السلام عليكم ورحمة الله وبركاته ..قرات فى احدى اعلانات بيع السيارات مايلى سياره كارينز ،الرفارف والعتب منفوخين !!! عايز اعرف يعنى ايه الكلام ده وازاى يتعمل....وشكرا
عرض للطباعة
السلام عليكم ورحمة الله وبركاته ..قرات فى احدى اعلانات بيع السيارات مايلى سياره كارينز ،الرفارف والعتب منفوخين !!! عايز اعرف يعنى ايه الكلام ده وازاى يتعمل....وشكرا
اللي أعرفه إن منفوخين دي حاجة وحشة مش حلوة .. بتوع السمكرة بيقولوها لما تبقى حاجة متسمكرة و واخده معجون كتير أو راكبة عالضيق فمتنية شوية .. اللي يعرف حاجة عن الكلام ده يفيدنا
ماشى الكلام ده بس ده معتبرها فى صيغة الاعلان وكأنها ميزه مش عيب...طب ازاى ؟!!!
هههههههه أسمحوا لى أفتى فى الحكاية دى !!!
تنفيخ الصاج يعنى يخليه منبعج للخارج كنوع من الترويش لشكل العربية اللى بيعمله بعض الشباب فى عربياتهم وتبقى الرفارف عاملة زى رفارف الفولكس الخنفسة !!!!
يمكن البائع بيفتخر انه مروش العربية !!!!
في عربيات بتنزل فابريكه فيها تنفيخ زى مثلا السوبارو الامبريزا لو عايز تعرف شكل التنفيخ بيبقى ازاى . بالنسبه للكارينز طبعا الكلام ده بيبقى معمول عند سمكرى ، يعنى عربيه جديده ملعوب فى الصاج بتاعها و احتمال كبير يبقى فيها رش لاجزاء بعد السمكره و لك ان تتخيل ان فى ناس ممكن ما تشتريش عربيه او حتى تنزل من تمنها علشان رشه اكصدام لانه قشر فقط او بسبب الخرابيش و مش نتيجه خبطه فما بالك باللى ودى العربيه لسمكرى يعدل فى الصاج بتاعها و يحط التاتش بتاعه ممكن يبقى فيه ايه و ايه اللى خلاه يعمل كده؟ لو حتى كان نوع من الرواشه يا ترى هيبقى عامل ايه فى الموتور و العفشه و سواقته روشه كده برضه؟ نصيحه لو بتشترى عربيه موديل حديث كسر زيرو حاول تدور على حاجه تكون بحاله الفابريكه زى ما طلعت منها ممكن يبقى مغير كاسيت و لا سماعات ولا جنوط ده آخره لكن مش من اولها لاعب فى صاج العربيه و هى لسه جديده
شكرا لكل الاراء انا لابمكن اعمل كده فى عريبتى ده يس استفسار وللعلم وشكرا على النصايح الغاليه