فرض ضرائب على اجهزة التكييف المنزليه .... اه يادماغى

قال الدكتور المهندس هشام كامل تمراز، عضو لجنة بحث عدم انتظام التيار الكهربائى التى شكلها رئيس مجلس الوزراء، إن اللجنة قدمت مقترحاً، ووافق عليه الدكتور هشام قنديل، رئيس مجلس الوزراء، لتحميل المواطنين رسوماً جديدة على كل من يمتلك جهاز تكييف بسرعة 2 حصان.

وأوضح- على هامش مؤتمر شركة شنيدر لإنتاج الطاقة الكهربائية بالخلايا الشمسية فى الوادى الجديد- أن اللجنة عرضت على رئيس الوزراء المقترح، وأبدى استعداده لتطبيقه، معللاً ذلك بأن سعر جهاز التكييف 2 حصان يتراوح بين 2 إلى 3 آلاف جنيه، بينما يكلف الدولة فى محطة التوليد 12 ألف جنيه للجهاز الواحد فقط سنوياً.

وحول إمكانية تغطية محافظات القاهرة الكبرى "القاهرة والجيزة والقليوبية" والإسكندرية، قال الدكتور المهندس هشام كامل تمراز: إن القاهرة الكبرى تستهلك 7500 ميجا، لافتاً إلى أن كل 170 متراً مربعاً تعطى 10 كيلو وات، أى نحتاج 17 ألف متر مربع فى هذه المحافظات، وهذا الأمر غير موجود فى نطاق القاهرة الكبرى.
المصدر اليوم السابع


عايز حد بقه يرد على الكلام ده ويفسرى ايه الى بيحصل بلزبط

:breakpc2:

ايوه وكمان نفرض ضريبة على تكييف السيارة ماهو بيكلف الدولة وقود -- اه ياقلبى دا شكلنا هنشوف حجات مكناش نفكر فيها

هما هيفرضوا علينا الجزية امتى.
صدقت يا مرتضى منصور.
وانا اللي كنت زعلان انك شتمت قنديل.
اشتم اشتم

فاكرين لما احمد عز كان بيستشهد بمبيعات أجهزة التكييف فى مصر وبيقول ان الشعب عايش فى رفاهيه ... هما رموز النظام البائد الفاسد المنيل بنيلة كانوا بيتكلموا صح ولا ايه ؟؟... كل كلامهم بيتطبق دلوقتى !!!!
اللى ناقص بقى الضريبه على راديو السيارة اللى كان بيتكلم عليها بطرس غالى

هما ما بيشبعوش من السرقه فى فواتير الكهرباء فعايزين يعملوا وسيله جديده لسرقه الناس. هو المواطن اللى عايزين يغلوا عليه كل حاجه ده و مرتبه زى ما هو المفروض يعمل ايه حلال علشان يقدر يلبى طلبات الاسياد اللى شكلها مش هتخلص أبدا دى ؟ :angry26:

اقتباس:

---

المشاركة الأصلية كتبت بواسطة elawany13

فاكرين لما احمد عز كان بيستشهد بمبيعات أجهزة التكييف فى مصر وبيقول ان الشعب عايش فى رفاهيه ... هما رموز النظام البائد الفاسد المنيل بنيلة كانوا بيتكلموا صح ولا ايه ؟؟... كل كلامهم بيتطبق دلوقتى !!!!
اللى ناقص بقى الضريبه على راديو السيارة اللى كان بيتكلم عليها بطرس غالى

---

ضريبة الراديو مطبقه فعلا انا بدفع 3 جنيه فى السن وده واضح فى تفصيل الرسوم السنويه للترخيص فى وحدة المرور

ما يحدث هو إعادة لتوزيع الثروة بهدف أن يصبح الجميع فقراء.

اقتباس:

---

المشاركة الأصلية كتبت بواسطة ibn_seena

هما هيفرضوا علينا الجزية امتى.
صدقت يا مرتضى منصور.
وانا اللي كنت زعلان انك شتمت قنديل.
اشتم اشتم

---

اقتباس:

---

المشاركة الأصلية كتبت بواسطة egyzizo

ما يحدث هو إعادة لتوزيع الثروة بهدف أن يصبح الجميع فقراء.

---

ههههههههههههههههههههههههه ههههههههههههههههه
ولسا اللي جاي احلي " تامر حسني " :)

حكومه مصريه غريبه اوي طيب ما يجيبوا الفلوس من برا الي متجمده في البنوك وحتحل مشكله كبير وحتسدد الدين الداخلي ويمكن الخارجي كمان

يعني ايه ضريبه على جهاز التكييف ؟ مشفتهاش في اي بلد متخلف حتى لحد دلوقتي

ده تلاقي الي عملها راج ابن ............ معندوش تكييف وقاعد في الحر وجاله تسلخ والتهابات وريحته بقت وحشه

ههههههههههههههههههههههههه ه

قالك ........ الناس الي عندها تكيف اومال انا اتسلخ والتهب وغيري بيستمتع بالتكييف ؟؟؟ مع اني معرفش مين

اساسا صاحب الفكره الهبله ديه

الرجاء مراعاة أداب الحوار
م ع 3

مفيش ضريبه على نوع الاكل ال بناكله

نفى علاء الحديدى المتحدث الرسمى باسم مجلس الوزراء ما تناولته بعض المواقع الإلكترونية عن موافقة الحكومة على مقترح لفرض رسوم على ملاك تكييفات المنازل .
وناشد كافة وسائل الإعلام بتحرى الدقة خاصة فى الموضوعات التى تهم المواطن والأسرة المصرية .

