الموضوع: شكلهم ها يمشونا ملط -- منك لله يا حكومه

بغض النظر عن الموضوع لانى لا استطيع ان افتح جريده اليوم السابع و لا احترمها بس لى شوية كلام عاوز اقوله بعد اذنك عن تلك المواضيع

اولا : تعرف ان كان زمان فى ضريبه بتتدفع على الناس اللى عندهم تليفزيون و قبلها بفترة كانت على الراديو

نشد خط و نتكلم :)
-------------------------------------------------------------

اى مؤسسه ( بيتك - شركتك - بلدك ) لها حد اقصى من الدخل و يجب ان يكون لها حد ادنى من النفقه حتى لا تضطر الى الاستدانه او الفلس او الجوع

يعنى مثلا ماينفعش يكون دخلك 10 جنيه فى الشهر و تدىى مصروف لولادك الاربعه كل واحد فيهم 2.5 فى اليوم

و المفروض ان ولادك ما يكلفوكش اكتر من دخلك
يعنى مايجيش العيل الصغير و يقولك انا دخلت سينما امبارح مع خطيبتى و طلعنا اكلنا عند ماك و دفعنا 50 جنيه :)
اول حاجه هاتعملها معاه ان بالقلم على وشه و تفسخ الخطوبه و تقوله

خلى عندك دم - دا اللى مايشوفش من الغربال يبقى اعمى


طيب لو سيادتك المدير قالك انت علشان بتشتغل كويس لك مكافأه الشهر ده
فرحت انت بالمكافأه و قولت للعيال مصروفكم الشهر ده هايبقى الدوبل

و رجعت الخطوبه تانى و صالحت ابنك و الدنيا زى الفل

الشهر اللى بعد ماخدتش مكافأه ( عادى ما هى مش كل يوم )

و اول ما دخلت مالبيت لقيت الواد بيقولك انا مادخلتش سيما مع خطيبتى بس ودتها مطعم ابو فلوس كتر منه
و المدام نطت فى وشك و قالتلك الغساله موتورها اتحرق
و ييجى حيلتها الصغير و يقولك كسرت ازاز عم ممتاز بالكوره و عاوز يكلمك

تعمل ايه ساعتها يا حلو
يا تنتحر
يا تسرق
يا تنتن يا تنتن و الاتنين ......................

---
حد فهم حاجه

الناس طالبت بفلوس زياده
و فعلا فى كتير مرتباتهم زادت
قوم ايه الناس انبسطت ان معاها فلوس و عاوزه تعيش زى اللى بتشوفهم

بقى السيد المحترم ابو منطلون من الباله ماسك البلاك بيرى و قاعد على قهوة ولى النعم
و الباشا اللى كان لما بيركب اتوبيس جيرانه بيحسدوه - اشترى موتوسيكل و جاره حب يغيظه
اشترى عربيه بالتقسيط و هو مش عارف هايدفع منين باقى اقساطها و هلم جرا

و طبعا انتم عارفين الباقى
الناس دى اتبهدلت فعملت ايه
عملت مظاهرة و اعتصام علشان مرتبها يزيد تانى و فعلا الحكومه زودته مرة تانيه

و حصل اختلاف فى حياة الناس دى
ان ابومنطلون بقى ماسك اى فون بدل البى بى
و ابو فسبه اشترى عربيه بالقسط ( هو جاره احسن منه )
و ابو عربيه ما عملش حاجه علشان رحمه من الدنيا فى حادثه بالعربيه الجديده

لا انكر على الناس حقها فى العيشه و التطلع الى الافضل و لكننا للأسف شعب استهلاكى و سفيه
الدوله عليها مسئوليه و لكننا فى مرحله يجب ان نتحمل المسئوليه معها

و للحديث بقيه

تمام
التكييف رفاهية مش متاحة لناس كتير
ودعم الكهرباء (بيتحمله الفقير والغني)
ليه الفقير يتحمل تمن رفاهية الغني

اغنية ااااااااااايه وفقير ايه بس .... ايه الهجايص دي بس هيا عربية هنقول. الي راكب شبح معاه والي راكب هونداي ممعهوش....

