الموضوع: 15 فرق بين الماتريكس الـold shape و الـnew shape

اليوم كان عندى مشوار بالقرب من توكيل هيونداى بالأسكندريه فذهبت لأتعرف على الماتريكس الnew shape وبالفعل كان معروض أثنين واحدة سوده والثانيه باذنجانى فاتح
للوهله الأولى الـnew shape أحلى ولكن بعد المعاينه والتى استغرقت حوالى 10 دقائق أتضح لى ان اللى عاوز يركب ماتريكس يلحق يشترى الشكل القديم قبل ما يخلص للأسباب الأتيه وخاصه انى معايا ماتريكس من حوالى سنه

1_ التابلوه بدل لونين رمادى غامق فى رمادى فاتح أصبح رمادى غامق فى أسود .

2_ الفرش الداخلى للصالون والأبواب أقل من مثيلاتها السابقه لونا وجودة.

3_ نوعيه بلاستيك الأكر وزراير الزجاج أقل جوده .

4_ لا يوجد مخرج كهرباء بالشنطه .

5_ الشماسات الأماميه لا يوجد بها مرايات داخليه .

6_ الفوانيس الأماميه بارزه للخارج من الأجناب وعرضه للكسر بصوره رهيبه .

7_ دواير فوق العجل بالرفارف الأماميه بارزه للخارج وعرضه للحك .

8_ العواكس الخلفيه بالأكصدام الخلفى قابله للكسر عند أول ركنه بالخلف.

9_ الأكصدامات الأماميه والخلفيه مصنوعة من بلاستيك riged ذى الأسبرانزا قابل للكسر اكثر منه قابل للثنى .

10_ البار الحديد خلف الأكصدام الأمامى ضعيف ممكن ثنيه بسهوله .

11_ تقفيل حوض الموتور بعد تعديل شكل الكابوت مش حلو به لحامات كثيرة والموتور غاطس لتحت .

12_ الستارة الأماميه تبرز الريداتير ومروحه التبريد من خلفها بشكل لافت للنظر .

13_افتقدت لوضعيه القياده الرائعه التى كانت تميزها حيث السائق يرى كرش الكبوت (معلش لم أجد غير هذا التعبير).

14_ الكاوتش بريدجيستون حلو مش بطال.

15_ اصبحت من الأمام i10ومن الخلف ماتريكس .

من الأخر حبو يكحلوها عموها ومش بس كده غلوها كمان
هذا للأمانه ولمن يريد ان يركب ماتريكس السياره الجميله ومن الممكن التأكد من هذه الفروق بسهوله جدا عند المقارنه بين الـold shap والـ new shape

تقريبا شكلها ذى البيكانتو ولكن البكانتو أحلى لأنها متوافقه مع بعضها فى الشكل والحجم ولكن الماتريكس الشكل الجديد حاسس ان فيه حاجة غلط
وأتوقع ان سعرها حينزل على الأقل 5000 جنيه فى القريب العاجل
غبور طول عمره بيحسبها صح ولكن أعتقد المره ديه جت out
الله يمسيك بالخير يا عمرو يا أسكندرانى