قصة حياتى مع الموتوسكيلات برجاء الدخول

**KHALED2010** · 31-10-2012 02:14 AM

المشاركة الأصلية كتبت بواسطة thebast

ماشى يا غالى هجبهالك من الاول خالص
المكنة كان فيها عيوب كتير اوى وهو مقاليش حاجة اولا البطارية كانت مملحة وكانت تعبانة وهو قالى لا دى عاوزة تتغير ماية وبس واتاريها شغالة بقالها 3 سنين لاحد ما الدود كالها النور الكشاف محروق والكلاكس وهو قالى لما البطارية هتغير الماية هيشتغلوا وهما اصلا محروقين
انا غلطت لانى مش كنت عارف اتعامل مع المرور بس خلى بالك دة لسة مجددها الرخصة يعنى معلهاش مخالفات والمخالفة اتحطت بعد ما اشتريتها بشهرين يعنى لما اشتريتها مكانتش عليها مخالفات فعلا
امين الشرطة ولا ظابط الشرطة مش هيعرف يعمل حاجة لان المخالفات من اختصاص نيابة المرور وعلشان تقابل رئيس النيابة ولا حد منهم ولا كانك بتقابل محمد مرسى
وعلشان اعمل معارضة وانزلها لازم والدتة هى الى تيجى تعملها وانا مش راضى ابهدل واحدة ست معايا
كلمت اهلة قالولى ملناش دعوة دى حاجة بينك وبين خالد
اخوة الى بيقولك ظابط دة لسة طالب مش اتخرج ولما دخل لرئيس النيابة قالة روح اعمل معارضة ملكش حاجة هنا
هو معاك اة ابن حلال وطيب ويعملك البحر طحينة لاكن وقت الجد متلقهوش
قولت ربنا هداة بعد الجيش وبعتلة رسالة بلاش اقولك رد وقال اية لانة شتم بالام وبالدين وبكل حاجة تتخيلها
ها فى حلول تانية ؟
حسبى الله ونعم الوكيل حسبى الله ونعم الوكيل

فى البداية السلام عليكم الاول
طبعا انا مش هرد عليك يامحمد لان انا عارف انى مقصر معاك والله بس غصب عنى بجد انا يادوب خدت شهادت الجيش من هنا وجهزت ورق الباسبور وانا لو مكانك كنت هعمل ال انت عملته بس خلى بالك ان انتا لما اشترتها مكانش عليها مخالفات اصلا وانت قولت ان المخالفات اتحطط بعد الشراء بشهرين ده معناه انها غلطه مرور وانا وانتا اتدبسنا فيها وبعدين الرسالة ال انت بعتهالى يابنى والله انا ماكنت اعرف مين وحصل بسببها مشكلة كبيرة جدا مع ابن خالتى لان كان فى مشكلة بينى وبينه والله ومكنتش اعرف انه انتا طب بدل ماتقولى حسبى الله كنت قولى ياخالد انا محمد والله العظيم كنت هكلمك وبعدين انت مزعل نفسك عشان موتوسكل ب 2000 جنيه ياعم شهر بالضبط واشتريه منك بال انت صرفته عليه ولا تزعل نفسك انا الجيش علمنى حاجات كتير جدا اهمها ان صاحبك بختك وانت صاحب محترم واصبر عليا شوية وانا والله العظيم هتلاقينى بكلمك وبقولك انا عايز اشترى الموتوسكل تانى وبعدين ياعم ماتزعلش اوى كده وعسي ان تكرهوا شيء وهو خير لكم عموما انا اليومين دول مشغول جدا يعنى تقريبا مش هعرف ادخل المنتدى بإستمرار وماتنساش تبعتلى رقمك وتبلغنى اسمك تحت الرقم وسلامى لكل رجاله وشباب المنتدى الحلوين ..يلا سلام عليكم اخوكم khaled2010

**charle** · 31-10-2012 02:17 AM

ماتزعلش نفسك يا محمد وان شاء الله خالد يكلمك وياعم ده انا موتوسكلى موتوره اتسرق منه وهوا واقف والموتور ب 6500 جنيه لوحده اعمل انا ايه بقى سبها على ربنا وان شاء الله خير

