صلاحية الكاوتش الأستبن

**khmshry** · 18-10-2012 05:15 PM

المشاركة الأصلية كتبت بواسطة se_coralsea

الكاوتش ده ممتاز بس للاسف ما أعرفش سعره كام

طب متعرفشي الاقيه فين

**dr.hazem** · 18-10-2012 05:32 PM

المشاركة الأصلية كتبت بواسطة aymn6666

الكلام ده علي عموم الكوتش يعني كل الانواع والمركات
يعني الميشلان ذي الهانكوك ذي الاسا ذي النسر

ايوة ياعزيزي ده الرقم لكل الانواع والماركات والصناعات
لانه متوسط
بمعنى في حاجات ممكن عمرها ينتهي على35 ألف وحصلت معايا في جود يير كاوتشين اتلوحو وواحد ضرب سلك وغيرت الاربع فرد

وفي كاوتش ممكن يقعد لحد 70 ألف واعرف ناس قعدته اكتر من كده بس ايا كان اهو في
فانا بقول المتوسط 50

وطبعا ده راجع لاختلاف التصنيع والتواريخ والشوارع اللي بنتعامل معاها وهل بنحافظ على6 ضغط الهوا مظبوط ولا لا لان الزياده بتبوظه والتقليل بيبوظه

تحياتي

**khmshry** · 20-10-2012 02:18 PM

وكمان استفسار ايه رأيكم في
Carat Progresso -185/65r14 كاوتش فولدا حد يعرف سعرها كام ومنين
مفيش حد سامع عنه ولا ايهههه
مستني ردودكم ياشباب الموقع
مستني ردودكم بشباب

**A.Saad** · 21-10-2012 02:34 PM

فولدا ستجده فى ارابكوم
دور على النت بالموديل ده وشوف التقييمات ليه ايه الاول قبل الشراء

**MMamdouh** · 21-10-2012 02:59 PM

الكاوتش ملوش تاريخ صلاحية محدد

فى بحث اتعمل فى امريكا عن حوادث الطرق اللى كان سببها مشاكل فى الاطارات و وجدوا ان 88% من الحوادث دى كان الكاوتش عمرة تجاوز 6 سنوات و فى نهاية التقرير طالبوا ان الحكومة الامريكية تفرض على مصنعى الاطارات كتابة تاريخ صلاحية 6 سنوات على الاطارات الا ان دة لم يحدث حتى الان

من خلال التقرير دة نقدر نعرف ان نسبة الامان فى الاطار بتنخفض بشدة بعد مرور 6 سنوات على انتاجة و فرصة انفجارة بتتضاعف بالتالى من الافضل عدم استخدام اى اطار مر على تاريخ انتاجة 6 سنوات

MMamdouh