اقرأ المقال الأصلي علي بوابة الوفد الاليكترونية الوفد - الحكومة: لا رسوم على المنازل المكيفة

يا جماعة البلد عايشة في أزمة أقتصادية .
و التكييفات دي شئ مستجد على الشعب المصري .
أغلب الشعب المصري من 10 إلى 15 سنة فاتت كانت تسمع عن التكييف بس في التليفزيون .

تصوروا أن جهاز تكييف قوة 2 حصان بيستهلك حوالي 1620 وات بحالهم و ده تكييف واحد .
يعني حوالي 16 لمبة 100 وات و معاهم واحدة سهاري .

=========================

في أوروبا ........ بيشجعوا الناس تركب لمبات موفرة للطاقة و الناس دي معندهاش مشكلة في توفير الكهرباء لأن عدد السكان ثابت مش زي عندنا داخلين سباق الأرانب ........ بالاضافة أن عندهم محطات نووية لتوليد الطاقة .

هو ليه كل واحد باصص لنفسه هو بس و مش باصص على المشكلة الموجودة للبلد بوجه عام .

معلش أذا كنت مختلف معاكم بس أنا مصلحة البلد تهمني أكتر من مصلحتي الشخصية

على فكرة أنا مش أخواني و ما أنتخبتهمش و مش هانتخبهم لأختلافي الأيدولوجيات بيني و بينهم .

بس الله يكون في عونهم في شعب مش عاجبه العجب و لا الصيام في رجب .

الله ينور عليك يا استاذ توت
دخلت الموضوع مخصوص علشان اشوف ردك
و سعدت به
---------------
هذا ردى فى موضوع اخر لنفس موضوع التكييف
---
بغض النظر عن الموضوع لانى لا استطيع ان افتح جريده اليوم السابع و لا احترمها بس لى شوية كلام عاوز اقوله بعد اذنك عن تلك المواضيع

اولا : تعرف ان كان زمان فى ضريبه بتتدفع على الناس اللى عندهم تليفزيون و قبلها بفترة كانت على الراديو

نشد خط و نتكلم :)
-------------------------------------------------------------

اى مؤسسه ( بيتك - شركتك - بلدك ) لها حد اقصى من الدخل و يجب ان يكون لها حد ادنى من النفقه حتى لا تضطر الى الاستدانه او الفلس او الجوع

يعنى مثلا ماينفعش يكون دخلك 10 جنيه فى الشهر و تدىى مصروف لولادك الاربعه كل واحد فيهم 2.5 فى اليوم

و المفروض ان ولادك ما يكلفوكش اكتر من دخلك
يعنى مايجيش العيل الصغير و يقولك انا دخلت سينما امبارح مع خطيبتى و طلعنا اكلنا عند ماك و دفعنا 50 جنيه :)
اول حاجه هاتعملها معاه ان بالقلم على وشه و تفسخ الخطوبه و تقوله

خلى عندك دم - دا اللى مايشوفش من الغربال يبقى اعمى


طيب لو سيادتك المدير قالك انت علشان بتشتغل كويس لك مكافأه الشهر ده
فرحت انت بالمكافأه و قولت للعيال مصروفكم الشهر ده هايبقى الدوبل

و رجعت الخطوبه تانى و صالحت ابنك و الدنيا زى الفل

الشهر اللى بعد ماخدتش مكافأه ( عادى ما هى مش كل يوم )

و اول ما دخلت مالبيت لقيت الواد بيقولك انا مادخلتش سيما مع خطيبتى بس ودتها مطعم ابو فلوس كتر منه
و المدام نطت فى وشك و قالتلك الغساله موتورها اتحرق
و ييجى حيلتها الصغير و يقولك كسرت ازاز عم ممتاز بالكوره و عاوز يكلمك

تعمل ايه ساعتها يا حلو
يا تنتحر
يا تسرق
يا تنتن يا تنتن و الاتنين ......................

---
حد فهم حاجه

الناس طالبت بفلوس زياده
و فعلا فى كتير مرتباتهم زادت
قوم ايه الناس انبسطت ان معاها فلوس و عاوزه تعيش زى اللى بتشوفهم

بقى السيد المحترم ابو منطلون من الباله ماسك البلاك بيرى و قاعد على قهوة ولى النعم
و الباشا اللى كان لما بيركب اتوبيس جيرانه بيحسدوه - اشترى موتوسيكل و جاره حب يغيظه
اشترى عربيه بالتقسيط و هو مش عارف هايدفع منين باقى اقساطها و هلم جرا

و طبعا انتم عارفين الباقى
الناس دى اتبهدلت فعملت ايه
عملت مظاهرة و اعتصام علشان مرتبها يزيد تانى و فعلا الحكومه زودته مرة تانيه

و حصل اختلاف فى حياة الناس دى
ان ابومنطلون بقى ماسك اى فون بدل البى بى
و ابو فسبه اشترى عربيه بالقسط ( هو جاره احسن منه )
و ابو عربيه ما عملش حاجه علشان رحمه من الدنيا فى حادثه بالعربيه الجديده

لا انكر على الناس حقها فى العيشه و التطلع الى الافضل و لكننا للأسف شعب استهلاكى و سفيه
الدوله عليها مسئوليه و لكننا فى مرحله يجب ان نتحمل المسئوليه معها
-----
لازم نفكر فى ابعد من كده و لازم نكون فى الناحيه الايجابيه

مش كل ما يحصل موضوع مشابه نلاقى كل الردود تستنكر و تشتم الحكومه و لا مرة لقيت ردود ايجابيه على المستوى الشخصى ( مع احترامى للجميع فى وجهات نظرهم)

لازم نعمل اى حاجه و لو حتى هاتوفر جنيه و لو كل الناس فى مصر مش هاتعمل اى حاجه و سايبينك انت لوحدك
برضه لازم نعمل الحاجه البسيطه

حتى و لو مش علشان خاطر البلد
و حتى لو كانت الحكومه حراميه و الاخوان سارقين البلد و المناصب و .........