**thebast** · 01-11-2012 02:58 AM

المشاركة الأصلية كتبت بواسطة khaled2010

فى البداية السلام عليكم الاول
طبعا انا مش هرد عليك يامحمد لان انا عارف انى مقصر معاك والله بس غصب عنى بجد انا يادوب خدت شهادت الجيش من هنا وجهزت ورق الباسبور وانا لو مكانك كنت هعمل ال انت عملته بس خلى بالك ان انتا لما اشترتها مكانش عليها مخالفات اصلا وانت قولت ان المخالفات اتحطط بعد الشراء بشهرين ده معناه انها غلطه مرور وانا وانتا اتدبسنا فيها وبعدين الرسالة ال انت بعتهالى يابنى والله انا ماكنت اعرف مين وحصل بسببها مشكلة كبيرة جدا مع ابن خالتى لان كان فى مشكلة بينى وبينه والله ومكنتش اعرف انه انتا طب بدل ماتقولى حسبى الله كنت قولى ياخالد انا محمد والله العظيم كنت هكلمك وبعدين انت مزعل نفسك عشان موتوسكل ب 2000 جنيه ياعم شهر بالضبط واشتريه منك بال انت صرفته عليه ولا تزعل نفسك انا الجيش علمنى حاجات كتير جدا اهمها ان صاحبك بختك وانت صاحب محترم واصبر عليا شوية وانا والله العظيم هتلاقينى بكلمك وبقولك انا عايز اشترى الموتوسكل تانى وبعدين ياعم ماتزعلش اوى كده وعسي ان تكرهوا شيء وهو خير لكم عموما انا اليومين دول مشغول جدا يعنى تقريبا مش هعرف ادخل المنتدى بإستمرار وماتنساش تبعتلى رقمك وتبلغنى اسمك تحت الرقم وسلامى لكل رجاله وشباب المنتدى الحلوين ..يلا سلام عليكم اخوكم khaled2010

وعليكم السلام يا خالد
بص يا خالد انت لو كنت عاوز تعمل خير فعلا كنت عملت من الاول مش تشتغلنى وتقولى انك روحت وشلت المخالفات وانت اصلا مروحتش مش تقولى انا عملت وسويت وانت اصلا معملتش صح ولا اية ؟ وانا مش عارض الموتوسيكل للبيع انا عاوز اشيل المخالفات واجددة وخلاص
للاسف كلامك جة متاخر اوى للاسف انا اضطريت اعمل محضر وطبعا المحضر هيطلع لصاحب الرخصة الى هى والدتك ودة اجراء مكنتش عاوز اخدة فخلال يومين هيجلك محضر ليك ولوالدتك بسبب المخالفات فياريت الحكاية تخلص بسرعة لان انا مش عاوز اعمل كل دة بس انا مضطر

**thebast** · 01-11-2012 03:25 AM

تم الاتصال بخالد واتمنى ان يكون فى خير

**KHALED2010** · 02-11-2012 02:31 AM

المشاركة الأصلية كتبت بواسطة thebast

وعليكم السلام يا خالد
بص يا خالد انت لو كنت عاوز تعمل خير فعلا كنت عملت من الاول مش تشتغلنى وتقولى انك روحت وشلت المخالفات وانت اصلا مروحتش مش تقولى انا عملت وسويت وانت اصلا معملتش صح ولا اية ؟ وانا مش عارض الموتوسيكل للبيع انا عاوز اشيل المخالفات واجددة وخلاص
للاسف كلامك جة متاخر اوى للاسف انا اضطريت اعمل محضر وطبعا المحضر هيطلع لصاحب الرخصة الى هى والدتك ودة اجراء مكنتش عاوز اخدة فخلال يومين هيجلك محضر ليك ولوالدتك بسبب المخالفات فياريت الحكاية تخلص بسرعة لان انا مش عاوز اعمل كل دة بس انا مضطر

لا حول ولا قوة إلا بالله العلى العظيم

**KHALED2010** · 02-11-2012 02:33 AM

بعد إزن الادارة لغه الحوار والتهديد مكانها مش هنا بعد إزن الادارة للمرة التانية تضع حد للموضوع ده انا طبعا عضو قديم جدا فى نايل وغصب عنى لازم احترم الادارة ومش هتكلم غير بكلمه جميلة جدا لا حول ولا قوة الا بالله العلى العظيم

**thebast** · 02-11-2012 02:35 AM

المشاركة الأصلية كتبت بواسطة khaled2010

بعد إزن الادارة لغه الحوار والتهديد مكانها مش هنا بعد إزن الادارة للمرة التانية تضع حد للموضوع ده انا طبعا عضو قديم جدا فى نايل وغصب عنى لازم احترم الادارة ومش هتكلم غير بكلمه جميلة جدا لا حول ولا قوة الا بالله العلى العظيم

اية يا عم الحاج انت بتحسسنى انك اول مرة تسمع الكلام دة
دة انا اتصلت بيك مخصوص علشان اقولك ان حصل كدة وفى محضر جاى علشان مش تتفاجاة واتفقنا اننا هنخلص الموضوع يوم السبت
اية رجعت فى كلامك ولا اية ؟!

**yascro** · 03-11-2012 02:11 PM

المشاركة الأصلية كتبت بواسطة khaled2010

بعد إزن الادارة لغه الحوار والتهديد مكانها مش هنا بعد إزن الادارة للمرة التانية تضع حد للموضوع ده انا طبعا عضو قديم جدا فى نايل وغصب عنى لازم احترم الادارة ومش هتكلم غير بكلمه جميلة جدا لا حول ولا قوة الا بالله العلى العظيم

يا استاذ خالد ده موضوع شكوى ف احنا سمعنا من طرف وحضرتك ليك حريه الرد (فى حدود اللوائح و القوانين للمنتدى) و ممكن الموضوع يتقفل بعد زوال سببب الشكوى و انا مش شايف اى تهديد من العضو صاحب الشكوى

