه الموقع

http://www.dpreview.com/products/cameras

اقتباس:

---

المشاركة الأصلية كتبت بواسطة mido_soliman

اى واحدة من الاتنين دول اختيار اكتر من هايل
معظم المقارنات بتقول ان
الكانون الفيديو اللى فية افضل
النيكون الصور الثابتة فية افضل
الفيو فيندر دة فتحة العين اللى بتبص منها بدل ما تصور من الشاشة على طول ودة بيبقى موجود فى السيمى والبروفيشنال ومش حتلاقية فى الديجيتال العادية :)
نصيحتى الارخص فيهم هاتها الاتنين خرافه

---

شكرااا علي التوضيح يا باشا ... لما قرأت المقانة بين الكاميرتين لاقيت مكتوب فيوفيندر 95% قلت يمكن فتحة العين بس مافهمتش ازاي يعني 95% ...

اقتباس:

---

المشاركة الأصلية كتبت بواسطة mohammedabdallh

الكانون افضل
وعلشان تحكم عليهم صح
لازم تجرب الاتنين
انا فضلت الكانون
والاوبشن بتاعها اعلى فى حاجات
وليها فلاتر موجوده فى السوق

---

ما انا مش حينفع اشتري الاتنين علشان اجربهم وما اعرفش حد معاه .. علشان كدة قلت اسأل اللي جربهم او الناس اللي فاهمة في الكاميرات والتصوير... في ناس كتير بترشح الكانون بس النيكون دي فيها ميوة حلوة gps ويقال بتكتب مكان الصورة علي ضهر الصورة حاجة كدة يعني بس مش عارف دة حيشتغل في مصر ولا لا علشان اغلب ال gps في مصر بتهيس علشان الخرائط قديمة

اقتباس:

---

المشاركة الأصلية كتبت بواسطة solyelissa

ما انا مش حينفع اشتري الاتنين علشان اجربهم وما اعرفش حد معاه .. علشان كدة قلت اسأل اللي جربهم او الناس اللي فاهمة في الكاميرات والتصوير... في ناس كتير بترشح الكانون بس النيكون دي فيها ميوة حلوة gps ويقال بتكتب مكان الصورة علي ضهر الصورة حاجة كدة يعني بس مش عارف دة حيشتغل في مصر ولا لا علشان اغلب ال gps في مصر بتهيس علشان الخرائط قديمة

---

ربنا يصلحلك الحال
وتجيب الى تنبسط بيها وترضى كل احتياجاتك

اقتباس:

---

المشاركة الأصلية كتبت بواسطة mido777

رينج السعر ممكن يكون فى حدود 2000 جنيه

ورأيك برضه فى نيكون ولا كانون ؟؟

---

اسف على التأخير فى الرد ...بص يا استاذ انا فى دراستى كنت بستعمل canon AE1 program و كانت كاميرا اعتمادية جدا و بالنسبة لى الكانون اعلى مع العلم ان نيكون كانت اسرع فى اصدار التكنولوجيا و فى شغلى اغلب العدسات اللى بنشتغل بيها كانون و فوجى ( عدسات محترمة جدا )
الخلاصة انا اميل للكانون لو صناعة كويسة

استفسار سريع جداااا
اية رأيكم في FUJIFILM Digital Camera S2980
هل هي كاميرا جيدة ولا لا .؟؟ علي قد ما فهمت هي مانوال و اوتو بس ياريت الناس المحترفة تبص علي مواصفاتها الشتر والبروسيسور والعدسة والكلام دة وتقولي هل تستحق الاقتناء كبداية ولا لا ؟؟؟
هي لسة نازلة عرض في كارفور ب 999 ومعاها جراب وكارت ميموري
انا كنت عايز اجيب كانون xs40 او نيكون p150 بس لسة الفلوس مش كاملة دول في حدود 2800 ... لاقيت عرض كارفور علي الكاميرا دي قولت اسألكم الاول يمكن تكون حلوة الحق اخدها

اية رايكم ...؟؟؟
FinePix S2980 | Specifications | Fujifilm CanadaFinePix S2980 | Specifications | Fujifilm Canada

حد يفيدنااا بأي حاجة الكاميرا قبل ما تخلص من كارفور .... اية رايكم

nikon 1
cannon 2
sony 3
anything else