خلوها علشان ربنا و تبتغى بها رضوان الله عليك

-----------------------------

افتكرت واحد قاعد فى كنتاكى و عمال يلعن السمنه و اللى بتعمله و هاتك يا اكل فى كل ما يسبب السمنه و فى الاخر
بيبسى دايت لو سمحت

المشكله انى شايف ان احنا حتى ما طلبناش البيبسى الدايت

اقتباس:

---

المشاركة الأصلية كتبت بواسطة egyzizo

ما يحدث هو إعادة لتوزيع الثروة بهدف أن يصبح الجميع فقراء.

---

طيب هو التكييف دا علامة الثراء

هو رئيس الوزراء عاوز يدفعنا وخلاص بنزين وخلصنا ودلوقتى التكيف هو علشان ساكتين يبيع ويشترى فينا انا لو حصل كده انا هخلى الكهرباء مش على العداد كفايه 3 جنيه القمامه اللى بندفعها ابتديت ا ندم على اختيارى لمرسى والله

اقتباس:

---

المشاركة الأصلية كتبت بواسطة mtak

الدوله عليها مسئوليه و لكننا فى مرحله يجب ان نتحمل المسئوليه معها
-----
ل
[/size]
-----------------------------

---

[overline]ماحنا طول عمرنا شايلين مع الدوله المسئوليه بدليل اننا مابنطلبش تعين فى الحكومه ولا شقه من الحكومه ولا بنطلب اى حاجه بالعكس ده احنا بندفع من ايام مبارك [/overline] فين حقنا فين الامن فى الشارع وفين المرور والقمامه اللى ماليا الشوارع

اقتباس:

---

المشاركة الأصلية كتبت بواسطة tutankhamoun

يا جماعة البلد عايشة في أزمة أقتصادية .
و التكييفات دي شئ مستجد على الشعب المصري .
أغلب الشعب المصري من 10 إلى 15 سنة فاتت كانت تسمع عن التكييف بس في التليفزيون .

تصوروا أن جهاز تكييف قوة 2 حصان بيستهلك حوالي 1620 وات بحالهم و ده تكييف واحد .
يعني حوالي 16 لمبة 100 وات و معاهم واحدة سهاري .

=========================

في أوروبا ........ بيشجعوا الناس تركب لمبات موفرة للطاقة و الناس دي معندهاش مشكلة في توفير الكهرباء لأن عدد السكان ثابت مش زي عندنا داخلين سباق الأرانب ........ بالاضافة أن عندهم محطات نووية لتوليد الطاقة .

هو ليه كل واحد باصص لنفسه هو بس و مش باصص على المشكلة الموجودة للبلد بوجه عام .

معلش أذا كنت مختلف معاكم بس أنا مصلحة البلد تهمني أكتر من مصلحتي الشخصية

على فكرة أنا مش أخواني و ما أنتخبتهمش و مش هانتخبهم لأختلافي الأيدولوجيات بيني و بينهم .

بس الله يكون في عونهم في شعب مش عاجبه العجب و لا الصيام في رجب .

---

اقتباس:

---

المشاركة الأصلية كتبت بواسطة mtak

الله ينور عليك يا استاذ توت
دخلت الموضوع مخصوص علشان اشوف ردك
و سعدت به
---------------
هذا ردى فى موضوع اخر لنفس موضوع التكييف
---
بغض النظر عن الموضوع لانى لا استطيع ان افتح جريده اليوم السابع و لا احترمها بس لى شوية كلام عاوز اقوله بعد اذنك عن تلك المواضيع

اولا : تعرف ان كان زمان فى ضريبه بتتدفع على الناس اللى عندهم تليفزيون و قبلها بفترة كانت على الراديو

نشد خط و نتكلم :)
-------------------------------------------------------------

اى مؤسسه ( بيتك - شركتك - بلدك ) لها حد اقصى من الدخل و يجب ان يكون لها حد ادنى من النفقه حتى لا تضطر الى الاستدانه او الفلس او الجوع

يعنى مثلا ماينفعش يكون دخلك 10 جنيه فى الشهر و تدىى مصروف لولادك الاربعه كل واحد فيهم 2.5 فى اليوم

و المفروض ان ولادك ما يكلفوكش اكتر من دخلك
يعنى مايجيش العيل الصغير و يقولك انا دخلت سينما امبارح مع خطيبتى و طلعنا اكلنا عند ماك و دفعنا 50 جنيه :)
اول حاجه هاتعملها معاه ان بالقلم على وشه و تفسخ الخطوبه و تقوله

خلى عندك دم - دا اللى مايشوفش من الغربال يبقى اعمى


طيب لو سيادتك المدير قالك انت علشان بتشتغل كويس لك مكافأه الشهر ده
فرحت انت بالمكافأه و قولت للعيال مصروفكم الشهر ده هايبقى الدوبل

و رجعت الخطوبه تانى و صالحت ابنك و الدنيا زى الفل

الشهر اللى بعد ماخدتش مكافأه ( عادى ما هى مش كل يوم )

و اول ما دخلت مالبيت لقيت الواد بيقولك انا مادخلتش سيما مع خطيبتى بس ودتها مطعم ابو فلوس كتر منه
و المدام نطت فى وشك و قالتلك الغساله موتورها اتحرق
و ييجى حيلتها الصغير و يقولك كسرت ازاز عم ممتاز بالكوره و عاوز يكلمك

تعمل ايه ساعتها يا حلو
يا تنتحر
يا تسرق
يا تنتن يا تنتن و الاتنين ......................

