عايز أشترى ريو الجديدة 2013و خايف ... افيدونى يا نمور

السلام عليكم و رحمه الله
مساء الخير يا نمور كيا و ده اول موضوع ليا فى القسم الجميل ده و انا محتاج لنصائح و مساعده مهمه جدا منكم و خصوصا ملاك الريو
انا معايا عربيتى الجيتز و عايز اجيب ان شاء الله الريو الهاتشباك التوب لاين الخليجى بس الصراحة خايف من كام حاجة كده و عايز اجابات واضحة و شفافه ....

1- أخيار السحب ايه ؟؟؟ و مع التكييف التأثير بيكون ايه ؟؟؟
2- موضوع استهلاك البنزين العالى الى بسمع عنه حقيقته ايه ؟؟؟ و تعديل السوفت وير ؟؟؟
3- الفرامل ادائها عامل ايه ؟؟
4- الثبات اخباره ايه ؟؟؟
5- هل الخليجى بيتعمل صيانة ليه فى التوكيل عادى ؟؟؟

معلش يا رجااله انا عارف انى تعبكم بس معلش الواحد قلقان جدا و مش عاوز اندم انى جبتها خصوصا انى متعلق جدا بعربيتى الحاليه و مش عايز انزل منها واركب حاجه تطلع وحشه .... و الف مليون شكر يا اجدع نمورر

الرد على اول سؤالين

سحب العربية واستهلاك بنزينها هو عربية بـ1600

السؤال الثالث : الفرامل بتفرق جداً لو اشتريت الهاي لاين لان الهاي لاين فيها abs و ebd والاتنين دول مع بعض اقل ضغط على الفرامل العربية هتقل سرعتها بشكل كبير فهتحس بفرق لو مجبتش الهاي لاين

السؤال الرابع : ممتازه جداً ولكن طبعاً العربية واطية على الارض في مطبات بلادنا اللي بنشوف فيها الابداع الهندسي

السؤال الخامس : نصيحة بعد عن الخليجي وخليك في التوكيل لان العربية جديدة ومحدش برا فاهم لها حاجة فعلشان كده خليك في التوكيل افضل وغير كده الخليجي ده بطيخة مقفولة وانت وحظك

مع احترامى للكيا عموما ( باعتبرها افضل ماركة فى الكورى على الساحة الان)
لكن مافكرتش فى نيسان؟

اقتباس:

---

المشاركة الأصلية كتبت بواسطة 2code

الرد على اول سؤالين

سحب العربية واستهلاك بنزينها هو عربية بـ1600

السؤال الثالث : الفرامل بتفرق جداً لو اشتريت الهاي لاين لان الهاي لاين فيها abs و ebd والاتنين دول مع بعض اقل ضغط على الفرامل العربية هتقل سرعتها بشكل كبير فهتحس بفرق لو مجبتش الهاي لاين

السؤال الرابع : ممتازه جداً ولكن طبعاً العربية واطية على الارض في مطبات بلادنا اللي بنشوف فيها الابداع الهندسي

السؤال الخامس : نصيحة بعد عن الخليجي وخليك في التوكيل لان العربية جديدة ومحدش برا فاهم لها حاجة فعلشان كده خليك في التوكيل افضل وغير كده الخليجي ده بطيخة مقفولة وانت وحظك

---

الف شكر على الرد الجميل
بس ليا كام سؤال كمان ؟؟؟ بالنسبه لموضوع السوفت وير ده هل لازم اعمله لما اشترى العربية ولا حسب الظررروف ؟؟؟ و هل عيب استهلاك البنزين اتعالج فى موديلات 2013 ؟؟

السؤال الثانى : اخبار السحب مع التكييف ايه ؟؟؟ العربيه بتتقتل ولا ايه ؟؟؟؟

اقتباس:

---

المشاركة الأصلية كتبت بواسطة 2code

السؤال الثالث : الفرامل بتفرق جداً لو اشتريت الهاي لاين لان الهاي لاين فيها abs و ebd والاتنين دول مع بعض اقل ضغط على الفرامل العربية هتقل سرعتها بشكل كبير فهتحس بفرق لو مجبتش الهاي لاين

---

قوة الفرامل ما بتفرقش سواء كان في العربيه abs و ebd أو لا