وبعدين التكيف الي بيعتبروه كماليات .... ما بيشتغلش غير لمن تكون درجة الحرارة ٣٩ او اربعين غير كده الناس عايشة على المروحة .... وتكيف هو مره في العمر الواحد بيشتريه مش كل يوم. حتى لو كان مبيشغلهوش ... ده احنا حتى لمن يموت لنا ميت في البيت بندور على اوضة فيها تكيف لحد ما نطلع تصريح الدفن ونغسلوا

يعني التكيف. مش اكسسوارات في البيت .... ومش عاوز اقولكم ان التكييف ضروووووورة للحياة الزوجية واستمرارها وضرورة حتميه في اوضة النوم بالذات هو مش لازم اتنين حصان كفاية حصان ونص سيدي القاضي .

مش معقوله ياجماعه هنبقى عايشين في بلدنا وكل شيء نحاسب عليه ما تتنيلوووو ترفعوا الدعم بقه وترفعوا الجمارك على الناس. وتخففو الضرايب وتمشوا تلات تربع الموضفين الي ملهومش لازمة. وخلصونا بقه. ده انتوا مش ناقصين غير تشوفوا كل واحد عندوا كام قميص في دلابوااااا ولا كام لباس وتاخدوا عليها ضريبة رفاهية
@@@@@@@
بلد مايعلم بيها الا ربنا. قال اصلاح قال

المشاركة الأصلية كتبت بواسطة a7med_pharma

تمام
التكييف رفاهية مش متاحة لناس كتير
ودعم الكهرباء (بيتحمله الفقير والغني)
ليه الفقير يتحمل تمن رفاهية الغني

ماهو يا دكتور احمد معدش في فقير ولاغني الكل في البلد دي غلبان دي حاجة. .... الحاجة التانية. بتقول اصل الغني بياخود حق الفقيرررررر
انتا تعرف ان الفقير الي بنتكلم عليه ابو دعم عايش عالة على المجتمع. على الاقل الغني ده مش غني من فراغ الا انوا انسان منتج. وبيقدم خدمات للمجتمع. بعكس واحد عايش بيمص دم المجتمع. وقاعد عايش على اعانت الدولة واعانت الناس .... حتى لو كان مش زنبهم واتولدوا كده الى اخرررره بس انا بشوف ان الغني او اصحاب الطبقة المتوسطة بخلاف انهم بينتجوا وبيدفعوا حق الدولة بالكامل .... من حقهم يلاقوا الخدمات. بالسعر العادل .... احنا مش عاوزين نعمل عملية تخفيف جيوووووب الاغنياء وتنشيف جيوب الطبقة المتوسطة. علشان فالنهاية واحد ملهوش لزمة في المجتمع يعيش انشالله عن اهلوا ماعاش .... مش كفاية هوا عايش عوالة على المجتمع وعلى الناس ثم الطعم الي بيجيلو ده ماهو من جيوب الناس .... ازاي تحرم الناس من الدعم ( الوهمي ومن حقوقهم ) بحجة حق الغلابة. كت كسر حقوهم .... مش كفاية الفلوس الي بتتشفط مننا اول باول ومش عارفين نعيش ولا نستمتع او نتهنى بحياتنا. وكل ده علشان توصلهم رغيف الخبز او العيش ... عمالين نكوووع في فلوس نكووع في فلوووس عمال على بطال ويقولك حق الفقير .... ده حتى الشرع حدد ليهم نسبة في السنة اسمها زكاه مش عمال على بطال. .... طبعا بخلاف الشحاتين الي بتقابلهم يوماتي في كل اشارة وفي كل نصية وفي كل شارع ..... يعني الموضوع زاد عن حدوا وبقت نهيبهة. وشفط في شفط

وياريت في المقابل بيعاملوك بادب وباحترام الا لو طال الفقير يشوح في وووشك او يضربك او ينهبك او يقل ادبوا عليك مش هيقصر .... يعني من الاخر حسنة وانا سيدك .... وميعرفوش ان ماما الحكومة بتديهم الدعم من جيوبنا وضرايبنا

فمتقوليش ياباشا الغني مش محتاج دعم احنا مش عاوزين نجفف جيوووب الناس ونشفها ونصبح مجتمع لافيه غني ولا فقير ولا متوسط الدخل. ويبقى كلوا سايح في كلوا .... كده المجتمع ينهار واذا انهار المجتمع تنهار الدولة. حتى لو عبت خزاينها

@@@@@@@@@

وتحياتي