---
حد فهم حاجه

الناس طالبت بفلوس زياده
و فعلا فى كتير مرتباتهم زادت
قوم ايه الناس انبسطت ان معاها فلوس و عاوزه تعيش زى اللى بتشوفهم

بقى السيد المحترم ابو منطلون من الباله ماسك البلاك بيرى و قاعد على قهوة ولى النعم
و الباشا اللى كان لما بيركب اتوبيس جيرانه بيحسدوه - اشترى موتوسيكل و جاره حب يغيظه
اشترى عربيه بالتقسيط و هو مش عارف هايدفع منين باقى اقساطها و هلم جرا

و طبعا انتم عارفين الباقى
الناس دى اتبهدلت فعملت ايه
عملت مظاهرة و اعتصام علشان مرتبها يزيد تانى و فعلا الحكومه زودته مرة تانيه

و حصل اختلاف فى حياة الناس دى
ان ابومنطلون بقى ماسك اى فون بدل البى بى
و ابو فسبه اشترى عربيه بالقسط ( هو جاره احسن منه )
و ابو عربيه ما عملش حاجه علشان رحمه من الدنيا فى حادثه بالعربيه الجديده

لا انكر على الناس حقها فى العيشه و التطلع الى الافضل و لكننا للأسف شعب استهلاكى و سفيه
الدوله عليها مسئوليه و لكننا فى مرحله يجب ان نتحمل المسئوليه معها
-----
لازم نفكر فى ابعد من كده و لازم نكون فى الناحيه الايجابيه

مش كل ما يحصل موضوع مشابه نلاقى كل الردود تستنكر و تشتم الحكومه و لا مرة لقيت ردود ايجابيه على المستوى الشخصى ( مع احترامى للجميع فى وجهات نظرهم)

لازم نعمل اى حاجه و لو حتى هاتوفر جنيه و لو كل الناس فى مصر مش هاتعمل اى حاجه و سايبينك انت لوحدك
برضه لازم نعمل الحاجه البسيطه

حتى و لو مش علشان خاطر البلد
و حتى لو كانت الحكومه حراميه و الاخوان سارقين البلد و المناصب و .........

خلوها علشان ربنا و تبتغى بها رضوان الله عليك

-----------------------------

افتكرت واحد قاعد فى كنتاكى و عمال يلعن السمنه و اللى بتعمله و هاتك يا اكل فى كل ما يسبب السمنه و فى الاخر
بيبسى دايت لو سمحت

المشكله انى شايف ان احنا حتى ما طلبناش البيبسى الدايت

---

هو انتم بتتكلموا بجد و لا بتهزروا

هو الكهربا اللي بيستهلكها التكيف ده انا باخدها ببلاش مثلا
انا بدفع تمنها و كل ما بشغله اكتر بدفع اكتر
و زيدوا علي ده فلوس الزباله و اللي محدش بيجي جنبها
و برضه بدفع للزبال عشان يشيلها
و مع ذلك بنزل الاقيها قدامي في الشارع و الادهي ان الكهربا بتقطع

اذا اللي ماسكين الدوله مش عارفين يستغلوا مواردها و طاقات الناس اللي فيها اللي مرميين في الشوارع و القهاوي و يعملوا مشاريع تقوم البلد يبقي ملهومش لازمه و يمشوا بكرامتهم احسن

مش كل ما الدوله تتزنق تروح واخده من الشعب
مش كفايه الفلوس اللي بندفعها و مش بناخد حاجه في مقابلها
ده غير الفلوس اللي بندفعها في خدمات زي التعليم و الصحه و خلافه للكيانات الخاصه و بنوفر علي الدوله عشان هي مش عارفه تعالج و تعلم اللي عندها اصلا ما بالك بينا

القرارات دي للاسف شايفها بتؤدي الي تطفيش رؤوس الاموال من البلد
طالما دافعين دافعين اروح ادفع في حته و اخد مقابل اللي بدفعه خدمات ادميه
و الحكومه مش هتلاقي حد تاخد منه فلوس بعد بكده
و البلد هتخرب اكتر ما هي خربانه

و عليه العوض و منه العوض

طب مايفرض ضريبه علي الرراجل او الست التخان لانهم بأكلو اكتر وبتنفسو هوا اكتر و بيشغلو حيز اكبر من العادي

كان يوم اسود يوم ما انتخبت مرسي

اقتباس:

---

المشاركة الأصلية كتبت بواسطة Ahmed A.Maksoud

نفى علاء الحديدى المتحدث الرسمى باسم مجلس الوزراء ما تناولته بعض المواقع الإلكترونية عن موافقة الحكومة على مقترح لفرض رسوم على ملاك تكييفات المنازل .
وناشد كافة وسائل الإعلام بتحرى الدقة خاصة فى الموضوعات التى تهم المواطن والأسرة المصرية .