**thebast** · 03-11-2012 03:09 PM

واضح ان دعواتكم جابت نتيجة وربنا يخليكم
بصراحة خالد زوق ومحترم بس من الواضح ان فترة الجيش كانت مبهدلاة
روحنا انا وهو هناك نعمل معارضة تخفيض المخالفات واتحددلنا جلسة بعد 3 شهور
ادعولنا بقى تتشال ونرتاح
وان شاء الله ننهى كل الخلافات الى بنا

**thebast** · 19-02-2013 10:25 PM

السلام عليكم ورحمة الله وبركاتة
مبدئيا انا هقول كل الى حصل سواء ليا او عليا
بعد حوالى شهر من اتفاقى مع خالد وعمل المعارضة واخدنا تاريخ
فؤجئت بان تم اضافة الف جنية اخرى كمخالفة ارتكبت فى 2010 ( يعنى ايام ما كان المكنة مع خالد ) ليصبح اجمالى المخالفات الفين جنية
واستنيت لاحد قبل ميعاد المعارضة بكام يوم واتصلت بخالد وقولتلة لازم تكون معايا او تعملى توكيل عام قضايا قالى طيب تعالى اعملك التوكيل ورحنا الشهر العقارى ولاقيتة قافل قولتلة طيب اعملهلولى تانى يوم قالى انا فى شغل ومش هاجى غير الساعة 4 ( يعنى بعد ما الشهر العقارى يقفل ) والجلسة كانت اليوم الى بعدها قالى هات فلوس اعملك توكيل هات 50 جنية وانا اعملك التوكيل وابقى ابعتهولك فى اى وقت وانت تستأنف بية ( مع ان التوكيل ب 35 جنية وانا سالت علية بس هو مصر على المبلغ دة ) قولتلة تعالى معايا بكرة المعارضة قالى عاوزنى اجى معاك تدفعلى حق اجرة يومى فى الشغل 60 جنية واجى معاكى ( دة على اساس ان المخالفات دى انا الى عاملها ) وبكل برود يقولى يا عم بيعها ولا ارميها وهاتلك واحدة جديدة !! وكـــــــل الى همة فى الموضوع شكلة فى المنتدى يقولى انت رايح تكتب عليا فى المنتدى هو دة المهم عندة ومعندوش على لسانة غير كلمة القانون لا يحمى المغفلين لا عاوز افهم حاجة ان فى حاجة اسمها من غشنا فليس منا بس اقولك اية انت معندكش ضمير اصلا علشان تعرف من غشنا فليس منا دة انا دفعت لاحد دلوقتى هبل وورق والله حوالى 200 جنية يقولى وانا مالى ( طيب ارد اقولة اية )طبعا بعد كلامة الى بجد يعنى يدل على انة واحد حرام المكالمة فية انا سبتة ومشيت وقولت خلاص مش عاوز منة اى حاجة وروحت للمرور علشان اسجل المكنة باسمى واخدت فعلا شهادة بيانات وفحصت وروحت سجلت شهر عقارى وروحت النيابة علشان اقدر استأنف او اعمل اى حاجة لاقيتة بيقولى علشان البية مجاش المعارضة القاضى حكم ب مخالفات ب 6 الالف جنية حكم نهائى ولو عاوز تستأنف لازم تدفع ال 6 الالف جنية الاول وبكدة تكون المكنة انتهى القصة فى مخالفتها الى هتفضل موجودة لاحد ما تتفرتك ميت حتة وبالشكل دة نهاية المكنة دى عند اى كمين يلاقى الرخص منتهية وعليها غرامات
بص يا خالد انا مهما يجرى فى المكنة حتى لو هبيعا لبتاع الروبابكيا والله ما هتحوج ليك تانى ابدااااا ولا هطلب منك اى طلب نهائى وخلى سمعتك فى المنتدى الى انت خايف عليها دى اوى تنفع لان ربنا ولا هيكرمك ولا هيرزقك طول منا بدعى عليك وانا عارف ان كل الكلام دة ولا هيحوق فيك لان انت لو تعرف ربنا فعلا مكنتش عملت كل دة
انا مش عاوز منك اى حاجة انا عاوزك بس تعرف ان لما تلاقى البلاوى على دماغك وان ربنا مش مسهلها عليك تعرف بس ان دة ذنبى الى انت عملتة ووالله يا خالد انا بحسبن عليك فكل صلاة وكل وقت بجد حسبى الله ونعم الوكيل فيك وانا مش ندمان انى عرفتك بالعكس دة معرفتك عرفتنى ان فى ناس وحشين اوى فى الدنيا ومش اى حد يقولك كلام حلو يبقى كويس ولا زعلان على الى حصلى لان ربنا بيقول فى كتابة (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) فمعنديش حاجة اقولها غير لا حول ولا قوة الا بالله وانا لله وانا الية راجعون وحسبى الله ونعم الوكيل

برجاء من الاخوة الافاضل الدعاء لى بفك الكرب عسى ان يستجيب الله منكم
والسلام عليكم ورحمة الله وبركاتة