مساعده ضرورى

**koshary** · 17-10-2012 07:59 PM

المشاركة الأصلية كتبت بواسطة lanos2004

لو معاه رقمك يبقه حد يعرفك-او يعرف ميكانيكى انته اتعاملت معاه او سبتله العربيه وطلع على المفتاح

كنت لسه هكتب نفس الكومنت ده وانا برجح الفكرة دى تمامااا وعلى العموم انتظر مكالمة منه او كلمه تانى وكده الحمد لله فيه امل ربنا معاك ان شاء الله يايحى بجد بنتمنالك كل خير

**abo-berry** · 17-10-2012 08:08 PM

المشاركة الأصلية كتبت بواسطة المنسي

على حد معلوماتى ان صعب تعرف بيانات صاحب رقم التليفون من اى شركة الا بإذن من النيابة من رايي اصبر عليه لغاية مايكلمك تانى وبعدين انت كده كده لازم هتروح تعمل محضر بسرقة العربية وكمان قول لهم على اللى حصل معاك وطبيعي هيردو عليك ويقولولك فى القسم لو حد منهم كلمك بلغنا وده الطبيعي اللى بيحصل مع اى عربية بتتسرق وربنا يردهالك من غير ماتدفع ولا مليم

ماهو عشان كده انا بسأل لو حد يعرف حد فى النيابه, وبالنسبه للمحضر انا عملته يوم ما اتسرقت

**abo-berry** · 17-10-2012 08:13 PM

المشاركة الأصلية كتبت بواسطة lanos2004

لو معاه رقمك يبقه حد يعرفك-او يعرف ميكانيكى انته اتعاملت معاه او سبتله العربيه وطلع على المفتاح

ده احتمال كبير انه يعرفنى , بس قصة الميكانيكى صعب لانه فى القاهره وانا فى اسكندريه , وغير كده الميكانيكى ده ناس كتير من الهونداويه راحتله

**tarekzein** · 17-10-2012 08:20 PM

ربنا يوفقك يايحيى وتلاقيها بإذن الله
قلبى معاك

**abo-berry** · 17-10-2012 08:22 PM

المشاركة الأصلية كتبت بواسطة blazer

شبكة الخط ايه
بس اعتقد غالبا الخط مش مسجل

اتصالات ياباشا
انا محتاج اى معلومه عنه

**abo-berry** · 17-10-2012 08:26 PM

المشاركة الأصلية كتبت بواسطة koshary

كنت لسه هكتب نفس الكومنت ده وانا برجح الفكرة دى تمامااا وعلى العموم انتظر مكالمة منه او كلمه تانى وكده الحمد لله فيه امل ربنا معاك ان شاء الله يايحى بجد بنتمنالك كل خير

ربنا يكرم يا كشرى

**abo-berry** · 17-10-2012 08:28 PM

المشاركة الأصلية كتبت بواسطة tarekzein

ربنا يوفقك يايحيى وتلاقيها بإذن الله
قلبى معاك

يارب يا أ / طارق

**Hamdy Masria** · 17-10-2012 10:15 PM

ربنا معاك

**Ahmed_Adham** · 17-10-2012 10:54 PM

انت بتقول انك عامل محضر يبقى تروح القسم وتثبت المكالمه ورقم تليفون اللي اتصل بيك في المحضر وهما اللي هيبعتو لشركة الاتصالات عشان يجيبو صاحب الرقم. بس خد بالك من حاجه. انت حطيت اسمك ورقم موبايلك وبيانات العربيه هنا فى المنتدى اللي بيشوفه أي حد فممكن واحد سخيف بيلعب بأعصابك بس لو منك أعمل اللي قلتلك عليه ولو واحد بيهزر يدفع تمن هزاره السخيف.

**michohat** · 17-10-2012 11:40 PM

الشرطه لا تحل ولا تربط انت فكر ازاي الراجل جاب رقم تليفونك هل انت سايب حاجه ف العربية بتدل على شخصيتك
او سايب كارت اي حد او اي نمره تليفون لاي حد عارفك لان اللي بيسرق وبيكون عاوز يكلم صاحب العربية بيكلم النمر الموجوده ف العربية علشان يوصل لصاحب العربية فانت افتكر هل سايب كروت ليك هل سايب كروت لحد او ورقه عليها رقم تليفون حد واسمه ممكن هما يكونوا كلموه وجابوا نمرتك منه

والشرطه معندهاش حل لانهم لسه عاوزين القواضي تيجي ليهم محلوله واحد صاحبي لسه كان مسروق منه عربية بيجو 505 وعمل محضر ف الشرطه ولانه ضابط جيش عمل محضر برضه ف الشرطه العسكرية فلك ان تتخيل ان المحضر بتاع الشرطه العاديه مش اتحرك ولا اتبلغ به اي كمائن او حاجه ( حطوه ف الدرج) لولا المحضر بتاع الشرطه العسكرية اتوزع ع الكمائن والدوريات الحمد لله العربية جت ولقوها
وفي الاخر بعد الراجل ما راح خد واستلم عربيته من الشرطه العسكرية
الشرطه العاديه بتكلمه وتقول له احنا لقينا العربية وتعالى خدها شوفتوا المهزله