اقرأ المقال الأصلي علي بوابة الوفد الاليكترونية الوفد - الحكومة: لا رسوم على المنازل المكيفة

---

احمدك يارب :praying:

مش عارف مين المجنون اللى بيطلع القرارات دى !!

اقتباس:

---

المشاركة الأصلية كتبت بواسطة Egyzizo

ما يحدث هو إعادة لتوزيع الثروة بهدف أن يصبح الجميع فقراء.

---

هاهاهاهاهاهاهاهاها

الحكومة تكذب الاعلامى محمود سعد وتنفى فرض ضرائب على أجهزة تكييف المنزل


نفى المتحدث الرسمى باسم مجلس الوزراء ما تناولته بعض المواقع الإلكترونية عن موافقة الحكومة على مقترح لفرض رسوم على أجهزة التكييف بالمنازل.

وناشد المتحدث باسم الحكومة وسائل الإعلام بتحرى الدقة خاصة فى الموضوعات التى تهم المواطن.

الحكومة تكذب الاعلامى محمود سعد وتنفى فرض ضرائب على أجهزة تكييف المنزل

اقتباس:

---

المشاركة الأصلية كتبت بواسطة hossam_elwani

ضريبة الراديو مطبقه فعلا انا بدفع 3 جنيه فى السن وده واضح فى تفصيل الرسوم السنويه للترخيص فى وحدة المرور

---

انت بتتكلم بجد !!!
طيب خلاص هبقى افك الكاسيت قبل ما اروح المرور لتجديد الرخصة

اقتباس:

---

المشاركة الأصلية كتبت بواسطة tutankhamoun

يا جماعة البلد عايشة في أزمة أقتصادية .
و التكييفات دي شئ مستجد على الشعب المصري .
أغلب الشعب المصري من 10 إلى 15 سنة فاتت كانت تسمع عن التكييف بس في التليفزيون .

تصوروا أن جهاز تكييف قوة 2 حصان بيستهلك حوالي 1620 وات بحالهم و ده تكييف واحد .
يعني حوالي 16 لمبة 100 وات و معاهم واحدة سهاري .

=========================

في أوروبا ........ بيشجعوا الناس تركب لمبات موفرة للطاقة و الناس دي معندهاش مشكلة في توفير الكهرباء لأن عدد السكان ثابت مش زي عندنا داخلين سباق الأرانب ........ بالاضافة أن عندهم محطات نووية لتوليد الطاقة .

هو ليه كل واحد باصص لنفسه هو بس و مش باصص على المشكلة الموجودة للبلد بوجه عام .

معلش أذا كنت مختلف معاكم بس أنا مصلحة البلد تهمني أكتر من مصلحتي الشخصية

على فكرة أنا مش أخواني و ما أنتخبتهمش و مش هانتخبهم لأختلافي الأيدولوجيات بيني و بينهم .

بس الله يكون في عونهم في شعب مش عاجبه العجب و لا الصيام في رجب .

---

للتصحيح بعد اذن حضرتك
الحصان = 746 وات
2 حصان = 1492 وات

اقتباس:

---

المشاركة الأصلية كتبت بواسطة m_adeleid

للتصحيح بعد اذن حضرتك
الحصان = 746 وات
2 حصان = 1492 وات

---

لا ياباشا صحح براحتك .

بس الرقم ده أنا جيبته من على التكييف عندي .
هو التكييف عندي طلع 2.25 حصان مش 2 حصان بس .

بس برضه 2 حصان زي ما بتقول 1492
يبقى ربع حصان يعمل 186 وات
يعني 186 + 1492 = 1678.5 وات .
و التكييف عندي بيقول أن قوة التبريد هي 1620 وات .

فأنا بصراحة مش عارف .

المهم ان الأستهلاك خزعبلي و ده المقصود و شكرا على التوضيح

اقتباس:

---

المشاركة الأصلية كتبت بواسطة mtak

الله ينور عليك يا استاذ توت
دخلت الموضوع مخصوص علشان اشوف ردك
و سعدت به

أنا لي الشرف يا أخي الفاضل و الله .
هذا ردى فى موضوع اخر لنفس موضوع التكييف
بغض النظر عن الموضوع لانى لا استطيع ان افتح جريده اليوم السابع و لا احترمها بس لى شوية كلام عاوز اقوله بعد اذنك عن تلك المواضيع
اولا : تعرف ان كان زمان فى ضريبه بتتدفع على الناس اللى عندهم تليفزيون و قبلها بفترة كانت على الراديو
نشد خط و نتكلم :)
-------------------------------------------------------------
اى مؤسسه ( بيتك - شركتك - بلدك ) لها حد اقصى من الدخل و يجب ان يكون لها حد ادنى من النفقه حتى لا تضطر الى الاستدانه او الفلس او الجوع
يعنى مثلا ماينفعش يكون دخلك 10 جنيه فى الشهر و تدىى مصروف لولادك الاربعه كل واحد فيهم 2.5 فى اليوم
و المفروض ان ولادك ما يكلفوكش اكتر من دخلك
يعنى مايجيش العيل الصغير و يقولك انا دخلت سينما امبارح مع خطيبتى و طلعنا اكلنا عند ماك و دفعنا 50 جنيه :)
اول حاجه هاتعملها معاه ان بالقلم على وشه و تفسخ الخطوبه و تقوله
خلى عندك دم - دا اللى مايشوفش من الغربال يبقى اعمى
طيب لو سيادتك المدير قالك انت علشان بتشتغل كويس لك مكافأه الشهر ده
فرحت انت بالمكافأه و قولت للعيال مصروفكم الشهر ده هايبقى الدوبل
و رجعت الخطوبه تانى و صالحت ابنك و الدنيا زى الفل
الشهر اللى بعد ماخدتش مكافأه ( عادى ما هى مش كل يوم )
و اول ما دخلت مالبيت لقيت الواد بيقولك انا مادخلتش سيما مع خطيبتى بس ودتها مطعم ابو فلوس كتر منه
و المدام نطت فى وشك و قالتلك الغساله موتورها اتحرق
و ييجى حيلتها الصغير و يقولك كسرت ازاز عم ممتاز بالكوره و عاوز يكلمك
تعمل ايه ساعتها يا حلو
يا تنتحر
يا تسرق
يا تنتن يا تنتن و الاتنين ......................
---
حد فهم حاجه
الناس طالبت بفلوس زياده
و فعلا فى كتير مرتباتهم زادت
قوم ايه الناس انبسطت ان معاها فلوس و عاوزه تعيش زى اللى بتشوفهم
بقى السيد المحترم ابو منطلون من الباله ماسك البلاك بيرى و قاعد على قهوة ولى النعم
و الباشا اللى كان لما بيركب اتوبيس جيرانه بيحسدوه - اشترى موتوسيكل و جاره حب يغيظه
اشترى عربيه بالتقسيط و هو مش عارف هايدفع منين باقى اقساطها و هلم جرا
و طبعا انتم عارفين الباقى
الناس دى اتبهدلت فعملت ايه
عملت مظاهرة و اعتصام علشان مرتبها يزيد تانى و فعلا الحكومه زودته مرة تانيه
و حصل اختلاف فى حياة الناس دى
ان ابومنطلون بقى ماسك اى فون بدل البى بى
و ابو فسبه اشترى عربيه بالقسط ( هو جاره احسن منه )
و ابو عربيه ما عملش حاجه علشان رحمه من الدنيا فى حادثه بالعربيه الجديده
لا انكر على الناس حقها فى العيشه و التطلع الى الافضل و لكننا للأسف شعب استهلاكى و سفيه
الدوله عليها مسئوليه و لكننا فى مرحله يجب ان نتحمل المسئوليه معها
-----
لازم نفكر فى ابعد من كده و لازم نكون فى الناحيه الايجابيه
مش كل ما يحصل موضوع مشابه نلاقى كل الردود تستنكر و تشتم الحكومه و لا مرة لقيت ردود ايجابيه على المستوى الشخصى ( مع احترامى للجميع فى وجهات نظرهم)
لازم نعمل اى حاجه و لو حتى هاتوفر جنيه و لو كل الناس فى مصر مش هاتعمل اى حاجه و سايبينك انت لوحدك
برضه لازم نعمل الحاجه البسيطه
حتى و لو مش علشان خاطر البلد
و حتى لو كانت الحكومه حراميه و الاخوان سارقين البلد و المناصب و .........
خلوها علشان ربنا و تبتغى بها رضوان الله عليك
-----------------------------
افتكرت واحد قاعد فى كنتاكى و عمال يلعن السمنه و اللى بتعمله و هاتك يا اكل فى كل ما يسبب السمنه و فى الاخر
بيبسى دايت لو سمحت
المشكله انى شايف ان احنا حتى ما طلبناش البيبسى الدايت

---

للآسف الناش مش فهمة يعني أيه كلمة مجتمع
مجتمع يعني أجتماع عدد معين من الناس للحياة و السكن في مكان واحد و المفروض بقوانين مشتركة .
و لكن بسبب أن مبارك خرب البلد .... و خرب مخ المصريين .
وعبد الناصر أخترع أختراعات هابلة خربت الأقتصاد و اللي هو الخراب رقم واحد (الدعم )

الناس أتعودت على أن الحكومة تدفع .......... مش أنها تشتغل و تكسب و تعيش على أدها .


محدش عايز يعيش قليل و يعيش وحش ... و لكن المثل البلدي بيقول

على أد لحافك مد رجليك ......... و كل برغوث على أد دمه

و عذرا على الأمثال الشعبية .

اقتباس:

---

المشاركة الأصلية كتبت بواسطة horas3000

هو انتم بتتكلموا بجد و لا بتهزروا
هو الكهربا اللي بيستهلكها التكيف ده انا باخدها ببلاش مثلا

هاديك مثال :

في أنجلترا كل لما العربية موتورها سعته اللترية تكبر كل لما يدفعك ضرائب أكبر للطريق و ضرائب مبيعات أكتر و تأمين أكتر .
مع أنك بتدفع ثمن البنزين و كل لما عربيتك تكبر أنت هاتدفع كدا كدا أكتر .
طيب هي الحكومة الأنجليزية عاملة كدا ليه ؟؟؟؟؟

علشان الأستهلاك الكتير ده بيأثر على الأقتصاد الأنجليزي و البيئة الأنجليزية و بيجبر الحكومة لضخ بنزين أكتر في السوق على الفاضي ....
يعني بيأثر على غيرك كمان مش أنت لوحدك و لأننا مش عايشين في الكون لوحدينا ... لازم نحس ببعض و نفكر لبعض و بصوت عالي .

نفس الموضوع ينطبق على التكييف من وجهة نظري الشخصية .

انا بدفع تمنها و كل ما بشغله اكتر بدفع اكتر
و زيدوا علي ده فلوس الزباله و اللي محدش بيجي جنبها

دي معاك مليون % حق فيها
و برضه بدفع للزبال عشان يشيلها
و مع ذلك بنزل الاقيها قدامي في الشارع و الادهي ان الكهربا بتقطع

اذا اللي ماسكين الدوله مش عارفين يستغلوا مواردها و طاقات الناس اللي فيها اللي مرميين في الشوارع و القهاوي و يعملوا مشاريع تقوم البلد يبقي ملهومش لازمه و يمشوا بكرامتهم احسن

معلش طول ما الناس بتفكر بطريقتك ..... يبقى البلد عمرها ما هاتتحرك حتى لو جبت حكومة أوباما تحكم مصر .
أيد لوحده ما تسقفش ...
أنا معرفش أي تفاصيل
بس واضح أن البلد فيها مشاكل كتيرة و محتاجة تعاون من كل الناس و كل المصريين لازم يفكروا في مصر ...
ممكن نتعب سنة أو أثنين و نستريح على طول زي تركيا و ماليزيا ما عملوا ... تعبوا شوية و بعدين أرتاحوا .
و من زرع حصد و من جد وجد .

مش كل ما الدوله تتزنق تروح واخده من الشعب

مقالوش هايخدوا من الشعب ...... الأشاعة اللي طلعت أن هايكون فيه زيادة على حاجة معينة .
مش كفايه الفلوس اللي بندفعها و مش بناخد حاجه في مقابلها

هو أيه اللي أحنا بندفعه و مش بنأخد حاجة مقابله ؟؟؟؟؟؟؟؟؟؟؟؟؟؟؟؟؟؟؟؟؟
ده أحنا كل حاجة مدعمة و ده اللي مخليك مش حاسس بحاجة مقابل حاجة .


ده غير الفلوس اللي بندفعها في خدمات زي التعليم و الصحه و خلافه للكيانات الخاصه و بنوفر علي الدوله عشان هي مش عارفه تعالج و تعلم اللي عندها اصلا ما بالك بينا

ما هي مش عارفة تعالج و لا عارفة تعلم علشان منظومة الدعم الفاشلة و نبقى كلنا كمصريين غلطانيين إذا أعتقدنا أن الأخوان يقدروا يحلوا حاجة أو أي حكومة تقدر تحل مصايب 60 سنة أو 30 سنة لوحدها .
زي ما قلت لازم كل الناس تتعاون ........ أحنا عايشين في مجتمع مش عايشين في كيانات منفصلة بكل فرد .

القرارات دي للاسف شايفها بتؤدي الي تطفيش رؤوس الاموال من البلد
طالما دافعين دافعين اروح ادفع في حته و اخد مقابل اللي بدفعه خدمات ادميه
و الحكومه مش هتلاقي حد تاخد منه فلوس بعد بكده
و البلد هتخرب اكتر ما هي خربانه

و عليه العوض و منه العوض

---

تحياتي

الحرافيش
طول ما مصادر دخل الدولة فردة وضرائب وكرتة
ومفيش انتاج حقيقي +اخلاق وسلوك احترام بعضنا
حنفضل في مهب الريح
بمعني البلد دي يلزمها تكون علي قلب رجل واحد
ونتجنب سياسة فرق تسد اللي مقصودة تتعمل من اي حد مستفيد من البوظان ده

والحديث-مامعناه- بتاع السفينة اللي الناس اللي كانو بداخلها في اسفلها وكل شويه يطلعو فوق علشان يملو مياه من البحر وهداهم تفكيرهم انهم يخرمو اسفل السفينة علشان تسهل لهم الحصول علي المياه لو ما حدش منعهم من جيرانهم في نفس السفينة حتغرق كلها-السفينة اللي هي الوطن واسف واستغفر الله العظيم-لاني مش فاكر الحديث بحذافيره ياريت اللي حافظه يكتبه في مشاركة تالية وشكرا

اقتباس:

---

المشاركة الأصلية كتبت بواسطة waelfarid

الحرافيش
طول ما مصادر دخل الدولة فردة وضرائب وكرتة
ومفيش انتاج حقيقي +اخلاق وسلوك احترام بعضنا
حنفضل في مهب الريح
بمعني البلد دي يلزمها تكون علي قلب رجل واحد
ونتجنب سياسة فرق تسد اللي مقصودة تتعمل من اي حد مستفيد من البوظان ده

والحديث-مامعناه- بتاع السفينة اللي الناس اللي كانو بداخلها في اسفلها وكل شويه يطلعو فوق علشان يملو مياه من البحر وهداهم تفكيرهم انهم يخرمو اسفل السفينة علشان تسهل لهم الحصول علي المياه لو ما حدش منعهم من جيرانهم في نفس السفينة حتغرق كلها-السفينة اللي هي الوطن واسف واستغفر الله العظيم-لاني مش فاكر الحديث بحذافيره ياريت اللي حافظه يكتبه في مشاركة تالية وشكرا

---

http://www.kolobok.us/smiles/sport/fan_1.gif

لازم نزود الأنتاج و نقلل الأستهلاك كمان .
و شكرا و تحياتي

اقتباس:

---

المشاركة الأصلية كتبت بواسطة ahmed a.maksoud

نفى علاء الحديدى المتحدث الرسمى باسم مجلس الوزراء ما تناولته بعض المواقع الإلكترونية عن موافقة الحكومة على مقترح لفرض رسوم على ملاك تكييفات المنازل .
وناشد كافة وسائل الإعلام بتحرى الدقة خاصة فى الموضوعات التى تهم المواطن والأسرة المصرية .

اقرأ المقال الأصلي علي بوابة الوفد الاليكترونية الوفد - الحكومة: لا رسوم على المنازل المكيفة

---

ده اللى كنت عايز اقوله بالعقل كده مش كل خبر نشوفه نصدقه ونمشى معاه للاخر

اقتباس:

---

المشاركة الأصلية كتبت بواسطة tutankhamoun

هاديك مثال :

في أنجلترا كل لما العربية موتورها سعته اللترية تكبر كل لما يدفعك ضرائب أكبر للطريق و ضرائب مبيعات أكتر و تأمين أكتر .
مع أنك بتدفع ثمن البنزين و كل لما عربيتك تكبر أنت هاتدفع كدا كدا أكتر .
طيب هي الحكومة الأنجليزية عاملة كدا ليه ؟؟؟؟؟

علشان الأستهلاك الكتير ده بيأثر على الأقتصاد الأنجليزي و البيئة الأنجليزية و بيجبر الحكومة لضخ بنزين أكتر في السوق على الفاضي ....
يعني بيأثر على غيرك كمان مش أنت لوحدك و لأننا مش عايشين في الكون لوحدينا ... لازم نحس ببعض و نفكر لبعض و بصوت عالي .

نفس الموضوع ينطبق على التكييف من وجهة نظري الشخصية .

معلش يا باشا المقارنه مش عادله
موضوع البنزين يختلف تماما عن الكهربا
كمان ما احنا قلنا وفر مواصلات زي اللي عند الانجليز بعدين اتكلم عن البنزين

فهل بقي الحكومه الانجليزيه بتحاسب الناس اللي عندها اكتر من دفايه غير الناس اللي عندها دفايه واحده او معندهمش

دي حاجه و دي حاجه
تحمل الحر و البرد دي قدرات تختلف من واحد للتاني
و اصلا التكيف انا دافع زياده عن تمنه جمارك قد كده
و بدفع كهربته اللي بتسهلكها
تيجي تقولي ضرايب ده يبقي كلام فارغ



دي معاك مليون % حق فيها


معلش طول ما الناس بتفكر بطريقتك ..... يبقى البلد عمرها ما هاتتحرك حتى لو جبت حكومة أوباما تحكم مصر .
أيد لوحده ما تسقفش ...
أنا معرفش أي تفاصيل
بس واضح أن البلد فيها مشاكل كتيرة و محتاجة تعاون من كل الناس و كل المصريين لازم يفكروا في مصر ...
ممكن نتعب سنة أو أثنين و نستريح على طول زي تركيا و ماليزيا ما عملوا ... تعبوا شوية و بعدين أرتاحوا .
و من زرع حصد و من جد وجد .

مهو يا باشا يقولوا لنا علي المشاكل دي و احنا تساعدهم
لكن يسبونا علي عمانا لا
مش دي الشفافيه اللي قارفينا بيها
يحطوا خطه مدروسه و يقولوا انا مطلوب كذا و كذا و التنيجه هتبقي كذا و كذا و شوف المصريين هيعملوا ايه
لكن مشروع نهضة بلا اي ملامح يبقي معلش كلام فاضي و دحك علي الدقون



مقالوش هايخدوا من الشعب ...... الأشاعة اللي طلعت أن هايكون فيه زيادة على حاجة معينة .

مهو زي ما بيقولوا مفيش دخان من غير ناس
انا شايف انها كانت جس نبض للناس


هو أيه اللي أحنا بندفعه و مش بنأخد حاجة مقابله ؟؟؟؟؟؟؟؟؟؟؟؟؟؟؟؟؟؟؟؟؟
ده أحنا كل حاجة مدعمة و ده اللي مخليك مش حاسس بحاجة مقابل حاجة .

الضرايب و الجمارك و الرسوم
كل ده مبناخدش مقابله حاجه ملموسه


ما هي مش عارفة تعالج و لا عارفة تعلم علشان منظومة الدعم الفاشلة و نبقى كلنا كمصريين غلطانيين إذا أعتقدنا أن الأخوان يقدروا يحلوا حاجة أو أي حكومة تقدر تحل مصايب 60 سنة أو 30 سنة لوحدها .
زي ما قلت لازم كل الناس تتعاون ........ أحنا عايشين في مجتمع مش عايشين في كيانات منفصلة بكل فرد .

يبقي نلغي الدعم و نوزعه نقدي في صوره دعم بطاله او زياده مرتبات احسن
و زي ما قلت المصريين اغلبهم جدعان
قولهم بلدكم محتاجه كذا و هما هيقوموا بالواجب
فالفكره كلها في موضوع الشفافيه و وضع خطط مستقبليه
ما هو لازم الناس تعرف وضعها و المطلوب منها عشان يشتغلوا عليه ولا ايه

و يا زعيم الكيانات المنفصله دي نتاج شغل النظام السابق و المصريين نفسهم
ما الكل بيقول يلا نفسي و محدش قلبه علي التاني
و حتي اللي بيهتم و بيساعد الاخرين رد الفعل منهم بيخليه ميكررهاش تاني
و اسالني انا



تحياتي

---

تحياتي ليك يا باشا
و سعيد للنقاش معاك